མདང་དགོང་ཡུ་དམག་གིས། རཱ་ཤི་ཡའི་ཏཱ་གྷན་རོག་ས་ཁུལ་ལ་མཁའ་ཐོག་ནས་གཏོར་རྒོལ་ཁྲོད། གནམ་གྲུའི་བཟོ་གྲྭ་ཞིག་ལ་གཏོར་རྒོལ་ཐེབས་ཤིང་། ཐེངས་འདིའི་གཏོར་རྒོལ་ཁྲོད་རཱ་ཤི་ཡའི་འོད་རླབས་མཚོན་ཆ་ཐོགས་པའི་གནམ་གྲུ་ A-60 1A2 ཞེས་པ་ཞིག་གཏོར་ཟིན་པ་ཚོད་དཔག་བྱེད་ཀྱི་ཡོད་ཅེས། ཡུ་ཁུ་རན་གྱིས་བསྒྲགས།
གནམ་གྲུ་འདི་ནི་ཧ་ཅང་རྩ་ཆེན་ཞིག་དང་། གསང་བའི་མཚོན་ཆ་ཞིག་ཡིན་པ་དང་། ཨུ་རུ་སུ་དམར་པོའི་སྐབས་སུ་བཟོས་པ་ཞིག་ཡིན་པ་ལ། ད་ལྟ་རཱ་ཤི་ཡར་གནམ་གྲུ་འདི་འདྲ་གྲངས་ 2 ལས་མེད་པ་བཤད། གལ་སྲིད་གནས་ཚུལ་འདི་བདེན་ཚེ། དེ་ནི་རཱ་ཤི་ཡར་གྱོང་གུན་ཆེན་པོ་ཞིག་ཏུ་གྱུར།