ཡང་བསྐྱར་ཨ་རིའི་དམག་དཔུང་གིས། ཁཱ་རན་བྷེ་ཡ་མཚོ་རྒྱུད་དུ་རྒྱལ་སྤྱིའི་ཁྲོམ་རར་རྡོ་སྣུམ་ལྐོག་འདྲེན་བྱེད་མཁན་གྱི་གྲིབ་གཟུགས་གྲུ་གཟིངས་ཤིག་བཟུང་། གྲུ་གཟིངས་འདིའི་མིང་ལ་ཨོ་ལེ་ན་ཞེས་འབོད།
ཡང་བསྐྱར་ཨ་རིའི་དམག་དཔུང་གིས། ཁཱ་རན་བྷེ་ཡ་མཚོ་རྒྱུད་དུ་རྒྱལ་སྤྱིའི་ཁྲོམ་རར་རྡོ་སྣུམ་ལྐོག་འདྲེན་བྱེད་མཁན་གྱི་གྲིབ་གཟུགས་གྲུ་གཟིངས་ཤིག་བཟུང་། གྲུ་གཟིངས་འདིའི་མིང་ལ་ཨོ་ལེ་ན་ཞེས་འབོད་པ་དང་། ཨ་རིའི་ལས་བྱེད་དག་ལྟར་ན་ཝེ་ནེ་ཛོ་ལ་ནས་ལམ་ལ་བུད་ཅིང་། ཨ་རིའི་དམག་དཔུང་ལ་གཡོལ་ཐབས་བྱེད་བཞིན་པ་བཤད། རྒྱལ་ཁབ་བྱེ་བྲག་པ་ཞིག་གི་འོག་ཏུ་ཐོ་འགོད་མ་བྱས་པར། མཚོ་ཐོག་ཏུ་མིང་འདྲ་མིན་གྱི་འོག་རྡོ་སྣུམ་སོགས། ཚོང་རྫས་རྒྱལ་སྤྱིའི་ཁྲོམ་རར་འདྲེན་མཁན་གྱི་གྲུ་གཟིངས་དག་ལ་གྲིབ་གཟུགས་གྲུ་གཟིངས་ཞེས་འབོད།
ཡུ་ཁུ་རན་གྱི་དྲྭ་ལམ་ཁག་ལྟར་ན། ཐེངས་འདིར་བཟུང་ཟིན་པ་འདིའང་རཱ་ཤི་ཡའི་གྲིབ་གཟུགས་གྲུ་གཟིངས་ཤིག་ཡིན་པ་དང་། རཱ་ཤི་ཡའི་གྲུ་ཁ་ནས་གཙོ་བོ་རྒྱ་ནག་དང་རྒྱ་གར། ཏུར་ཀེ་བཅས་སུ་རྡོ་སྣུམ་འདྲེན་བཞིན་པ་བཤད། དོན་དངོས་སུ་རཱ་ཤི་ཡས་ཀྱང་གྲུ་གཟིངས་འདི་བེད་སྤྱོད་བྱེད་ཀྱི་ཡོད་ཚེ། འདི་ནི་ཨ་རིའི་དམག་དཔུང་གིས། རཱ་ཤི་ཡས་བེད་སྤྱོད་བྱེད་བཞིན་པའི་གྲིབ་གཟུགས་གྲུ་གཟིངས་བཟུང་བ་ཐེངས་གསུམ་པ་དང་། སྤྱིར་ཨ་རིའི་དམག་དཔུང་གིས་ཝེ་ནེ་ཛོ་ལ་དང་འབྲེལ་གྲུ་གཟིངས་བཟུང་བ་ཐེངས་ལྔ་བ་དེ་གྱུར།