རཱ་ཤི་ཡའི་རྒྱལ་ས་མོ་སི་ཁོར་རླངས་འཁོར་ཞིག་གས་འཐོར་ཁྲོད། རཱ་ཤི་ཡའི་ཆེས་མཐོའི་དམག་སྤྱི་ཧྥེ་ནེལ་ སཱར་ཝ་རོ་ཝི་ཞེས་པ་བསད།
རཱ་ཤི་ཡའི་རྒྱལ་ས་མོ་སི་ཁོ་རུ་རླངས་འཁོར་ཞིག་གས་འཐོར་དུ་ཕྱིན། རཱ་ཤི་ཡའི་གཞུང་འབྲེལ་གསར་ཁང་(RT)ལྟར་ན། ཁ་ལོ་བ་རྨས་ཟིན་འདུག་ཅེས་གནས་ཚུལ་བཀོད་པ་ལས་གཞན་མ་བསྒྲགས། ཡིན་ན་ཡང་། རཱ་ཤི་ཡའི་དྲྭ་ལམ་ཁག་ལྟར་ན། རླངས་འཁོར་འདིའི་ནང་དུ་རཱ་ཤི་ཡའི་ཆེས་མཐོའི་དམག་སྤྱི། ཧྥེ་ནེལ་ སཱར་ཝ་རོ་ཝི་( Fanil Sarvarov) ཞེས་པ་ཡོད་པའི་གནས་ཚུལ་ཞིག་ཁྱབ། ད་ལྟ་རཱ་ཤི་ཡའི་གཞུང་གིས་ཀྱང་། ཐེངས་འདིའི་གས་འཐོར་ཁྲོད་དམག་སྤྱི་འདི་བསད་ཟིན་པ་གཏན་འཁེལ།
ཉེ་འཁོར་གྱི་མིས་མཐོང་བ་ལྟར་ན། རླངས་འཁོར་ནང་དུ་སུ་ཞིག་ཡོད་ཀྱང་མི་དེའི་ལུས་ཡོངས་རྫོགས་མེས་འཚིག་ཡོད་པ་བཤད། ད་ལྟ་བར་འགད་རྫས་གས་འཐོར་འདིའི་རྒྱབ་ཏུ། རྒྱལ་ཁབ་དང་ཚོགས་པ། མི་སྒེར་ཅི་ཞིག་ཡོད་མེད་སོགས་གང་ཡང་མ་བསྒྲགས། གཏོར་རྒོལ་གྱི་ཡུལ་དུ་གྱུར་ཟིན་པའི་དམག་སྤྱི་འདི་ནི། རཱ་ཤི་ཡའི་དམག་དཔུང་སྤྱི་ལ་སྦྱོང་བརྡར་སྤྲོད་མཁན་གྱི་གཙོ་འགན་འཁུར་མཁན་དང་། གཡུལ་སར་གཏོང་མཁན་དེ་ཡིན་པ་གསལ།