ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུས། ཝེ་ནེ་ཛོ་ལའི་མཐའ་ལ་མཚོ་དམག་གིས་ཡོངས་སུ་བསྐོར་ཟིན། ཁོ་ཚོས་སྔར་བརྐུས་ཟིན་པའི་ང་ཚོའི་རྡོ་སྣུམ་དང་ས་ཆ། རྒྱུ་རྫས་གཞན་དག་ཕྱིར་མ་བསློག་བར་དུ། ད་དུང་གནས་སྟངས་འདི་ཆེ་རུ་འགྲོ་རྒྱུ་རེད་ཅེས་བཤད།
ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུས། ཝེ་ནེ་ཛོ་ལའི་མཐའ་ལ་མཚོ་དམག་གིས་ཡོངས་སུ་བསྐོར་ཟིན། ཁོ་ཚོས་སྔར་བརྐུས་ཟིན་པའི་ང་ཚོའི་རྡོ་སྣུམ་དང་ས་ཆ། རྒྱུ་རྫས་གཞན་དག་ཕྱིར་མ་བསློག་བར་དུ། ད་དུང་གནས་སྟངས་འདི་ཆེ་རུ་འགྲོ་རྒྱུ་དང་། གླུ་བུར་དུ་(དྲག་རྒོལ་སྔར་མཐོང་མྱོང་མེད་པ་ཞིག་གིས་)ཧོན་འཐོར་དུ་འཇུག་རྒྱུ། ཁྲིམས་འགལ་གྱི་མཱ་རྡུ་རོ་གཞུང་གིས། བརྐུས་ཟིན་པའི་རྡོ་སྣུམ་བཟོ་གྲྭ་ནས་རྡོ་སྣུམ་བེད་སྤྱོད་ཀྱིས། ཁོ་ཚོ་རང་ཉིད་ཀྱི་ཆེད་དང་ཉལ་ཐ་ཚོང་སྒྱུར་ཆེད། མི་འཚོང་རྒྱག་ཆེད། དམར་གསོད་དང་བཙན་འཁྲིད་སོགས་ཀྱི་ཆེད་བེད་སྤྱོད་བྱེད་བཞིན་པ་རེད། བརྐུས་ཟིན་པའི་རྒྱུ་ནོར་འདི་དག་གི་ཆེད་དང་། རྒྱུ་མཚན་གཞན་དག་མང་པོའི་རྐྱེན་པས་ཝེ་ནེ་ཛོ་ལའི་གཞུང་འདི་(ཨ་རིས)ཕྱི་རྒྱལ་དྲག་སྤྱོད་ཚོགས་པའི་ཁོངས་སུ་བཅུག་ཟིན་པ་རེད།
དེར་བརྟེན་དེ་རིང་ངས། ཝེ་ནེ་ཛོ་ལར་འགྲོ་མཁན་དང་ཝེ་ནེ་ཛོ་ལ་ནས་ཡོང་མཁན་གྱི་རྡོ་སྣུམ་གྲུ་སྐྱེལ་མཁན་གྲུ་གཟིངས། ཉེས་ཆད་འོག་ཚུད་ཟིན་པ་ཚང་མ་འགྲོ་རུ་མི་འཇུག་རྒྱུའི་བཀའ་བཏང་པ་ཡིན་ཞེས་བཤད།ཁོས། ཁྲིམས་འགལ་སྐྱབས་བཅོལ་བ་དང་ནག་ཉེས་ཅན་སོགས། མཱ་རྡུ་རོ་གཞུང་གིས་བྷ་ཀྲན་གྱི་སྐབས་སུ་ཨ་རིའི་རྒྱལ་ནང་དུ་བཏང་ཟིན་པ་དག་ཕྱིར་ཝེ་ནེ་ཛོ་ལར་མགྱོགས་པོར་བསློག་རྒྱུ་ཡིན། ཨ་རིས་རང་གི་རྒྱལ་ཁབ་ལ་གཞན་གྱིས་གནོད་འཚེ་བྱ་རུ་མི་འཇུག་ལ། རང་གི་རྒྱུ་ནོར་གཞན་ལ་རྐུ་རུ་འཇུག་རྒྱུ་མིན་པ་དང་། བརྐུས་ཟིན་པ་དག་ངེས་པར་དུ་ཨ་རིར་ཕྱིར་བསློག་དགོས་པ་བཤད། ཨ་རིས་ཝེ་ནེ་ཛོ་ལའི་ཚོང་ལམ་གཅོད་ཀྱི་པ་འདིས། གནས་སྟངས་མགྱོགས་པོར་སྡུག་ཏུ་གཏོང་བཞིན་པ་གསལ།
དེ་བཞིན་ཨ་རིའི་དམག་དཔུང་གིས། སླར་ཡང་ཞི་བདེ་རྒྱ་མཚོའི་ནང་དུ་འགྲོ་བཞིན་པའི་གྲུ་གཟིངས་ཆུང་ཆུ་ 3 གྱི་སྟེང་གཏོར་རྒོལ་བྱས་ཟིན་པ་དང་། ཐེངས་འདིའི་གཏོར་རྒོལ་ཁྲོད་མི་ 8 བསད་ཟིན་པ་བསྒྲགས། ཨ་རི་ལྟར་ན་གྲུ་གཟིངས་འདི་དག་གི་ནང་དུ་ཉལ་ཐ་ལྐོག་འདྲེན་བྱེད་བཞིན་པ་བཤད། ད་ལོའི་ཕྱི་ཟླ་ 9 ཚེས་ 2 ཉིན་ནས་ཨ་རིའི་དམག་དཔུང་གིས། ཁཱ་རེ་བྷེ་ཡན་དང་ཞི་བདེ་རྒྱ་མཚོའི་ནང་དུ་གྲུ་གཟིངས་ 20 ལས་མང་བར་གཏོར་རྒོལ་བྱས་ཤིང་། འདིའི་ཁྲོད་ད་ལྟ་བར་ཉུང་མཐར་མི་ 90 བསད། ལྷག་པར་གཏོར་རྒོལ་དང་པོའི་སྐབས་སུ། ནང་གི་མི་ཚང་མ་སོད་ཅིག་ཨ་རིའི་དམག་འཁྲུག་ལྷན་ཁང་གི་དྲུང་ཆེ་ཡོས་བཀའ་བཏང་བ་དེ་རྙོག་གྲ་ཆེན་པོ་ཞིག་ཏུ་གྱུར།