ད་དུང་སྒྲོ་ནལ་ཁྲི་རམ་ཕུས། རཱ་ཤི་ཡ་དང་རྒྱ་ནག་གཉིས་ལའང་ང་འབྲེལ་བ་ཡག་པོ་ཡོད། ཁོ་ཚོས་ཀྱང་ང་ཚོ་བརྒྱུད་ནས་རྡོ་སྣུམ་ཉོ་ཆོག་པ་ཡིན། རཱ་ཤི་ཡ་ལ་རྡོ་སྣུམ་མང་པོ་ཡོད་ཀྱང་ཁོ་ཚོ་རྡོ་སྣུམ་ལ་ཧ་ཅང་དགའ་བོ་འདུག་ཅེས་བཤད།
ཁ་སང་ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུས། ཝེ་ནེ་ཛོ་ལའི་རྡོ་སྣུམ་ཚོང་ལས་དང་ཕྱི་འདྲེན་ཁྲོད། མ་རྐང་འཇོག་རྒྱུ་དང་འབྲེལ་ཨ་རིའི་ཁེ་གཉེར་ཚོའི་དབུ་ཁྲིད་དག་གི་ཚོགས་འདུ་ཞིག་བསྐུངས། སྐབས་དེར་སྒྲོ་ནལ་ཁྲི་རམ་ཕུས། འབྱུང་འགྱུར་ཁྱོད་ཚོས་ཝེ་ནེ་ཛོ་ལ་དང་ཐད་ཀར་འབྲེལ་བ་བྱེད་མི་དགོས། ཁྱོད་ཚོས་ང་ཚོ་(ཨ་རིའི་གཞུང་།)དང་ལྷན་འབྲེལ་བ་བྱ་དགོས་པ་རེད། ཅེས་འབྱུང་འགྱུར་ཝེ་ནེ་ཛོ་ལའི་རྡོ་སྣུམ་ཕྱིར་འཚོང་ལ་ཨ་རིས་སྟངས་འཛིན་བྱ་རྒྱུ་ཡིན་པ་གསལ་བོར་བསྟན།
ད་དུང་སྒྲོ་ནལ་ཁྲི་རམ་ཕུས། རཱ་ཤི་ཡ་དང་རྒྱ་ནག་གཉིས་ལའང་ང་འབྲེལ་བ་ཡག་པོ་ཡོད། ཁོ་ཚོས་ཀྱང་ང་ཚོ་བརྒྱུད་ནས་རྡོ་སྣུམ་ཉོ་ཆོག་པ་ཡིན། རཱ་ཤི་ཡ་ལ་རྡོ་སྣུམ་མང་པོ་ཡོད་ཀྱང་ཁོ་ཚོ་རྡོ་སྣུམ་ལ་ཧ་ཅང་དགའ་བོ་འདུག་ཅེས་བཤད། དེ་དང་ལྷན་ཨ་རིའི་ཆབ་སྲིད་མི་སྣ་དང་། བདེ་སྲུང་སྐུ་ཚབ་བཅས་ཀྱིས་གྲུབ་པའི་ལས་བྱེད་སྐོར་ཞིག་ཝེ་ནེ་ཛོ་ལར་སླེབས། སི་ཨན་ཨན་གསར་ཁང་ལྟར་ན། འདི་ནི་རྒྱལ་ཁབ་གཉིས་བར་ཕྱི་འབྲེལ་བསྐྱར་གསོའི་ལས་ཀའི་རིམ་པ་དང་པོ་དག་སྒྲུབ་ཆེད་ཡིན་པ་བཤད།
བདུན་ཕྲག་འདིའི་གཟའ་ཟླ་བའི་ཉིན། སུད་སི་གཞུང་གིས་ཡུལ་དེར་ཡོད་པའི་ཝེ་ནེ་ཛོ་ལའི་དངུལ་སྒོར་ཚང་མ་རེ་ཞིག་འགུལ་རྒྱུ་མེད་པ་ཐག་བཅད་ཟིན་པ་ལྟར། རོའུ་ཀྲར་གསར་ཤོག་སྟེང་གནས་ཚུལ་བཀོད་པ་ལྟར་ན། ཕྱི་ལོ་ 2013 ནས་ཕྱི་ལོ་ 2016 བར་ཝེ་ནེ་ཛོ་ལ་ནས་སུད་སིར་གསེར་ཨ་སྒོར་ཐེར་འབུམ་ $5.20 ཡི་རིན་ཐང་བཏང་ཟིན་པའི་སྙན་ཐོ་ཡོད་པ་བཤད། གསེར་དེ་ཡོང་ས་དངོས་ནི་ཝེ་ནེ་ཛོ་ལའི་དབུས་དངུལ་ཁང་ཡིན་པ་དང་། དུས་ཚོད་ཀྱི་ཆ་ནས་སྐབས་དེར་མཱ་རྡུ་རོ་སྲིད་སྟེགས་སུ་སླེབས་པ་དང་། ཝེ་ནེ་ཛོ་ལའི་གཞུང་གིས་དཔལ་འབྱོར་ལ་རྒྱབ་སྐྱོར་ཕྱིར། གསེར་འཚོང་བཞིན་པའི་དུས་ཡིན་པ་གསལ། ཡུ་རོབ་ཀྱི་ཉེས་ཆད་ཀྱི་རྐྱེན་པས་ཕྱི་ལོ་ 2017 ནས་ཝེ་ནེ་ཛོ་ལ་ནས་སུད་སིར་གསེར་གཏོང་མ་ཐུབ།