མདང་དགོང་ཨ་རིའི་དམག་དོན་མཁོ་ཆས་སྐྱེལ་བའི་གནམ་གྲུ་ C-17 གྲངས་ 12 ། དབྱིན་ཇིའི་གནམ་ཐང་(RAF Fairford)ལ་སླེབས་ཟིན་པ་དང་། དེ་དག་ལས་འགའ་ཤས་ཤིག་དེ་རིང་དཀྱིལ་ཤར་དུ་འཕུར་བཞིན་པའི་གནས་ཚུལ་ཐོན།
ཟླ་བ་སྔོན་མའི་ཚེས་ 28 ཉིན་ནས། ཨེ་རན་གྱི་རྒྱལ་ས་ཐེ་རན་གཙོས།ས་ཁུལ་མང་པོར་མི་དམངས་ཀྱིས་ངོ་རྒོལ་ཤུགས་ཆེན་བྱས་ཤིང་། ངོ་རྒོལ་མུ་མཐུད་དུ་བྱུང་ནས་ཉིན་དགུ་བ་དེ་འགྲོ་བཞིན་པ་དང་། ཨེ་རན་གྱི་ས་ཁུལ་ 31 ནས་ 26 ལ་ངོ་རྒོལ་གྱིས་ཁྱབ། ད་ལྟ་བར་བདེ་སྲུང་མི་སྣ་ཞིག་དང་། ངོ་རྒོལ་བ་ 19 རྐྱེན་འདས་སུ་ཕྱིན་ཟིན་པའི་གནས་ཚུལ་ཐོན། ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུས། གལ་སྲིད་ཨེ་རན་གཞུང་གིས། མུ་མཐུད་དུ་ངོ་རྒོལ་བ་དག་བསད་ཚེ། ཨ་རིས་ཨེ་རན་གྱི་སྟེང་གཏོར་རྒོལ་བྱ་རྒྱུ་ཡིན་པའི་ཉེན་བརྡ་ཡང་བསྐྱར་བཏང་།
མདང་དགོང་ཨ་རིའི་དམག་དོན་མཁོ་ཆས་སྐྱེལ་བའི་གནམ་གྲུ་ C-17 གྲངས་ 12 ། དབྱིན་ཇིའི་གནམ་ཐང་(RAF Fairford)ལ་སླེབས་ཟིན་པ་དང་། དེ་དག་ལས་འགའ་ཤས་ཤིག་དེ་རིང་དཀྱིལ་ཤར་དུ་འཕུར་བཞིན་པའི་གནས་ཚུལ་ཐོན། ཨེ་ཛི་རལ་གྱི་བདེ་འཇགས་ལྷན་ཁང་གིས་ཚོགས་འདུ་ཞིག་ཚོགས་བཞིན་པ་དང་། བརྗོད་གཞི་གཙོ་བོ་ནི་ཨེ་རན་ཡིན་པ་བཤད། གལ་སྲིད་ཨེ་རན་དུ་སྲིད་འགྱུར་བྱུང་ཚེ། ཨེ་རན་གྱི་ཆེས་མཐོའི་ཆོས་དཔོན་དང་། དབུ་ཁྲིད་ཨ་ཡ་ཏུ་ལ་རཱ་ཤི་ཡའི་རྒྱལ་སར་འབྲོ་སྲིད་པ་ཚོད་དཔག་བྱེད།