རང་གི་བྱིས་པ་གཉིས་བསད་ཅིང་རོ་འགྱིག་ཤོག་ནང་དུ་སྦས་མཁན། ལྷོ་ཀོ་རེ་ཡ་ནས་ནེའུ་ཛེ་ལན་ཀྲི་ལ་ཡོང་མཁན་གྱི་བུད་མེད་ཅིག་ལ་ཚེ་བཙོན་ཁྲིམས་ཐག་བཅད།
ནུབ་ཕྱོགས་རྒྱལ་ཁབ་དག་ཏུ་སྤྱི་ཚོགས་དྲྭ་རྒྱ་ཡིས། ན་གཞོན་དང་བྱིས་པ་ཚོའི་སེམས་ཁམས་ལ་གནོད་པ་ཐེབས་བཞིན་པའི་ལྟ་ཚུལ་ཤུགས་ཆེན་ཡོད་པ་ལྟར། ཨོ་སི་ཁྲོ་ལི་ཡ་གཞུང་གིས་ན་གཞོན་ལོ་ན་ 16 གི་འོག་ཅན་དག་གིས་སྤྱི་ཚོགས་དྲྭ་རྒྱ་སྤྱོད་རྒྱུ་བཀག དེ་བཞིན་ཡུ་རོབ་གྲོས་ཚོགས་སུ། ན་གཞོན་ལོ་ན་ 16 གི་འོག་ཅན་དག་ལ་སྤྱི་ཚོགས་དྲྭ་རྒྱ་བེད་སྤྱོད་འགོག་རྒྱུའི་གྲོས་འཆར་ཞིག་སླེབས་ཤིང་། ཁ་སང་ཡུ་རོབ་གྲོས་ཚོགས་ཀྱིས་གྲོས་འཆར་འདི་གཞུང་འབྲེལ་ངང་། གྲོས་ཚོགས་ཀྱི་ལས་རིམ་ཁྲོད་བཅུག
ལྷོ་ཀོ་རེ་ཡར་སྐྱེས་ཤིང་ནེའུ་ཛེ་ལན་ཀྲིའི་མི་སེར་ཡིན་པའི་བུད་མེད་ཅིག་གིས། རང་གི་ཁྱོ་བོ་སྐྲན་ནད་ཀྱིས་འདས་རྗེས་ཏེ། ཕྱི་ལོ་ 2018 ལོར་རང་གི་བྱིས་པ་ལོ་ན་ 6 དང་། ལོ་ན་ 8 ཅན་ཞིག་ཡོད་པ་གཉིས་བསད་ཅིང་། ཕུང་པོ་ཁུག་མ་ཞིག་གི་ནང་དུ་བཅུག་ནས་བཞག་ཡོད་པ་ལ། ཕྱི་ལོ་ 2022 ལོར་ཁྱིམ་ཚང་གཞན་ཞིག་གིས་བརྙེས། དེ་མ་ཐག་བུད་མེད་འདིས་རང་གི་མིང་བརྗེས་ནས་ཕྱིར་ལྷོ་ཀོ་རེ་ཡར་བྲོས། ཡིན་ན་ཡང་། ལྷོ་ཀོ་རེ་ཡའི་གཞུང་གིས་བུད་མེད་འདི་ལ་ཁྲིམས་བཤེར་ཆེད་ནེའུ་ཛེ་ལན་ཀྲི་ལ་ཕྱིར་བསློགས་ཟིན་པ།གསལ།
ད་ལོའི་ལོ་འགོར་ཁྲིམས་ཁང་དུ་མོས་ནག་ཉེས་འདི་བསགས་ཟིན་པ་ཁས་བླངས་ཤིང་། བདུན་ཕྲག་འདིར་ཁྲིམས་ཁང་གིས་མོ་ལ་ཚེ་བཙོན་གྱི་ཁྲིམས་ཐག་བཅད། མོས་ཁྲིམས་ཁང་ལ་བཤད་པ་ལྟར་ན། ཕྲུ་གུ་གཉིས་ལ་མོས་སྨན་མང་པོ་སྤྲད་ཟིན་པ་གསལ། བུད་མེད་འདིའི་མིང་ལ་ཧཱ་ཁེའོ་ལི་(Hakyung Lee)ཞེས་དང་། ལོ་ན་ 45 ཡིན་པ་ལ་ད་ལྟ་སེམས་ཁམས་སྨན་ཁང་དུ་བཞག་ཡོད་པ་དང་། མོའི་སེམས་ཁམས་སྨན་བཅོས་གྲུབ་རྗེས་བཙོན་ཁང་ལ་ཕྱིར་ཡོང་དགོས་ཞེས། ཁྲིམས་ཁང་གིས་བཀའ་བཏང་།