བདུན་ཕྲག་རྗེས་མར་དྲྭ་ལམ་ཚོང་གཉེར་ཆེན་མོ་ཨ་མ་ཛོན་གྱིས། བདུན་ཕྲག་རྗེས་མར་ཁོ་ཚོའི་ལས་བྱེད་གྲངས་ 14,000 བསྙུང་རྒྱུ་ཡིན་པ་བསྒྲགས།
དྲྭ་ལམ་ཚོང་གཉེར་ཆེན་མོ་ཨ་མ་ཛོན་གྱིས། བདུན་ཕྲག་རྗེས་མར་ཁོ་ཚོའི་ལས་བྱེད་གྲངས་ 14,000 བསྙུང་རྒྱུ་ཡིན་པ་བཤད་ཅིང་། འདི་ནི་ཡིག་ཆ་དང་འབྲེལ་བའི་ལས་ཀ་བྱེད་མཁན་གྲངས་ཁྲི་ 3 མ་ཟིན་ཙམ་ཞིག་ཉུང་འཕྲི་བྱ་རྒྱུའི་འཆར་གཞིའི་ཆ་ཤས་ཤིག་ཡིན་པ་བཤད།
ལོ་སྔོན་མའི་ཕྱི་ཟླ་ 10 ནང་ཁོ་ཚོས་ལས་བྱེད་གྲངས་14,000 ཉུང་དུ་བཏང་།
ཨ་མ་ཛོན་གྱི་སྤྱི་གཉེར་ལྟར་ན། ལས་བྱེད་ཀྱི་གྲངས་ཀ་སྙུང་བཞིན་པ་འདི་ནི་དངུལ་སྒོར་གྱི་དཀའ་ངལ་འཕྲད་པ་དང་། བཅོས་མའི་རིག་པས་ལས་བྱེད་ཀྱི་ཚབ་བྱས་ནས་བྱུང་བ་ཞིག་མ་ཡིན་པར། ཁེ་གཉེར་འདིར་ལས་བྱེད་ཀྱི་རིམ་པ་མང་དྲགས་པའི་དཀའ་ངལ་ཡོད་པས། དེ་ཆུང་དུ་གཏོང་ཆེད་ཡིན་ཞེས་བཤད། རྒྱལ་སྤྱིའི་གང་སར་ཁྱོན་ཁོ་ཚོར་ལས་བྱེད་གྲངས་ས་ཡ་ 1.58 ཡོད་པ་གསལ།