admin

རྒྱ་དཀར་ནག་གཉིས་ཀྱིས། ཕུ་ཀྲན་གྱི་སྡོད་གནས་ལ་གཏོར་རྒོལ་བྱས་ཡོད་མེད་ཐད་བློ་ཚབས་ཀྱི་རྣམ་འགྱུར་བསྟན་པ། 

ཁ་སང་ཡུ་ཁུ་རན་གྱི་སྲིད་འཛིན་ཛེ་ལན་སི་ཀེ་ཨ་རིར་འགྲོ་བའི་ལམ་ཀར། ཁེ་ན་ཀྲར་ཕྱིན་ཅིང་ཁེ་ན་ཀྲའི་སྲིད་བློན་མར་ཁི་ཀར་ནེ་དང་ལྷན་ཐུག་ཅིང་། ཁེ་ན་ཀྲའི་ངོས་ནས་ཡུ་ཁུ་རན་ལ་རོགས་སྐྱོར་ཨ་སྒོར་ཐེར་འབུམ་ $2.5 སྤྲད་རྒྱུ་ཡིན་པ་བསྒྲགས།

ཨེ་ཛི་རལ་གྱི་སྲིད་བློན་ནེ་ཏན་ཡ་ཧུ། ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུ་ལ་ཐུག་ཆེད་ཨ་རིར་ཡོང་བཞིན་པའི་མཚམས། འདི་ནི་འདས་པའི་ཟླ་བ་ 10 རིང་ཁོ་ཨ་རིར་སླེབས་པ་ཐེངས་ལྔ་བ་དེ་འགྱུར་རྒྱུ།

རཱ་ཤི་ཡའི་ཕྱི་སྲིད་བློན་ཆེན་སར་གྷེ་ལ་ཝི་རོ་ཡིས་ཞེ་ཅེན་ཕིན་ལ། གལ་སྲིད་ཐེ་ཝན་མཚོ་འགག་གི་གནས་ཚུལ་སྡུག་ཏུ་ཕྱིན་ཚེ། རཱ་ཤི་ཡ་རྒྱ་ནག་གི་ཕྱོགས་སུ་ལངས་རྒྱུ་ཡིན་ཞེས་བཤད།

ད་ལོར་ན་གཞོན་ཚོའི་ངོ་རྒོལ་ལ་རྒྱབ་སྐྱོར་གྱི་རྣམ་འགྱུར་སྟོན་མཁན། རྒྱལ་ས་ཀཱ་ཐ་མན་ཀྲུ་གྲོང་ཁྱེར་གྱི་སྤྱི་ཁྱབ། ལོ་ན་ 35 ཡིན་པ་བྷ་ལན་གྱིས། ལྐོག་ཟར་རྒོལ་བའི་བལ་བོའི་ཆབ་སྲིད་ཚོགས་པ། ཨར་ཨེ་སི་ཕི་(RSP)དང་མཉམ་འབྲེལ་བྱ་རྒྱུ་ཐག་བཅད།

དེ་རིང་གཟའ་ཟླ་བའི་ཞོགས་པ་ནས། སླར་ཡང་རྒྱ་ནག་གི་མཁའ་མཚོ་གཉིས་ཀྱི་དམག་དཔུང་དང་། གོ་ལག་ཕོན་ཆེན་ཐེ་ཝན་གྱི་ཕྱོགས་སུ་ལམ་ལ་ཆས། ཐེ་ཝན་གྱིས་ཛ་དྲག་ངང་དམག་དཔུང་བཏང་ནས་གྲ་སྒྲིག་བྱེད་བཞིན་པའི་མཚམས།

ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུ་དང་། ཡུ་ཁུ་རན་གྱི་སྲིད་འཛིན་ཛེ་ལན་སི་ཀེ་གཉིས། སང་ཉིན་ས་གནས་ཀྱི་ཆུ་ཚོད་ 3:00 སྟེང་ཐུག་རྒྱུ་ཡིན་པའི་གནས་ཚུལ་ཐོན།