admin

མདང་དགོང་ཨ་རིའི་དམག་དོན་མཁོ་ཆས་སྐྱེལ་བའི་གནམ་གྲུ་ C-17 གྲངས་ 12 ། དབྱིན་ཇིའི་གནམ་ཐང་(RAF Fairford)ལ་སླེབས་ཟིན་པ་དང་། དེ་དག་ལས་འགའ་ཤས་ཤིག་དེ་རིང་དཀྱིལ་ཤར་དུ་འཕུར་བཞིན་པའི་གནས་ཚུལ་ཐོན།

ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུས། ང་ཚོས་ཡང་བསྐྱར་རྒྱ་གར་གྱི་སྟེང་མགྱོགས་པོར་སྒོ་ཁྲལ་ཡར་སྤར་སྲིད་པ་ཡིན་ཞེས་ཉེན་བརྡ་བཏང་། སྒྲོ་ནལ་ཁྲི་རམ་ཕུ་སྲིད་གཞུང་གིས། རྒྱ་གར་གྱིས་རཱ་ཤི་ཡའི་རྡོ་སྣུམ་ཉོ་བཞིན་པ་རྒྱུ་མཚན་དུ་བགྲངས་ནས། རྒྱ་གར་གྱི་སྟེང་སྒོ་ཁྲལ་བརྒྱ་ཆ་ 25% བཅས་ཁྱོན་བརྒྱ་ཆ་ 50% བཀལ་ཟིན།

རྒྱ་གར་གྱི་ཆུ་ཚོད་དབང་དུ་བྱས་ནས། བདུན་ཕྲག་སྔོན་མའི་གཟའ་སྤེན་པའི་ཉིན། ཨ་རིའི་དམག་དཔུང་ལྷོ་ཨ་མེ་རི་ཀའི་ཝེ་ནེ་ཛོ་ལ་རྒྱལ་ཁབ་ཀྱི་རྒྱལ་ས་ཀཱ་ར་ཀ་སིར་འཛུལ་ཅིང་། དུས་ཐུང་ནང་སྲིད་འཛིན་མ་རྡུ་རོ་བཟུང་ཞིང་ཨ་རིར་འཁྲིད་ནས་སླེབས།

སྒྲོ་ནལ་ཁྲི་རམ་ཕུས། ཐེངས་འདིའི་བྱ་འགུལ་ཁྲོད་ཨ་རིའི་དམག་མིར་འཆི་སྐྱོན་བྱུང་མེད་ལ། གནམ་གྲུ་གཅིག་ཀྱང་གཏོར་ཐུབ་མེད། ཐད་འཕུར་གནམ་གྲུ་ཞིག་ལ་གཏོར་སྐྱོན་ཆེན་པོ་ཞིག་ཐེབས་སོང་། ཡིན་ན་ཡང་། ང་ཚོས་བདེ་ལེགས་ངང་ཕྱིར་བླངས་ཟིན་ཅེས་བཤད།

ཨ་རིའི་དམག་དཔུང་གིས། ལྷོ་ཨ་མེ་རི་ཀའི་རྒྱལ་ཁབ་ཝེ་ནེ་ཛོ་ལའི་རྒྱལ་ས་ཀཱ་ར་ཀ་སི་རུ་གཏོར་རྒོལ་འགོ་བཙུགས། བདེ་སྲུང་བློན་ཆེན་བསད་ཟིན་པའི་གནས་ཚུལ་ཞིག་ཐོན།

ཨེ་ལོན་གྱིས། ཐལ་མཐའ་ལྷུང་བའི་གུ་ཡངས་རིང་ལུགས་པ་ཚོས། རྒྱལ་མཚམས་སྒོ་འབྱེད་དང་། རྒྱལ་ནང་ལ་མི་མང་པོ་ཡོད་དུ་བཅུག་ནས། ཨ་རི་ཟེར་བ་ཞིག་ལྷག་རྒྱུ་མེད་པ་བཟོ་རྒྱུ་ཡིན་པ་བཤད།

ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུས། གལ་སྲིད་ཨེ་རན་གཞུང་གིས། ཞི་བའི་ངོ་རྒོལ་བ་ཚོའི་སྟེང་མེ་མདའ་འཕངས་ཤིང་། དྲག་རྩུབ་ཀྱིས་བསད་ཚེ་ཨ་རི་ཞི་རྒོལ་བ་ཚོ་བསྐྱབ་ཏུ་ཡོང་རྒྱུ་ཡིན། ང་ཚོས་ཨེ་རན་གྱི་སྟེང་དྲག་རྒོལ་བྱ་རྒྱུའི་གྲ་སྒྲིག་གྲུབ་ཟིན་ཅེས་ཉེན་བརྡ་བཏང་།