ཡུ་རོབ་མཉམ་འབྲེལ་གྱིས་ཧྥ་རན་སིའི་གྲོས་ཚོགས་ལ་སྤྲད་པའི་དངུལ་སྒོར། ཡུ་སྒོར་ས་ཡ་ €4.8 རང་གི་ཆབ་སྲིད་ཚོགས་པའི་ཆེད་བཏང་ཟིན་པའི་ཉེས་འཛུགས་འོག རྙིང་ཞེན་ཤོག་ཁག་གི་དབུ་ཁྲིད་ལྕམ་མཱ་རེན་ལི་ཕན་ལ་ཁྲིམས་བཤེར་བྱས།
ཕྱི་ལོ་ 2004 ནས་ཕྱི་ལོ་ 2016 བར་ཧྥ་རན་སིའི་རྙིང་ཞེན་ཆབ་སྲིད་ཚོགས་པའི་(ད་ལྟའི་ NR)ངོས་ནས། ཡུ་རོབ་མཉམ་འབྲེལ་གྱིས་ཧྥ་རན་སིའི་གྲོས་ཚོགས་ལ་སྤྲད་པའི་དངུལ་སྒོར། ཡུ་སྒོར་ས་ཡ་ €4.8 རང་གི་ཆབ་སྲིད་ཚོགས་པའི་ཆེད་བཏང་ཟིན་པའི་ཉེས་འཛུགས་འོག བདུན་ཕྲག་འདིའི་གཟའ་མིག་དམར་ཉིན་ནས། རྙིང་ཞེན་ཆབ་སྲིད་ཚོགས་པའི་དབུ་ཁྲིད་ཟུར་བ་དང་། ཁོ་ཚོའི་ད་ལྟའི་ངོ་གདོང་ལྟ་བུ་གྱུར་ཡོད་པ་ལྕམ་མཱ་རེན་ལི་ཕན་ལ་ཁྲིམས་བཤེར་འགོ་བཙུགས།
ཁྲིམས་བཤེར་འདིའི་མཐའ་མའི་གྲུབ་དོན་ནི། ད་ལོའི་དཔྱིར་ཀར་ཕྱིར་ཐོན་རྒྱུ་ཚོད་དཔག་བྱེད་ཅིང་། འདིས་ཕྱི་ལོ་ 2027 ལོར་སྲིད་འཛིན་གྱི་འོས་མིར་ལངས་རྒྱུའི་དམིགས་ཡུལ་ཡོད་པའི་བུད་མེད་འདིའི་ཆབ་སྲིད་ལས་དོན་ལ་བར་ཆད་ཆེན་པོ་བཟོ་སྲིད་པ་སྔོན་དཔག་བྱེད། ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུ་གཙོས། ནུབ་ཕྱོགས་ཀྱི་རྙིང་ཞེན་པ་ཚོས། མོ་ལ་བཙུགས་པའི་ནག་ཉེས་འདི་ནི་ཆབ་སྲིད་ཀྱིས་ཀུན་ནས་བསླངས་པ་ཞིག་ཡིན་པ་བཤད།