རྒྱ་ནག་གི་ཆེས་མཐོའི་དམག་སྤྱི་ཀྲང་ཡོ་ཞང་(张又侠)ལ་ཞིབ་འཇུག་འགོ་བཙུགས་ཟིན་པ་བསྒྲགས་ཤིང་། དོགས་ཡོད་ནག་ཉེས་ནི་{ཁྲིམས་དང་ཀུན་སྤྱོད་ལ་འགལ་བའི་ལས་ཚབས་ཆེན་བརྩམས་}ཟིན་ཡོད་མེད་དེ་ཡིན་པར་བཤད།
དེ་རིང་རྒྱ་ནག་བདེ་སྲུང་ལྷན་ཁང་གིས། རྒྱ་ནག་གི་ཆེས་མཐོའི་དམག་སྤྱི་ཀྲང་ཡོ་ཞང་(张又侠)ལ་ཞིབ་འཇུག་འགོ་བཙུགས་ཟིན་པ་བསྒྲགས་ཤིང་། དོགས་ཡོད་ནག་ཉེས་ནི་{ཁྲིམས་དང་ཀུན་སྤྱོད་ལ་འགལ་བའི་ལས་ཚབས་ཆེན་བརྩམས་}ཟིན་ཡོད་མེད་དེ་ཡིན་པར་བཤད་པ་ལས། ཞིབ་ཕྲའི་གནས་ཚུལ་ཕྱིར་མ་བསྒྲགས། གཞན་ཡང་རྒྱ་ནག་དབུས་དམག་དོན་ལྷན་ཁང་གི་དམག་སྤྱི་ཆེན་མོ། ལེའུ་ཀྲེན་ལི(刘振立)ཡང་ཞིབ་འཇུག་འོག་བཞག་ཟིན་པའི་གནས་ཚུལ་ཐོན།
སྤྱིར་ཞེ་ཅེན་ཕིན་ནི་རྒྱ་ནག་གི་ཏང་སྲིད་དམག་གསུམ་གྱི་དབུ་ཁྲིད་མཐོ་ཤོས་དེ་ཡིན་པ་ལ། ད་ལྟ་ལོ་ན་ 75 ཡིན་པའི་ཀྲང་ཡོ་ཞང་ནི་ཞེ་ཅེན་ཕིན་གྱི་འོག་གི་རྒྱ་ནག་དབུས་དམག་དོན་ལྷན་ཁང་གི་ཆེས་མཐོ་བའི་དམག་སྤྱི་གཉིས་ལས་གཅིག་ཡིན་པ་དང་། ཞེ་ཅེན་ཕིན་དང་འབྲེལ་ཐག་ཉེ་ཤོས་ཀྱི་དམག་སྤྱི་ཞིག་ལ་ངོས་འཛིན་བཞིན་པ་བཤད། ལོ་སྔོན་མའི་ཕྱི་ཟླ་ 10 ནང་རྒྱ་ནག་གི་དམག་སྤྱི་ 9 གནས་དབྱུང་བཏང་། (ཏང་ཞེས་པ་ནི་དམར་ཤོག་ཚོགས་པའི་དོན།)