ཨོ་སི་ཁྲོ་ལི་ཡའི་ལྷོ་ཤར་ས་ཁུལ་དུ་སླར་ཡང་རང་བྱུང་མེ་སྐྱོན་ཆེན་པོ་བྱུང་། གཞུང་གིས་ས་ཁུལ་འདིར་མེ་གསོད་རུ་ཁག་གི་ལས་བྱེད་སྟོང་ཕྲག་བཏང་། བདུན་ཕྲག་འདིའི་དཀྱིལ་ནས་བཟུང་ཝིག་ཀྲོ་རེ་ཡ་མངའ་སྡེར། ས་ཆ་ཨེ་ཀར་ 741,316 ཡས་མས་ལ་མེ་ལྕེས་ཁྱབ་ཅིང་། ད་དུང་ཡང་མེ་ཆེན་པོ་ 10 འབར་བཞིན་པ་བསྒྲགས།
ཉེན་བརྡ་སྔོན་སོང་ལྟར། ཨོ་སི་ཁྲོ་ལི་ཡའི་ལྷོ་ཤར་ས་ཁུལ་དུ་སླར་ཡང་རང་བྱུང་མེ་སྐྱོན་ཆེན་པོ་བྱུང་། གཞུང་གིས་ས་ཁུལ་འདིར་མེ་གསོད་རུ་ཁག་གི་ལས་བྱེད་སྟོང་ཕྲག་བཏང་། བདུན་ཕྲག་འདིའི་དཀྱིལ་ནས་བཟུང་ཝིག་ཀྲོ་རེ་ཡ་མངའ་སྡེར། ས་ཆ་ཨེ་ཀར་ 741,316 ཡས་མས་ལ་མེ་ལྕེས་ཁྱབ་ཅིང་། ད་དུང་ཡང་མེ་ཆེན་པོ་ 10 འབར་བཞིན་པ་བསྒྲགས།
དེ་བཞིན་ཁྱིམ་མཚེས་མངའ་སྡེ་ནེའུ་ སོ་ཐི་ཝེལ་སི་ལའང་མེ་སྐྱོན་བྱུང་། སྡོད་ཁང་སོགས་འཛུགས་སྐྲུན་གྲངས་ 130 ལ་གཏོར་ཟིན་པ་དང་། ཚོང་ཁང་དང་སྡོད་ཁང་སོགས་གྲངས་ 38,000 ཡི་གློག་བཅད་ཟིན་པ་གསལ་ཟིན་པ་གསལ། སིག་ནེ་གྲོང་ཁྱེར་དུ་ཚ་ཚད་ 42.2C ལ་འཕར་ཅིང་། འདི་ནི་ལོ་རེའི་ཕྱི་ཟླ་ 1 ནང་གི་རྒྱུན་ལྡན་ཚ་ཚད་ལས་ 17C མཐོ་བ་གྱུར་ཟིན་པ་བཤད།
ལོ་རེའི་ཕྱི་ཟླ་ 12 ནས་ཕྱི་ཟླ་ 2 བར་ཏེ། གནམ་གཤིས་སྐམ་པོ་དང་ཚ་རླབས་འཕྱུར་བའི་སྐབས་སུ། རྒྱལ་ཁབ་འདིར་རང་བྱུང་མེ་སྐྱོན་འབྱུང་རྒྱུའི་ཉེན་ཁ་ཆེ་བ་དང་། ཕྱི་ལོ་ 2019 དང་ཕྱི་ལོ་ 2020 ལོ་ནི་མེ་སྐྱོན་ཆེ་ཤོས་བྱུང་བའི་ལོ་ཞིག་ཏུ་གྱུར་ཅིང་། ཏུར་ཀེ་རྒྱལ་ཁབ་ཧྲིལ་བོ་དང་ཚད་གཞི་མཉམ་པའི་ས་ཆར་རང་བྱུང་མེ་སྐྱོན་བྱུང་ཞིང་། དེའི་ཁྲོད་མི་ 33 དང་སེམས་ཅན་ཕོན་ཆེན་བསད། ཐེངས་འདིའི་མེ་སྐྱོན་ནི་དེའི་རྗེས་ཀྱི་མེ་སྐྱོན་ཆེ་ཤོས་དེ་ཡིན་པ་བཤད།