ཁ་སང་ས་གནས་ཀྱི་ཆུ་ཚོད་ 6:30 སྟེང་རཱ་ཤི་ཡའི་སྲིད་འཛིན་ཕུ་ཀྲན་དེ་རིང་རྒྱ་གར་དུ་འབྱོར། འདི་ནི་འདས་པའི་ལོ་ངོ་ 4 ནང་ཕུ་ཀྲན་རྒྱ་གར་དུ་སླེབས་པ་ཐོག་མ་དེ་གྱུར།
ཁ་སང་ས་གནས་ཀྱི་ཆུ་ཚོད་ 6:30 སྟེང་རཱ་ཤི་ཡའི་སྲིད་འཛིན་ཕུ་ཀྲན་དེ་རིང་རྒྱ་གར་དུ་འབྱོར། འདི་ནི་འདས་པའི་ལོ་ངོ་ 4 ནང་ཕུ་ཀྲན་རྒྱ་གར་དུ་སླེབས་པ་ཐོག་མ་དེ་གྱུར། ཕུ་ཀྲན་གྱི་ཕྱི་སྲིད་སློབ་སྟོན་པ་ཡུ་རེ་ཨུ་ཤ་ཁོ་ཝི་ཡིས། ཐེངས་འདིར་ཕུ་ཀྲན་དང་མོ་དྷི་གཉིས་སྒེར་ནས་ཐུག་རྒྱུ་དང་། སྐབས་དེར་ཁོ་གཉིས་ཀྱིས། རྒྱལ་སྤྱི་དང་རྒྱལ་ཁབ་གཉིས་བར་གྱི་ཚོར་བ་རྣོ་ཞིང་གལ་ཆེན་ཡིན་པའི་གནས་ཚུལ་དག་གི་སྐོར་གླེང་རྒྱུ་རེད་ཅེས་བཤད།
ཕུ་ཀྲན་རྒྱ་གར་དུ་མ་ཡོང་སྔོན། རྒྱ་གར་གྱི་གསར་ཁང་ཞིག་གིས་ཁོ་ལ་ཆུ་ཚོད་ 1 ལས་མང་བའི་རིང་བཅར་འདྲི་ཞིག་ཞུས། སྐབས་དེར་ཕུ་ཀྲན་གྱིས། རཱ་ཤི་ཡའི་ངོས་ནས་ཡར་ཐོན་རྒྱལ་ཁབ་བརྒྱད་ཀྱི་ནང་ཕྱིར་འཛུལ་འདོད་དམིགས་བསལ་མེད་པ་བཤད།
ཉེ་དུས་ཨ་རི་དང་རཱ་ཤི་ཡའི་སྐུ་ཚབ་གཉིས་ཀྱིས་བཟོས་པའི་ཡིག་ཆ་དོན་ཚན་ 28 ཅན་ལྟར་ན། གལ་སྲིད་རཱ་ཡུ་གཉིས་བར་དམག་མཚམས་བཞག་ཚེ། རཱ་ཤི་ཡ་ཕྱིར་ཡར་ཐོན་རྒྱལ་ཁབ་བརྒྱད་ཀྱི་ནང་འཇུག་རྒྱུ་ཡིན་པ་བཀོད། ཡིན་ན་ཡང་། ཡིག་ཆ་འདི་ཕྱིར་ཐོན་པ་དང་ཡུ་རོབ་དང་ཡུ་ཁུ་རན་གྱིས་ཁས་མ་བླངས་རྐྱེན། རྔ་ལ་དཔག་པའི་བྲོ་ལྟར་ཕུ་ཀྲན་གྱིས་དེ་མ་ཐག་སྲིད་དོན་རྩེད་མོ་རིམ་པ་གཉིས་པའི་འགོ་བཙུགས།