ཨ་རིའི་དམག་དཔུང་གིས། ལྷོ་ཨ་མེ་རི་ཀའི་རྒྱལ་ཁབ་ཝེ་ནེ་ཛོ་ལའི་རྒྱལ་ས་ཀཱ་ར་ཀ་སི་རུ་གཏོར་རྒོལ་འགོ་བཙུགས། བདེ་སྲུང་བློན་ཆེན་བསད་ཟིན་པའི་གནས་ཚུལ་ཞིག་ཐོན།
ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུས་ཐོག་མར་ཁ་གྲགས། ཁོས་རང་གི་སྤྱི་ཚོགས་དྲྭ་རྒྱའི་སྟེང་། ཨ་རིའི་དམག་དཔུང་གིས་ཝེ་ནེ་ཛོ་ལ་དང་དེའི་དབུ་ཁྲིད་ཚོའི་སྟེང་གཏོར་རྒོལ་ལེགས་འགྲུབ་ལྡན་པ་ཞིག་བྱས་ཟིན། སྲིད་འཛིན་མཱ་རྡུ་རོ་དང་། ཁོའི་བཟའ་ཟླ་གཉིས་བཟུང་ཟིན་ཅིང་ད་ལྟ་རྒྱལ་ཁབ་ནས་ཕྱི་ལ་ཐོན་ཟིན་ཅེས་བྲིས། ཞིབ་ཕྲའི་གནས་ཚུལ་སྐོར་དེ་རིང་ཞོགས་པའི་ས་གནས་ཀྱི་ཆུ་ཚོད་ 11:00 སྟེང་། ཡོངས་ཁྱབ་གསལ་བསྒྲགས་ཤིག་སྤེལ་རྒྱུ་ཡིན་པ་བསྒྲགས།