ད་ལྟ་བར་ཐེ་ལན་གྱི་དམག་མི་ 3 དང་། ཉུང་མཐར་ཀམ་བྷོ་ཀྲི་ཡའི་མི་སེར་ 7 བཅས་བསད། ཐོག་མའི་ཐད་ཀའི་རྒྱུ་རྐྱེན་ཐད། ཕྱོགས་གཉིས་ཀས་ཕན་ཚུན་གྱི་སྟེང་སྐྱོན་འཛུགས་རེས་བྱས།
གཟའ་ཉི་མའི་ཉིན་ནས། ལྷོ་ཤར་ཨེ་ཤ་ཡའི་རྒྱལ་ཁབ་ཐེ་ལན་དང་ཀམ་བྷོ་ཀྲི་ཡ་གཉིས་ཀྱི་ས་མཚམས་སུ། ཕན་ཚུན་གྱི་དམག་མིའི་བར་དྲག་ཟིང་བྱུང་ཞིང་། ཁ་སང་ནས་ཕན་ཚུན་གྱི་རྒྱལ་ནང་ལ་གཏོར་རྒོལ་ཁྲོད། ད་ལྟ་བར་ཐེ་ལན་གྱི་དམག་མི་ 3 དང་། ཉུང་མཐར་ཀམ་བྷོ་ཀྲི་ཡའི་མི་སེར་ 7 བཅས་བསད། ཐོག་མའི་ཐད་ཀའི་རྒྱུ་རྐྱེན་ཐད། ཕྱོགས་གཉིས་ཀས་ཕན་ཚུན་གྱི་སྟེང་སྐྱོན་འཛུགས་རེས་བྱས།
སྔར་ཀམ་བྷོ་ཀྲི་ཡ་དེ་ཧྥ་རན་སིའི་མི་སེར་སྤེལ་ཡུལ་ཡིན་པ་ལ། ཕྱི་ལོ་1953 ལོར་རང་བཙན་ཐོབ་རྗེས། ས་མཚམས་དབྱེ་སྟངས་ཀྱི་ཆ་ནས་ཕྱོགས་འདིར་གནའ་བོའི་ཧིན་རྡུའི་ལྷ་ཁང་ཞིག་ཡོད་པ། ཀམ་བྷོ་ཀྲི་ཡའི་མངའ་ཁོངས་སུ་བཅུག ལྷ་ཁང་འདི་ནི་གཙོ་གཞི་ཞིག་ཏུ་གྱུར་ཅིང་། འདིའི་ཆེད་རྒྱལ་ཁབ་གཉིས་ཀྱིས་རྒྱལ་སྤྱིའི་ཁྲིམས་ཁང་ལ་ཡང་གཏུག་བཤེར་བྱས་ཤིང་། ཕྱི་ལོ་ 2008 ལོར་ཀམ་བྷོ་ཀྲི་ཡའི་གཞུང་གིས། ལྷ་ཁང་འདི་རྒྱལ་སྤྱིའི་ཤུལ་བཞག་རིག་དངོས་གཅེས་མཉར་ཁྲོད་ཐོ་འགོད་བྱེད་ཐབས་བྱས་རྐྱེན། རྒྱལ་ཁབ་གཉིས་བར་རྙོག་ཟིང་ཆེན་པོ་འགོ་བཙུགས།
ད་ལོའི་ཕྱི་ཟླ་ 5 དང་ཕྱི་ཟླ་ 7 ནང་ཡང་བསྐྱར་གནས་ཚུལ་སྡུག་ཏུ་ཕྱིན། ཕྱི་ཟླ་ 7 ནང་རྒྱལ་ཁབ་གཉིས་བར་ཉིན་ 5 རིང་འཐབ་འཛིང་བྱུང་བའི་རྗེས། རྒྱལ་ཁབ་གཉིས་ཀྱིས་རྒྱལ་མཚམས་སུ་འགྲོ་བསྐྱོད་བཀག་ཅིང་། ཀམ་བྷོ་ཀྲི་ཡས་ཐེ་ལན་ནས་ཤིང་ཏོག་དང་སྔོ་ཚལ། གློག་དང་དྲྭ་རྒྱ་སོགས་ནང་འདྲེན་བྱེད་རྒྱུ་མཚམས་བཞག སྐབས་དེར་ལྷོ་ཤར་ཨེ་ཤ་ཡའི་རྒྱལ་ཁབ་གཞན་དག་དང་། ཨ་རི་བཅས་ཀྱིས་བར་འདུམ་བརྒྱུད། ཕྱི་ཟླ་ 10 ཚེས་ 26 ཉིན་ཞི་བའི་གྲོས་མཐུན་བཞག་ཅིང་།