ད་ལོའི་ཕྱི་ཟླ་ 11 ནང་རྒྱ་ནག་གི་བཟོ་གྲྭ་དག་གི་ཚོང་གི་ཁེ་བག་བརྒྱ་ཆ་ 13.1% མར་ཟག འདི་ནི་འདས་པའི་ལོ་ 1 གི་རིང་བཟོ་གྲྭའི་ཁེ་བག་མར་ཟག་པ་སྡུག་ཤོས་སུ་གྱུར་ཅིང་། ད་ལོའི་ཕྱི་ཟླ་ 10 ནང་ལའང་བརྒྱ་ཆ་ 5.5% མར་ཟག་ཅིང་། ཕྱི་ཟླ་ 11 ནང་དེ་ལས་མར་ཤུགས་ཆེན་ལྷུང་ཟིན་པ་གསལ་བོར་གྱུར།
གསར་དུ་ཐོན་པའི་སྙན་ཐོ་ལྟར་ན། ལོ་སྔོན་མའི་དུས་ཡུན་གཅིག་པ་དང་བསྡུར་ན། ད་ལོའི་ཕྱི་ཟླ་ 11 ནང་རྒྱ་ནག་གི་བཟོ་གྲྭ་དག་གི་ཚོང་གི་ཁེ་བག་བརྒྱ་ཆ་ 13.1% མར་ཟག འདི་ནི་འདས་པའི་ལོ་ 1 གི་རིང་བཟོ་གྲྭའི་ཁེ་བག་མར་ཟག་པ་སྡུག་ཤོས་སུ་གྱུར་ཅིང་། ད་ལོའི་ཕྱི་ཟླ་ 10 ནང་ལའང་བརྒྱ་ཆ་ 5.5% མར་ཟག་ཅིང་། ཕྱི་ཟླ་ 11 ནང་དེ་ལས་མར་ཤུགས་ཆེན་ལྷུང་ཟིན་པ་གསལ་བོར་གྱུར། རྒྱུ་མཚན་གཙོ་བོ་ནི་ཕྱི་རྒྱལ་ལ་ཚོང་ཟོག་བཙོང་བའི་ཚད་ཡག་པོ་ཡོད་ཀྱང་། རྒྱལ་ནང་གི་འཛད་སྤྱོད་ཚད་ཧ་ཅང་དམའ་བས་ཡིན་པ་གསལ།
དེའི་མཇུག་འབྲས་སུ་བཟོ་གྲྭ་དག་གིས། ཐོན་ཟོག་གི་རིན་གོང་ཤུགས་ཆེན་མར་བཅག་བཞིན་པ་དང་། གཞན་ཡང་རྡོ་སོལ་ཁེ་གཉེར་གྱི་ཁེ་ཕན་དེ་བརྒྱ་ཆ་ 47.3% མར་ཟག་ཅིང་། འདིས་ཐོན་ཟོག་བཟོ་གྲྭ་སྤྱི་ལ་ཤུགས་རྐྱེན་ཐེབས། རྒྱ་ནག་གཞུང་གིས། ད་ལོའི་རྒྱ་ནག་གི་དཔལ་འབྱོར་ཡར་རྒྱས་ཀྱི་ཚད་དེ། བརྒྱ་ཆ་ 5% ཡིན་དགོས་པའི་སྔོན་རྩིས་བརྒྱབས་ཟིན་ནའང་། རང་དབང་ཞིབ་འཇུག་(Rhodium Group)ལྟར་ན། ད་ལོའི་རྒྱ་ནག་གི་དཔལ་འབྱོར་ཡར་རྒྱས་ཀྱི་ཚད་དེ་བརྒྱ་ཆ་ 2.5% ནས་བརྒྱ་ཆ་ 3% བར་ཡིན་པ་སྔོན་དཔག་བྱེད། དེའི་རྒྱུ་མཚན་གཙོ་བོ་ནི་ས་ཁང་ཁེ་གཉེར་གཙོས། ཚོང་ལས་ཁྲོད་མ་རྐང་འཇོག་པའི་ཚད་ཧ་ཅང་སྐྱོ་བ་དེ་ཡིན་པ་བཤད།