སྒྲོ་ནལ་ཁྲི་རམ་ཕུ་སྲིད་གཞུང་གིས་ཁཱ་རེ་བྷེ་ཡན་མཚོ་རྒྱུད་དུ་ཡོད་པའི་ཨ་རིའི་དམག་དཔུང་ལ། འབྱུང་འགྱུར་ཟླ་བ་ 2 རིང་གཙོ་བོ་ཝེ་ནེ་ཛོ་ལའི་རྡོ་སྣུམ་ལམ་ཀ་གཅོད་དགོས་པའི་བཀའ་བཏང་ཡོད་པ་བཤད།
ཨ་རིའི་ལས་བྱེད་ཅིག་གིས་རོའུ་ཀྲར་གསར་ཤོག་ལ་བཤད་པ་ལྟར་ན། སྒྲོ་ནལ་ཁྲི་རམ་ཕུ་སྲིད་གཞུང་གིས་ཁཱ་རེ་བྷེ་ཡན་མཚོ་རྒྱུད་དུ་ཡོད་པའི་ཨ་རིའི་དམག་དཔུང་ལ། འབྱུང་འགྱུར་ཟླ་བ་ 2 རིང་གཙོ་བོ་ཝེ་ནེ་ཛོ་ལའི་རྡོ་སྣུམ་ལམ་ཀ་གཅོད་དགོས་པའི་བཀའ་བཏང་ཡོད་པ་བཤད། ལས་བྱེད་འདིས། ཝེ་ནེ་ཛོ་ལའི་སྟེང་དམག་དཔུང་བཀོལ་རྒྱུ་དེའང་གདམ་ཀའི་ཁྲོད་དུ་ཡོད་ཀྱང་། གནས་སྐབས་དཔལ་འབྱོར་གྱི་གནོན་ཤུགས་སྤྲད་པ་བརྒྱུད། ཨ་རིའི་དམིགས་ཡུལ་འགྲུབ་ཐབས་ཐད་དམིགས་པ་གཏད་རྒྱུ་ཡིན་པ་བཤད།
སྲིད་འཛིན་སྒྲོ་ནལ་ཁྲི་རམ་ཕུ་དང་ཝེ་ནེ་ཛོ་ལའི་སྲིད་འཛིན་མཱ་རྡུ་རོ་བར་ཁ་པར་བརྒྱུད་གླེང་མོལ་སྐབས། སྒྲོ་ནལ་ཁྲི་རམ་ཕུས་མཱ་རྡུ་རོ་ལ། ཝེ་ནེ་ཛོ་ལ་ནས་འབྲོ་དགོས་པ་དང་། དེ་ལྟར་ན་ཁོ་དང་ཁོའི་ནང་མིའི་བདེ་འཇགས་ཐད་ཨ་རིས་འགན་འཁུར་ཆོག་ཅེས་བཤད་ཟིན་པའི་གནས་ཚུལ་ཐོན།
བདུན་ཕྲག་འདིའི་གཟའ་ཟླ་བའི་ཉིན་སྒྲོ་ནལ་ཁྲི་རམ་ཕུས། མཱ་རྡུ་རོ་སྤྱང་པོ་ཞིག་ཡིན་ཚེ། རང་ངོས་ནས་སྲིད་སྟེགས་ནས་འབབ་དགོས་པ་རེད་ཅེས་བཤད། ཡིན་ན་ཡང་། ཝེ་ནེ་ཛོ་ལའི་དམག་མི་ཚོས་འཇབ་དམག་རྒྱག་སྟངས་སྦྱོང་བརྡར་བྱེད་བཞིན་པའི་གནས་ཚུལ་ཐོན། ད་ལྟ་བར་ནང་དུ་ཝེ་ནེ་ཛོ་ལའི་རྡོ་སྣུམ་གྱིས་བཀང་ཡོད་པའི་གྲུ་གཟིངས་ 2 ཨ་རིའི་དམག་དཔུང་གིས་བཟུང་།