ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུས། གལ་སྲིད་ཨེ་རན་གཞུང་གིས། ཞི་བའི་ངོ་རྒོལ་བ་ཚོའི་སྟེང་མེ་མདའ་འཕངས་ཤིང་། དྲག་རྩུབ་ཀྱིས་བསད་ཚེ་ཨ་རི་ཞི་རྒོལ་བ་ཚོ་བསྐྱབ་ཏུ་ཡོང་རྒྱུ་ཡིན། ང་ཚོས་ཨེ་རན་གྱི་སྟེང་དྲག་རྒོལ་བྱ་རྒྱུའི་གྲ་སྒྲིག་གྲུབ་ཟིན་ཅེས་ཉེན་བརྡ་བཏང་།
གཟའ་ཉི་མ་ནས། དངུལ་སྒོར་གྱི་རིན་ཐང་ཆག་པ་དང་ཚོག་ཟོག་གི་རིན་གོང་བརྒྱ་ཆ་ 40% ལ་འཕར་རྐྱེན། ཨེ་རན་གྱི་རྒྱལ་ས་ཐེ་རན་དུ་ཚོང་པ་ཚོས་འགོ་བཙུགས་ཤིང་། ད་ལྟ་རྒྱལ་ཡོངས་སུ་ཁྱབ་པའི་ངོ་རྒོལ་ཆེན་པོ་ཞིག་བྱས། ཁ་སང་བདེ་སྲུང་མི་སྣ་དང་ངོ་རྒོལ་བའི་བར་གདོང་ཐུག་ཁྲོད། ཉུང་མཐར་མི་ 6 བསད་ཟིན་པ་དང་། ཨེ་རན་གྱི་བདེ་སྲུང་མི་སྣར་འཆི་སྐྱོན་བྱུང་ཟིན་པ། ཨེ་རན་གཞུང་གིས་བསྒྲགས།
ད་ལྟ་ངོ་རྒོལ་འདི་དཔལ་འབྱོར་ཙམ་ལས་བརྒལ་ཅིང་། ད་ལྟའི་ཨེ་རན་གྱི་དབང་འཛིན་པ། ཁ་ཆེ་ཆོས་དཔོན་ཚོ་མེད་པ་བཟོ་རྒྱུའི་ངོ་རྒོལ་ཞིག་ཏུ་གྱུར། ཨེ་རན་གྱི་སྲིད་འཛིན་གྱིས། ང་ཚོས་མི་དམངས་ཀྱི་དཀའ་ངལ་འདི་སེལ་མ་ཐུབ་ཚེ། ང་ཚོ་ཚང་མ་དམྱལ་བར་འགྲོ་རྒྱུ་རེད་ཅེས་ནང་ཁུལ་དུ་ཉེན་བརྡ་བཏང་། ཨེ་ཛི་རལ་གྱི་སྲིད་བློན་ནེ་ཏན་ཡ་ཧུ་ཡིས། ཨེ་རན་གྱི་མི་དམངས་ལ་གདུང་སེམས་མཉམ་བསྐྱེད་ཡོད་པ་བསྒྲགས།
ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུས། གལ་སྲིད་ཨེ་རན་གཞུང་གིས། རང་གི་འགྲོ་སྲོལ་ལྟར་ཞི་བའི་ངོ་རྒོལ་བ་ཚོའི་སྟེང་མེ་མདའ་འཕངས་ཤིང་། དྲག་རྩུབ་ཀྱིས་བསད་ཚེ་ཨ་རི་ཞི་རྒོལ་བ་ཚོ་བསྐྱབ་ཏུ་ཡོང་རྒྱུ་ཡིན། ང་ཚོས་ཨེ་རན་གྱི་སྟེང་དྲག་རྒོལ་བྱ་རྒྱུའི་གྲ་སྒྲིག་གྲུབ་ཟིན་ཅེས་ཉེན་བརྡ་བཏང་། སྔར་ཨེ་རན་གྱིས་ངོ་རྒོལ་བ་ཚོར་དྲག་གནོན་ཚབས་ཆེན་བྱེད་སྲོལ་ཡོད་ནའང་། ཐེངས་འདིར་གཞུང་གིས་ངོ་རྒོལ་བ་ཚོའི་དགོས་འདུན་ལ་ཉན་འདོད་ཡོད་པའི་རྣམ་འགྱུར་བསྟན།