རྒྱ་ནག་གིས། ཡུ་རོབ་ཀྱི་འོ་མ་དང་སྤྲི། ཕྱུར་བ་སོགས་ཞིང་ལས་ཐོན་རྫས་མང་པོའི་སྟེང་། གནས་སྐབས་སྒོ་ཁྲལ་བརྒྱ་ཆ་ 42.7% བར་བཀལ་ཅིང་། སྒོ་ཁྲལ་འདི་དེ་རིང་གཟའ་མིག་དམར་ཉིན་ནས་ལག་བསྟར་བྱ་རྒྱུ་ཡིན་པ་བསྒྲགས།
རྒྱ་ནག་གིས། ཡུ་རོབ་ཀྱི་འོ་མ་དང་སྤྲི། ཕྱུར་བ་སོགས་ཞིང་ལས་ཐོན་རྫས་མང་པོའི་སྟེང་། གནས་སྐབས་སྒོ་ཁྲལ་བརྒྱ་ཆ་ 42.7% བར་བཀལ་ཅིང་། སྒོ་ཁྲལ་འདི་དེ་རིང་གཟའ་མིག་དམར་ཉིན་ནས་ལག་བསྟར་བྱ་རྒྱུ་ཡིན་པ་བསྒྲགས། དོན་དངོས་སུ་ཐོན་རྫས་མང་ཆེ་བའི་སྟེང་སྒོ་ཁྲལ་བརྒྱ་ཆ་ 28% ནས་བརྒྱ་ཆ་ 30% བར་བཀལ་ཟིན་པ་གསལ།
སྒོ་ཁྲལ་འདི་འགེལ་དགོས་པའི་རྒྱུ་མཚན་དུ་རྒྱ་ནག་གཞུང་གིས། ཡུ་རོབ་རྒྱལ་ཁབ་ཀྱི་གཞུང་དག་གིས་རང་གི་བཟོ་གྲྭ་དག་ལ་རོགས་སྐྱོར་གྱིས། ཞིང་ལས་ཐོན་རྫས་ཐོན་སྐྲུན་བྱེད་བཞིན་པས། དེས་རྒྱ་ནག་གི་ཁྲོམ་ར་དང་ཐོན་རྫས་ལ་གནོད་སྐྱེལ་བཞིན་འདུག་ཅེས་བཤད།
ཡུ་རོབ་མཉམ་འབྲེལ་གྱིས། རྒྱ་ནག་གཞུང་གིས་རང་གི་གློག་རྫས་རླངས་འཁོར་བཟོ་གྲྭ་དག་ལ། ཁྲལ་ཆག་ཡང་སོགས་བརྒྱུད་རོགས་བསྐྱོར་གྱིས། རིན་གོང་ཆུང་བའི་རླངས་འཁོར་གང་མང་ཡུ་རོབ་ཀྱི་ཁྲོམ་རར་བླུག་བཞིན་པ་དང་། འདིས་ཡུ་རོབ་ཀྱི་ཁྲོམ་ར་དང་རླངས་འཁོར་བཟོ་གྲྭ་དག་ལ་གནོད་སྐྱེལ་བཞིན་འདུག་ཅེས། ཕྱི་ལོ་ 2023 ལོར་ཡུ་རོབ་མཉམ་འབྲེལ་གྱིས། རྒྱ་ནག་གི་གློག་རྫས་རླངས་འཁོར་དག་ལ་ཞིབ་འཇུག་འགོ་བཙུགས།
ཕྱི་ལོ་ 2024 ཟླ་ 10 ནང་ཡུ་རོབ་ཀྱིས་རྒྱ་ནག་གི་གློག་རྫས་རླངས་འཁོར་དག་གི་སྟེང་སྒོ་ཁྲལ་བཀལ། དེར་བརྟེན་ཆེད་མཁས་པ་ཚོ་ལྟར་ན། ཐེངས་འདིར་རྒྱ་ནག་གིས་ཡུ་རོབ་ཀྱི་སྟེང་སྒོ་ཁྲལ་འགེལ་དགོས་པའི་རྒྱུ་མཚན་གཙོ་བོ་ནི་འདི་ཡིན་པ་ལས་ཁོ་ཚོས་བཤད་པའི་རྒྱུ་མཚན་དེ་མིན་པ་དང་། ཚོང་འབྲེལ་ལས་གཞན་འདི་ལ་ཆབ་སྲིད་ཀྱི་ནང་དོན་ཡོད་པ་བཤད།