ཕྱི་ལོ་ 2019 ཟླ་ 8 ནང་ཨེབ་སི་ཀྲེན་རང་ཉིད་ཀྱིས་བྲིས་པ་ཡིན་པར་བཤད་པའི་ཡི་གེ་ལག་བྲིས་མ་ཞིག་ཕྱིར་ཐོན། དེའི་ནང་དུ་ཁོས། ང་ཚོའི་སྲིད་འཛིན་(སྒྲོ་ནལ་ཁྲི་རམ་ཕུ།)གྱིས་ཀྱང་། བུ་མོ་ན་ཚོད་སྨུན་མ་ཐག་པ་དག་སྤྱད་ཡོད་པ་རེད་ཅེས་བྲིས།
སླར་ཡང་ཨ་རིའི་ཁྲིམས་ལུགས་ལྟ་ཞིབ་དང་། ལག་བསྟར་ལྷན་ཁང་གིས། ནག་ཅན་ཨེབ་སི་ཀྲེན་དང་འབྲེལ་བའི་ཡིག་ཆ་དང་། པར་སོགས་ཕོན་ཆེན་ཞིག་ཕྱིར་བཀྲམས་ཟིན་པ་ལྟར། དེའི་ཁྲོད་དུ་ཕྱི་ལོ་ 2019 ཟླ་ 8 ནང་ཨེབ་སི་ཀྲེན་རང་ཉིད་ཀྱིས་བྲིས་པ་ཡིན་པར་བཤད་པའི་ཡི་གེ་ལག་བྲིས་མ་ཞིག་ཕྱིར་ཐོན། དེའི་ནང་དུ་ཁོས། ང་ཚོའི་སྲིད་འཛིན་(སྒྲོ་ནལ་ཁྲི་རམ་ཕུ།)གྱིས་ཀྱང་། བུ་མོ་ན་ཚོད་སྨུན་མ་ཐག་པ་དག་སྤྱད་ཡོད་པ་རེད་ཅེས་བྲིས་ཤིང་། མཇུག་ཏུ་ཁོས། མི་ཚེ་ནི་འདྲ་མཉམ་ཞིག་མ་རེད་ཅེས་བྲིས།
ད་དུང་སྐབས་དེར་ཁོ་བཀག་མཉར་འོག་ཡོད་པས། ཁོས་བཙོན་སྲུང་བར་ངའི་ཤག་རོགས་ཀྱིས་ང་གསོད་ཐབས་བྱེད་ཀྱི་འདུག་ཅེས་བཤད་ཡོད་པའི་གནས་ཚུལ་ཞིག་ཀྱང་བཀོད། ཁྲིམས་ལུགས་ལྟ་ཞིབ་དང་ལག་བསྟར་ལྷན་ཁང་གིས། ནག་ཅན་ཨེབ་སི་ཀྲེན་གྱི་ལག་བྲིས་ཡིན་པར་བཤད་པའི་ཡི་གེ་འདི་བདེན་པ་ཡིན་མིན་ཞིབ་འཇུག་བྱེད་བཞིན་པ་བཤད། རྗེས་སུ་ཁོ་ཚོས་ཡི་གེ་འདི་ནི་རྫུན་མ་རེད་ཅེས་ཟེར།
ནག་ཅན་ཨེབ་སི་ཀྲེན་དང་འབྲེལ་བའི་ཡིག་ཆ་དག་ཕྱིར་འགྲེམས་སྟངས་དང་། སྒྲོ་ནལ་ཁྲི་རམ་ཕུ་སྲུང་སྐྱོབ་བྱེད་སྟངས་དང་འབྲེལ། ད་ལྟའི་ཁྲིམས་ལུགས་ལྟ་ཞིབ་དང་། ལག་བསྟར་ལྷན་ཁང་གི་ལས་བྱེད་མང་པོ་འབྱུང་འགྱུར་ཁྲིམས་སྒོར་ལྷུང་རྒྱུ་ཡིན་པའི་སྔོན་བརྡའང་བཏང་། བདུན་ཕྲག་སྔོན་མར་བཏོན་པའི་ཁྲོད་སྲིད་འཛིན་ཟུར་བ་ཁི་ལེན་ཀྲོན་གྱི་པར་འགའ་ཚུད་ཡོད་པ་ལྟར། ཁི་ལེན་ཀྲོན་གྱི་མགྲིན་ཚབ་པས། ད་ལྟ་ནག་ཅན་ཨེབ་སི་ཀྲེན་དང་འབྲེལ་བའི་ཡིག་ཆ་ཚང་མ་ཕྱིར་འདོན་རོགས་ཞེས་འབོད་སྐུལ་ཞུས།