ལྕམ་ཁི་རེ་སི་ཀྲེ་ནོམ་གྱིས། ང་དང་སྲིད་འཛིན་ཐུག་པ་ཡིན། མི་གསོད་ལག་དམར་དང་། ཚུར་བླངས་ནས་ཕར་གང་ཡང་མི་སྤྲོད་མཁན། ཉལ་ཐར་ངན་གོམས་སུ་ཕྱིན་པའི་མི་དག་ང་ཚོའི་རྒྱལ་ནང་དུ་བླུག་ནས་ཡོང་སའི་རྒྱལ་ཁབ་དག་ནས། ཨ་རིའི་རྒྱལ་ནང་ལ་མི་ཡོང་རྒྱུ་ཡོངས་སུ་འགོག་རྒྱུའི་བསམ་ཚུལ་བཏོན་ཟིན།
ཨ་རིའི་རྒྱལ་ནང་བདེ་འཇགས་དྲུང་ཆེ་ལྕམ་ཁི་རེ་སི་ཀྲེ་ནོམ་གྱིས། ང་དང་སྲིད་འཛིན་ཐུག་པ་ཡིན། མི་གསོད་ལག་དམར་དང་། ཚུར་བླངས་ནས་ཕར་གང་ཡང་མི་སྤྲོད་མཁན། ཉལ་ཐར་ངན་གོམས་སུ་ཕྱིན་པའི་མི་དག་ང་ཚོའི་རྒྱལ་ནང་དུ་བླུག་ནས་ཡོང་སའི་རྒྱལ་ཁབ་དག་ནས། ཨ་རིའི་རྒྱལ་ནང་ལ་མི་ཡོང་རྒྱུ་ཡོངས་སུ་འགོག་རྒྱུའི་བསམ་ཚུལ་བཏོན་ཟིན། ང་ཚོའི་མེས་པོ་ཚོས་ཁྲག་དང་རྔུལ་ཆུས་རྒྱལ་ཁབ་འདི་བཙུགས་པ་ལས། ཕྱི་རྒྱལ་གྱི་བཙན་འཛུལ་བ་ཚོར་ང་ཚོའི་དཔའ་བོ་དག་གསོད་ཆེད་བཙུགས་པ་མ་རེད། ང་ཚོར་ཁོ་ཚོའི་མི་གཅིག་ཀྱང་དགོས་དོན་མེད་ཅེས་བྲིས།
ད་ལོའི་དབྱར་ཀར་སྒྲོ་ནལ་ཁྲི་རམ་ཕུ་སྲིད་གཞུང་གིས། ཨ་ཧྥི་གྷན་དང་ཀུ་པ། འབར་མ། ཨེ་རན་སོགས་དཀྱིལ་ཤར་དང་ཨེ་ཤ་ཡ། ཨ་ཧྥེ་རི་ཀ་སོགས་ཀྱི་རྒྱལ་ཁབ་ 19 ནས་ཐོངས་མཆན་དམིགས་བསལ་དག་ཕུད། ཨ་རིའི་རྒྱལ་ནང་དུ་ཡོང་རྒྱུ་ཡོངས་སུ་བཀག་ཟིན་པ་ལ། བདུན་ཕྲག་སྔོན་མར་ཨ་རིའི་རྒྱལ་སར་རྒྱལ་སྲུང་དམག་མི་ཞིག་བསད་རྗེས།
ཨ་རིའི་རྒྱལ་ནང་དུ་འདུག་ཆོག་པའི་སྙན་ཞུ་ཕུལ་ཟིན་པ་དང་། དབུལ་རྒྱུ་ཚང་མ་བཀག་ཅིང་ལས་ཀ་ཡོངས་སུ་མཚམས་བཞག གོ་སྐབས་འདི་དང་བསྟུན། བྷ་ཀྲན་གྱི་སྐབས་སུ་ཨ་རིའི་རྒྱལ་ནང་ལ་འཛུལ་མཁན་ཚང་མའི་ཡིག་ཆར་བསྐྱར་ཞིབ་ཆེན་པོ་ཞིག་གི་འགོ་བཙུགས། ད་དུང་འགྲུལ་བསྐྱོད་བཀག་པའི་སྔར་གྱི་རྒྱལ་ཁབ་དག་གི་སྟེང་། རྒྱལ་ཁབ་གཞན་ཡང་སྣོན་སྲིད་པ་ཚོད་དཔག་བྱེད།
ཨ་རིའི་གྲོས་ཚོགས་གོང་མའི་མང་གཙོ་ཚོགས་པའི་འཐུས་མི་ཅེག་ཤུ་མར་གྱིས། ཁོའི་ལས་ཁུངས་ལ་གློག་འཕྲིན་བརྒྱུད་འགད་རྫས་ཀྱིས་ཉེན་བརྡ་ཞིག་འབྱོར་ཟིན་པ་བཤད། ཕྱི་ལོ་ 2022 ཟླ་ 11 ཚེས་ 1 ཉིན་གྲོས་ཚོགས་ཚོགས་གཙོ། ལྕམ་ནན་སེ་པི་ལོ་སིའི་ཁྱིམ་ལ་དྲག་རྒོལ་བྱས་པ་དང་། འོས་བསྡུའི་སྐབས་སུ་སྟེ་ལོ་སྔོན་མའི་ཕྱི་ཟླ་ 7 ཚེས་ 13 ཉིན་སྒྲོ་ནལ་ཁྲི་རམ་ཕུའི་སྟེང་མེ་མདའ་འཕངས་བ། ད་ལོའི་ཕྱི་ཟླ་ 9 ཚེས་ 10 ཉིན་རྙིང་ཞེན་ཤོག་ཁག་གི་ན་གཞོན་གཏམ་བཤད་པ། ཆར་ལི་ཁར་ཁི་མེ་མདས་ལྐོག་གསོད་བྱས་པ་སོགས། ཆབ་སྲིད་ཀྱི་ལྟ་བ་མི་མཐུན་པའི་གནད་དོན་དག་རྣོ་ངར་ཅན་དུ་འགྱུར་བཞིན་པ་དང་ལྷན། ཤུགས་རྐྱེན་ཆེ་བའི་མི་དག་གི་སྟེང་དྲག་རྒོལ་གྱི་གནས་ཚུལ་ཡང་མང་དུ་འགྲོ་བཞིན་པ། མི་མང་ཁྲོད་བསམས་ཤོག་བསྡུས་སྐབས་མི་མང་ཆེ་བས་བཤད།