ཧྥ་རན་སིས་དམག་མི་ 15 དང་། མཇར་མན་གྱིས་ 13 ། ནོར་ཝེ་ཡི་དམག་མི་ 2 དང་ནེ་རྡར་ལན་ཀྲི་ཡི་དམག་མི་1 ། དབྱིན་ཇིས་དམག་མི་ 1 བཅས་གྷི་རེན་ལན་ཀྲིའི་སྟེང་བཏང་།
ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུས། གྷི་རེན་ལན་ཀྲི་གླིང་ཕྲན་དེ་ཨ་རིའི་བདེ་སྲུང་ལ་གལ་ཆེན་ཡིན་པས། རྣམ་པ་གང་རུང་གི་སྒོ་ནས་གླིང་ཕྲན་འདི་ཐོབ་ཐབས་བྱ་རྒྱུ་ཡིན་ཞེས་ཤོད་བཞིན་པ་དང་། ཡུ་རོབ་ཀྱི་དབུ་ཁྲིད་ཚོས་འདིའི་ཐད་སེམས་ཁྲལ་ངོ་མ་བྱེད་བཞིན་པའི་གནས་ཚུལ་ཐོན་ཟིན་པ་ལྟར། དབྱིན་ཇི་དང་ཧྥ་རན་སི། མཇར་མན་དང་ནོར་ཝེ། ཧྥིན་ལན་ཀྲི་དང་སི་ཝེ་སྒྲན་བཅས་ཀྱིས། དམག་མི་སྐོར་ཞིག་གྷི་རེ་ལན་ཀྲིའི་སྟེང་བཏང་།
དེ་དག་གི་ཁྲོད་ཧྥ་རན་སིའི་དམག་མི་ 15 དང་། མཇར་མན་གྱིས་ 13 ། ནོར་ཝེ་ཡི་དམག་མི་ 2 དང་ནེ་རྡར་ལན་ཀྲི་ཡི་དམག་མི་1 ། དབྱིན་ཇིས་དམག་མི་ 1 བཏང་ཟིན་པ་གསལ། འདི་ནི་གྲངས་ཀའི་ཆ་ནས་ཧ་ཅང་ཉུང་ངུ་ཞིག་ཡིན་ཡང་མཚོན་བྱེད་ཀྱི་ཆ་ནས་གལ་ཆེན་ཞིག་ཏུ་གྱུར་ཅིང་། ནུབ་ཆིངས་རྒྱལ་ཁབ་ཅིག་ལ་ནུབ་ཆིངས་རྒྱལ་ཁབ་གཞན་ཞིག་གིས་ཚུར་རྒོལ་བྱ་སྲིད་པའི་ཉེན་ཁ་ཟློག་ཆེད་དུ་གྱུར།
ཧྥ་རན་སིའི་སྲིད་འཛིན་མཱ་ཁི་རོན་གྱིས་གྷི་རེན་ལན་ཀྲི་དང་འབྲེལ། ཛ་དྲག་ཚོགས་འདུ་ཞིག་བསྐོངས་ཟིན་པ་རོའུ་ཀྲར་གསར་ཤོག་གིས་གནས་ཚུལ་བཀོད། ཕོ་བྲང་དཀར་པོའི་མགྲིན་ཚབ་པས། ཡུ་རོབ་ཀྱིས་གྷི་རེན་ལན་ཀྲིའི་སྟེང་དམག་མི་བཏང་བ་འདིས། སྲིད་འཛིན་གྱི་ཐག་གཅོད་གང་འདྲ་བྱེད་མིན་ལ་ཤུགས་རྐྱེན་ཐེབས་རྒྱུ་ཡིན་པ་མི་འདོད་ཅེས་བཤད།