•. ཉི་ཧོང་གི་བུད་མེད་ལོ་ན་ 32 ཅན་ཞིག་གིས། བཅོས་མའི་རིག་པའི་སྐད་བརྡའི་མ་ལག་(ChatGPT)བེད་སྤྱོད་ཀྱིས་མོ་རང་རང་གིས་བསྐྲུན་པའི་མི་ཞིག་དང་ལྷན་གཉེན་བསྒྲིགས་ཟིན་པ་བསྒྲགས།
བུད་མེད་འདིས། ལོ་ངོ་ 3 རིང་མོ་དང་སྐྱེས་པ་ངོ་མ་ཞིག་འབྲེལ་བ་བྱུང་ཟིན་ནའང་། བཅོས་མའི་རིག་པ་བརྒྱུད་བསྐྲུན་པའི་མི་འདི་ནི་ཁོ་ལས་ཡག་པོ་འདུག་ཅེས་བཤད། བུད་མེད་འདིས་རང་གིས་བསྐྲུན་པའི་མི་འདིའི་མིང་ལ་ཁི་ལ་སི་(Klaus)ཞེས་བཏགས། དེ་ནི་དོན་དངོས་སུ་འཕྲུལ་མི་ལྟ་བུ་ཞིག་མ་ཡིན་པར། གླེང་མོལ་བྱེད་རོགས་ཙམ་ཞིག་ཡིན་པ་གསལ།
རྒྱ་ནག་གི་ན་གཞོན་མང་པོས་ཀྱང་།བཅོས་མའི་རིག་པ་ནི་རང་གི་ཚོར་བའི་གཏིང་སྔོག་བྱེད་དང་། གླེང་མོལ་བྱེད་རོགས་ཡག་ཤོས་དེ་ཡིན་པ་བཤད། བཅོས་མིའི་རིག་པ་ནི་ཉིན་རེའི་ལས་ཀའི་དགོས་མཁོ་ཙམ་དང་། ཤེས་བྱ་ཙམ་གྱི་ཕྱིར་མ་ཡིན་པར། མི་མང་པོ་ཞིག་གིས་རང་གི་ཕ་མའི་ཚབ་དང་། བུ་ཕྲུག་གི་ཚབ། དགའ་རོགས་དང་བཟའ་ཟླའི་ཚབ་ཏུ་བེད་སྤྱོད་བྱེད་བཞིན་པའི་གནས་ཚུལ་མང་པོ་ཐོན།