གྲོས་འཐུས་བུད་མེད་ཀྲེ་ལོར་གྷི་རེ་ནེ་(Taylor Greene)ཡིས། ད་ལྟ་བར་ངས་སྲིད་འཛིན་སྒྲོ་ནལ་ཁྲི་རམ་ཕུ་ལ་རྒྱབ་སྐྱོར་བྱས་པ་ཡིན། ཡིན་ན་ཡང་། ད་ལྟ་ཡིག་ཆ་ཚང་མ་ཕྱིར་འདོན་དགོས་པའི་ཐད་ནས་ངའི་ལངས་ཕྱོགས་ལ་འགྱུར་བ་མེད་ཅེས་བཤད། སྒྲོ་ནལ་ཁྲི་རམ་ཕུས་མོ་ལ། རྒྱལ་ཁབ་ལ་ངོ་ལོག་མཁན་གྱི་མིང་འཆལ་བཏགས།
བདུན་ཕྲག་སྔོན་མར་ཨ་རིའི་མང་གཙོ་ཚོགས་པའི་འཐུས་མི་ཚོས། ནག་ཅན་ཨེབ་སི་ཀྲེན་དང་འབྲེལ་བའི་ཡིག་ཆ་མང་པོ་ཕྱིར་བཀྲམས་ཤིང་། དེའི་ནང་དུ་སྒྲོ་ནལ་ཁྲི་རམ་ཕུའི་མིང་ཐེངས་ 3 ལ་སླེབས་པ་མ་ཟད། སྒྲོ་ནལ་ཁྲི་རམ་ཕུས་ཨེབ་སི་ཀྲེན་གྱི་གསང་བའི་ལས་ཀའི་སྐོར་ཧ་གོ་ཡོད་པ་གསལ་བོར་བཤད་ཡོད་རྐྱེན། སླར་ཡང་མང་གཙོ་ཚོགས་པའི་འཐུས་མི་ཚོ་མ་ཟད། སྒྲོ་ནལ་ཁྲི་རམ་ཕུ་ལ་རྒྱབ་སྐྱོར་བྱེད་མཁན་དང་ཨ་རི་དང་པོ་འཇོག་པའི་ཁོའི་སྲིད་བྱུས་ལ་རྒྱབ་སྐྱོར་བྱེད་མཁན་གཙོ་བོ། གྲོས་འཐུས་བུད་མེད་ཀྲེ་ལོར་གྷི་རེ་ནེ་(Taylor Greene)ཡིས། ཡིག་ཆ་ཚང་མ་ཕྱིར་འདོན་དགོས་པ་བཤད་རྐྱེན། མོ་དང་སྒྲོ་ནལ་ཁྲི་རམ་ཕུ་བར་འགལ་ཤུགས་ཆེ་རུ་ཕྱིན།
བུད་མེད་འདིས། ད་ལྟ་བར་མོས་སྒྲོ་ནལ་ཁྲི་རམ་ཕུ་ལ་རྒྱབ་སྐྱོར་བྱས་པ་ཡིན། ཡིན་ན་ཡང་། ད་ལྟ་ཡིག་ཆ་ཚང་མ་ཕྱིར་འདོན་དགོས་པའི་ཐད་ནས་མོའི་ལངས་ཕྱོགས་ལ་འགྱུར་བ་མེད་ཅེས་ཟེར། སྒྲོ་ནལ་ཁྲི་རམ་ཕུས་བུད་མེད་འདི་ལ། རྒྱལ་ཁབ་ལ་བློ་ལོག་མཁན་ཞེས་ཚིག་ངན་བཤད་པར། བུད་མེད་འདིས་བློ་ཕམ་ཚད་མེད་དང་བཅས། ང་ལ་མིང་ངན་འདི་བཏགས་པ་ནས་བཟུང་། ང་རང་སྒེར་གྱི་ཚེ་སྲོག་ལ་ཉེན་ཁ་ཡོད་པ་བཤད་པར། སྒྲོ་ནལ་ཁྲི་རམ་ཕུས། ཁྱེད་ཀྱི་ཚེ་སྲོག་ལ་ཉེན་ཁ་མེད་པ་དང་། དོན་དངོས་སུ་ཁྱོད་ཀྱི་སྐོར་ལ་སུས་ཀྱང་དོ་སྣང་བྱ་མི་སྲིད་བཅས་བཤད།
དེ་དང་ལྷན་སྔར་ཨེབ་སི་ཀྲེན་གྱི་གནོད་འཚེ་འོག་ཚུད་པའི་བུད་མེད་མང་པོས་ཐུན་མོང་གི་ཡི་གེ་ཞིག་བྲིས་ཤིང་། ཁོ་ཚོས་གྲོས་འཐུས་བུད་མེད་འདིར་རྒྱབ་སྐྱོར་བྱེད་བཞིན་པ་བསྒྲགས། གྲོས་འཐུས་བུད་མེད་འདིས་ཀྱང་གནོད་འཚེ་འཕོག་པའི་བུད་མེད་འདི་དག་ལ་ཐུག་རྒྱུ་ཡིན་པ་བཤད། བུད་མེད་འདི་ནི་ཨ་རིས་ཡུ་ཁུ་རན་དང་ཨེ་ཛི་རལ་ལ་རོགས་སྐྱོར་བྱེད་པར་མཐའ་གཅིག་ཏུ་ངོ་རྒོལ་བྱེད་མཁན་ཞིག་དང་། ཨ་རི་ལས་གཞན་ལ་ཁ་ཡ་བྱ་རྒྱུར་མཐའ་གཅིག་ཏུ་ངོ་རྒོལ་བྱེད་མཁན་གཙོ་བོ་ཞིག་ཡིན་པས། འདི་ནི་ཨ་རི་དང་པོ་འཇོག་མཁན་ཚོའི་(MAGA)
བར་གྱི་ནང་འཁྲུག་ཆེན་པོ་ཞིག་ཏུ་གྱུར།