ཁཱ་རེ་བྷེ་ཡན་མཚོ་རྒྱུད་དུ་ཡོད་པའི་ཨ་རིའི་དམག་དཔུང་གིས། ཝེ་ནེ་ཛོ་ལའི་མཚོ་རྒྱུད་དུ་རྡོ་སྣུམ་སྐྱེལ་མཁན་གྱི་གྲུ་གཟིངས་ཆེན་པོ་ཞིག་བཟུང་། ཨ་རིའི་ལས་བྱེད་དག་ལྟར་ན་དེ་ནི་ཉེས་ཆད་འོག་ཡོད་པའི་ཨེ་རན་དང་། ཝེ་ནེ་ཛོ་ལའི་རྡོ་སྣུམ་སྐྱེལ་མཁན་ཞིག་ཡིན་པ་བསྒྲགས།
ཁཱ་རེ་བྷེ་ཡན་མཚོ་རྒྱུད་དུ་ཡོད་པའི་ཨ་རིའི་དམག་དཔུང་གིས། ཝེ་ནེ་ཛོ་ལའི་མཚོ་རྒྱུད་དུ་རྡོ་སྣུམ་སྐྱེལ་མཁན་གྱི་གྲུ་གཟིངས་ཆེན་པོ་ཞིག་བཟུང་། ཨ་རིའི་ལས་བྱེད་དག་ལྟར་ན་དེ་ནི་ཉེས་ཆད་འོག་ཡོད་པའི་ཨེ་རན་དང་། ཝེ་ནེ་ཛོ་ལའི་རྡོ་སྣུམ་སྐྱེལ་མཁན་ཞིག་ཡིན་པ་བསྒྲགས་ཤིང་། ཝེ་ནེ་ཛོ་ལའི་གཞུང་གིས། འདི་ནི་མཚོ་ཇག་གི་བྱེད་སྟངས་ཤིག་རེད་ཅེས་བཤད།
དེ་དང་ལྷན་ད་ལོར་ནོ་བྷེལ་ཞི་བདེ་གཟེངས་རྟགས་ཐོབ་མཁན། ཝེ་ནེ་ཛོ་ལའི་ཕྱོགས་འགལ་ཚོགས་པའི་དབུ་ཁྲིད། ལྕམ་མཱ་ཅ་རྡོ་(Machado)མདང་དགོང་གློ་བུར་དུ་ནོར་ཝེའི་རྒྱལ་ས་ཨོ་སི་ལོར་སླེབས་ཤིང་། མོ་ལ་ཐོབ་ཟིན་པའི་ནོ་བྷེ་ཞི་བདེའི་གཟེངས་རྟགས་ལེན་དུ་ཡོང་ཡིན་པ་བསྒྲགས། ད་ལོའི་ཕྱི་ཟླ་ 1 ནང་ནས་ད་ལྟ་ལོ་ན་ 58 ཡིན་པའི་བུད་མེད་འདི་མི་རྣམས་ཀྱི་མཐོང་ལམ་ནས་བརླགས་ཤིང་། ཝེ་ནེ་ཛོ་ལའི་རྒྱལ་ནང་དུ་བསྐུངས་ཡོད་པ་གསལ། མོའི་ཕྱི་བསྐྱོད་ལ་བཀག་བསྡོམས་བྱས་ཡོད་ཀྱང་ཁ་སང་མོ་གསང་བའི་ངང་ཡུ་རོབ་ཏུ་སླེབས།
མོས་སྦི་སྦི་སི་གསར་ཁང་ལ། ང་རང་ཕྱིར་འགྲོ་ངེས་ཡིན། ངས་ཉེན་ཁ་ཅི་ཞིག་དང་ལེན་བྱེད་བཞིན་པ་རང་ཏག་ཏག་ཧ་གོ་ཡོད་ཅེས་བཤད། མོ་རང་འདི་ལྟར་གསང་བའི་ངང་ནོར་ཝེ་རུ་ཡོང་བཞིན་པ། གཟེངས་རྟགས་ཚོགས་ཆུང་གིས་ཀྱང་མ་ཤེས་པ་བཤད། ལོ་སྔོན་མའི་སྲིད་འཛིན་འོས་བསྡུའི་ཁྲོད། མཱ་རྡུ་རོ་གཞུང་གིས་མོ་ལ་ཉེས་མིང་འདྲ་མིན་བཏགས་ནས་འགྲན་རྩོད་ཁྲོད་ཞུགས་སུ་མ་བཅུག་ཅིང་། མཐར་མཱ་རྡུ་རོ་རང་ཉིད་ལ་སྲིད་འཛིན་སྐབས་གསུམ་པའི་རྒྱལ་ཁ་ཐོབ་ཟིན་པ་བསྒྲགས།