དེ་རིང་གཟའ་ཟླ་བའི་ཞོགས་པ་ནས། སླར་ཡང་རྒྱ་ནག་གི་མཁའ་མཚོ་གཉིས་ཀྱི་དམག་དཔུང་དང་། གོ་ལག་ཕོན་ཆེན་ཐེ་ཝན་གྱི་ཕྱོགས་སུ་ལམ་ལ་ཆས། ཐེ་ཝན་གྱིས་ཛ་དྲག་ངང་དམག་དཔུང་བཏང་ནས་གྲ་སྒྲིག་བྱེད་བཞིན་པའི་མཚམས།
དེ་རིང་གཟའ་ཟླ་བའི་ཞོགས་པ་ནས། སླར་ཡང་རྒྱ་ནག་གི་མཁའ་མཚོ་གཉིས་ཀྱི་དམག་དཔུང་དང་། གོ་ལག་ཕོན་ཆེན་ཐེ་ཝན་གྱི་ཕྱོགས་སུ་ལམ་ལ་ཆས་ཤིང་། སང་ཉིན་ནས་ཐེ་ཝན་གྱི་མཐའ་འཁོར་དུ་དམག་སྦྱོང་ཆེན་པོ་ཞིག་འགོ་གཟུག་རྒྱུ་ཡིན་པ་དང་། འདི་ནི་ཐེ་ཝན་གྱི་ཁ་བྲལ་བ་ཚོར་བཏང་བའི་ཉེན་བརྡ་ཆེན་པོ་ཞིག་ཡིན་ཞེས། རྒྱ་ནག་ཤར་ཕྱོགས་དམག་སྡེ་ཡིས་བསྒྲགས།
དེ་བཞིན་རྒྱ་ནག་གིས། འདི་ནི་ཕྱི་ལོགས་ཀྱི་དམག་དཔུང་གི་ཐེ་བྱུས་འགོག་ཐབས་ཀྱི་དམག་དོན་སྦྱོང་བརྡར་ཞིག་ཡིན་པའང་བཤད། {ཕྱི་ལོགས་ཀྱི་དམག་དོན་ཐེ་བྱུས་འགོག་ཐབས་}ཞེས་པའི་སྐད་ཆ་འདི་རྒྱ་ནག་གི་ཁ་ནས་ཐོན་པ་ཐོག་མ་དེ་གྱུར། ཉིན་ 11 གི་སྔོན་དུ་ཨ་རིས་ཐེ་ཝན་ལ་འགོག་སྲུང་གོ་ལག་ཨ་སྒོར་ཐེར་འབུམ་ $11.1 གི་རིན་ཐང་འཚོང་རྒྱུ་བསྒྲགས།
རྒྱ་ནག་གིས་དེའི་ལན་དུ་ཨ་རིའི་དམག་དོན་བཟོ་གྲྭ་ 20 དང་། དེ་དག་གི་སྤྱི་གཉེར་ 10 ཡི་སྟེང་ཉེས་ཆད་བཀལ་ཅིང་། རྒྱ་ནག་གི་ཁེ་གཉེར་དང་མི་སྒེར་སུ་ཞིག་གིས་ཀྱང་། འདི་དག་དང་ལྷན་ཚོང་འབྲེལ་གཉེར་མི་ཆོག་ཅེས་བསྒྲགས། དེ་ལྟར་ན་འདི་ཕྱི་ལོ་ 2022 ལོར་ཨ་རིའི་གྲོས་ཚོགས་ཚོགས་གཙོ། ལྕམ་ནན་སེ་པི་ལོ་སི་ཐེ་ཝན་དུ་ཕྱིན་པ་ནས། རྒྱ་ནག་གིས་ཐེ་ཝན་མཚོ་གླིང་གི་མཐའ་འཁོར་དུ་དམག་སྦྱོང་ཆེན་པོ་བྱེད་པ་ཐེངས་དྲུག་པ་དེ་འགྱུར་རྒྱུ་དང་། ཐེ་ཝན་གྱིས་ཛ་དྲག་ངང་དམག་དཔུང་བཏང་ནས་གྲ་སྒྲིག་བྱེད་བཞིན་པའི་མཚམས།
