ཐེ་ལན་དུ་འཛུགས་སྐྲུན་གྱི་ལྕགས་ཤིག་མེ་འཁོར་སྟེང་འགྱེལ་བས། མེ་འཁོར་ནང་གི་མི་མང་པོ་བསད་ཅིང་། མང་པོ་ཞིག་ལ་རྨས་སྐྱོན་བཟོས། ཐེ་ལན་གཞུང་གིས་འདི་ལ་ཞིབ་འཇུག་བྱེད་བཞིན་པ་བསྒྲགས།
ཁ་སང་ཐེ་ལན་གྱི་ནུབ་ཤར་ས་ཁུལ་ཞིག་ཏུ། ཁང་བརྩེགས་འཛུགས་སྐྲུན་ཆེད། འཛུགས་སྐྲུན་གྱི་ཅ་དངོས་ཁང་པའི་སྟེང་ལ་ཡར་འགྱོག་བྱེད་ཀྱི་ལྕགས་ཤིག་འགྱེལ་ཅིང་། ཉེ་འཁོར་དུ་ཡོད་པའི་མེ་འཁོར་ཞིག་གི་སྟེང་བརྡབས་པས། མེ་འཁོར་ནང་གི་མི་ 32 རྐྱེན་འདས་སུ་ཕྱིན་ཅིང་། མི་གཞན་ 66 ལ་རྨས་སྐྱོན་འདྲ་མིན་བཟོས་ཟིན་པའི་གནས་ཚུལ་ཐོན།
ལྕགས་འདིས་ཅ་དངོས་ལྗིད་པོ་ཞིག་ཡར་འགྱོགས་བཞིན་པའི་སྐབས་སུ། ཕྱིར་ཐང་ལ་འགྱེལ་ཟིན་པ་བཤད་ཅིང་། མེ་འཁོར་ནང་དུ་ཡོད་པའི་མི་ཕལ་ཆེ་བ་ནི། སློབ་གྲྭར་འགྲོ་མཁན་གྱི་སློབ་ཕྲུག་དང་ལས་ཀ་བ་ཡིན་པ་བཤད་ཅིང་། གཞུང་གིས་དོན་རྐྱེན་འདིའི་ཐད་ཞིབ་འཇུག་བྱེད་བཞིན་པ་བསྒྲགས།