ཨ་རིའི་སྲིད་འཛིན་གཞོན་པ་རྗེ་སྒྲེ་ཝན་སི་ཡིས། ཨ་རིའི་རྒྱལ་ནང་དུ་ས་ཁང་གི་གོང་ཚད་འཕར་བ་འདི་ནི། བྷ་ཀྲན་སྲིད་གཞུང་གིས་ཕྱི་མི་ས་ཡ་ 20 ཨ་རིའི་རྒྱལ་ནང་དུ་བླུག་ཏུ་བཅུག་པ་ལས་བྱུང་བ་རེད་ཅེས་བཤད། དེ་དང་ལྷན་ཨ་རིའི་གྲོས་ཚོགས་གོང་མའི་འཐུས་མི་བྷར་ནེ་མོ་རེ་ནོ་(Bernie Moreno)ཞེས་པས། ཨ་རིའི་མི་སེར་ཞིག་ཡིན་ན་རྒྱལ་ཁབ་གཞན་གྱི་མི་སེར་ཐོབ་ཐང་མཉར་མི་ཆོག་པའི་ཁྲིམས་འཆར་ཞིག་གྲོས་ཚོགས་སུ་ཕུལ། ཁོ་ནི་སྒྲོ་ནལ་ཁྲི་རམ་ཕུའི་རྒྱབ་སྐྱོར་བ་ཞིག་ཡིན་པ་གསལ།
ཡིན་ན་ཡང་། སྒྲོ་ནལ་ཁྲི་རམ་ཕུའི་བཟའ་ཟླ་ལྕམ་མི་ལ་ནེ་ཡ་དང་མོའི་བུ་གཉིས་ཀྱིས། ཨ་རི་དང་སི་ལོ་ཝེ་ནེ་ཡ་གཉིས་ཀྱི་མི་སེར་ཐོབ་ཐང་མཉར་ཡོད་པའི་གནས་ཚུལ་ཞིག་ཐོན་ཅིང་། དེ་ལྟར་ཁོའི་ཁྲིམས་འཆར་འདི་ཕྱིན་ཚེ། སྒྲོ་ནལ་ཁྲི་རམ་ཕུའི་ཁྱིམ་ཚང་ལ་ཐད་ཀར་ཤུགས་རྐྱེན་ཐེབས་རྒྱུ། ཡིན་ན་ཡང་། ཁྲིམས་འཆར་འདི་འགྲོ་ཐུབ་པའི་རེ་བ་ཆེན་པོ་མེད་པ་དབྱེ་ཞིབ་པ་ཚོས་བཤད།
དེ་བཞིན་ད་ལྟ་སྒྲོ་ནལ་ཁྲི་རམ་ཕུ་སྲིད་གཞུང་གིས། གཙོ་བོ་བྷ་ཀྲན་གྱི་སྐབས་སུ་ཨ་རིའི་རྒྱལ་ནང་དུ་འཛུལ་མཁན་ཚོར་ཞིབ་འཇུག་བྱེད་བཞིན་པ་ལྟར། བདུན་ཕྲག་འདིའི་གཟའ་ཟླ་བའི་ཉིན། ཉུང་མཐར་གནས་སྤོ་བ་དང་འབྲེལ་བའི་ཁྲིམས་རྩོད་ 7 གཞུང་གིས་གནས་དབྱུང་བཏང་ཟིན་པའི་གནས་ཚུལ་ཐོན།