ཨ་རིའི་དམག་དཔུང་གིས། རཱ་ཤི་ཡའི་འོག་ཏུ་ཐོ་འགོད་བྱས་ཟིན་པའི་རྡོ་སྣུམ་སྐྱེལ་མཁན་གྲུ་གཟིངས་དེ་བཟུང་ཟིན་པ། ད་ལྟ་ཨ་རིའི་གཞུང་གིས་གཏན་འཁེལ། འདི་ནི་ཨ་རིའི་དམག་དཔུང་གིས། རཱ་ཤི་ཡའི་དར་ཆ་བཙུགས་པའི་གྲུ་གཟིངས་ཤིག་བཟུང་བ་ཐོག་མ་དེ་གྱུར།
ཨ་རིའི་དམག་དཔུང་གིས། རཱ་ཤི་ཡའི་འོག་ཏུ་ཐོ་འགོད་བྱས་ཟིན་པའི་རྡོ་སྣུམ་སྐྱེལ་མཁན་གྲུ་གཟིངས་དེ་བཟུང་ཟིན་པ། ད་ལྟ་ཨ་རིའི་གཞུང་གིས་གཏན་འཁེལ། གྲུ་གཟིངས་འདི་འདས་པའི་བདུན་ཕྲག་ 2 རིང་ཨ་ཀྲི་ལན་ཀྲི་ཁི་རྒྱ་མཚོའི་ནང་དུ་བྲོས་ཤིང་ཨ་རིའི་དམག་དཔུང་གིས་རྗེས་འདེད་བྱས། གྲུ་གཟིངས་སྟེང་གི་ལས་བྱེད་ཚོས། གྲུ་གཟིངས་སྲུང་སྐྱོབ་ཆེད་གྲུ་གཟིངས་ཀྱི་མིང་བརྗེས་ཤིང་། རཱ་ཤི་ཡའི་འོག་ཏུ་ཐོ་འགོད་དང་སྟེང་དུ་རཱ་ཤི་ཡའི་དར་ཆ་བཙུགས།
དེ་མ་ཐག་རཱ་ཤི་ཡས། དམག་གྲུ་དང་མཚོ་འོག་གྲུ་གཟིངས་བཏང་ནས་གྲུ་གཟིངས་འདི་སྐྱོབ་ཐབས་བྱས། ཡིན་ན་ཡང་། ད་ལྟ་བྱང་ཨ་ཀྲི་ལན་ཀྲི་ཁི་རྒྱ་མཚོའི་ནང་དུ། ཨ་རིའི་དམག་དཔུང་གྲུ་གཟིངས་འདིའི་སྟེང་བབས་ཤིང་དེ་བཟུང་། གནས་ཚུལ་ཁ་ཤས་ལྟར་ན་ཨ་རིའི་དམག་དཔུང་གིས། གྲུ་གཟིངས་འདི་རཱ་ཤི་ཡའི་དམག་མིའི་མཐོང་ས་ནས་བཟུང་ཟིན་པ་བཤད།
འདི་ནི་ཨ་རིའི་དམག་དཔུང་གིས། རཱ་ཤི་ཡའི་དར་ཆ་བཙུགས་པའི་གྲུ་གཟིངས་ཤིག་བཟུང་བ་ཐོག་མ་དེ་གྱུར། གྲུ་གཟིངས་འདི་ཐོག་མར་ཝེ་ནེ་ཛོ་ལའི་ཕྱོགས་ནས་ལམ་ལ་བུད་ཅིང་། ཨ་རིའི་དམག་དཔུང་གིས་རྗེས་འདེད་བྱས་རྐྱེན། ཨ་ཀྲི་ལན་ཀྲི་ཁི་རྒྱ་མཚོའི་ནང་དུ་བྲོས། གཞན་ཡང་ད་ལྟ་གནས་ཚུལ་ཐོན་པ་ལྟར་ན། ཨ་རིའི་དམག་དཔུང་གིས། ཁཱ་རེ་བྷེ་ཡན་མཚོ་རྒྱུད་དུ་རྡོ་སྣུམ་སྐྱེལ་མཁན་གྱི་གྲུ་གཟིངས་གཉིས་པ་ཞིག་བཟུང་ཟིན་པ་བསྒྲགས།