admin

ལོ་སྔོན་མར་རྒྱ་ནག་གི་དམག་དོན་བཟོ་གྲྭ་དག་གི་ཡོང་སྒོ་བརྒྱ་ཆ་ 10% མར་ཆག་ཟིན་པ་བཤད། དེ་ནི་རྒྱ་ནག་གི་དམག་དཔུང་ཁྲོད། ལྐོག་ཟའི་གནད་དོན་ཡོད་པར་གཞུང་གིས་ཞིབ་འཇུག་བྱས་རྐྱེན་ཡིན་པ་བཤད།

རྒྱ་ནག་གཞུང་གིས། མེ་སྐྱོན་ཆག་སྒོ་འདི་གོ་སྐབས་སུ་བཟུང་ནས་རྒྱ་ནག་ལ་རྒོལ་བའི་ལས་འགུལ་བརྩམས་ཚེ། ཐབས་བྱུས་གང་འདྲ་ཞིག་ལག་བསྟར་བྱས་ཀྱང་། ང་ཚོས་ངེས་པར་དུ་རྗེས་འདེད་གཏོང་རྒྱུ་ཡིན་ཞེས་ཉེན་བརྡ་བཏང་།

ཨིན་རྡུ་ནེ་ཤི་ཡར་ཆུ་ལོག་སོགས་ཀྱི་རྐྱེན་པས། མིའི་འཆི་གྲངས་ 502 ལ་འཕར་ཅིང་ད་དུང་ཡང་མི་ 508 འཆི་གསོན་མ་ངེས་པ་བཤད། ཤི་རི་ལངྒར་མི་ 334 དང་ཐེ་ལན་དུ་མི་ 170 རྐྱེན་འདས་སུ་ཕྱིན་ཟིན་པའི་གནས་ཚུལ་ཐོན།

ཨ་རིའི་སྲིད་འཛིན་་སྒྲོ་ནལ་ཁྲི་རམ་ཕུ་སྲིད་གཞུང་གིས། ཕྱི་ལོ་ 2014 ལོར་རཱ་དམག་གིས་བཟུང་ཟིན་པ། ཡུ་ཁུ་རན་གྱི་ཁི་རཱ་མེ་ཡ་གླིང་ཕྲན་དང་། ད་ལྟ་རཱ་དམག་གིས་བཟུང་ཡོད་པའི་ཡུ་ཁུ་རན་གྱི་ས་ཆ་གཞན་དག་རཱ་ཤི་ཡའི་མངའ་ཁོངས་སུ་གྱུར་ཟིན་པ་ཁས་ལེན་རྒྱུ་ཡིན་པ་བཤད།

ཁ་སང་ཨེ་ཛི་རལ་གྱི་དམག་དཔུང་སེ་རི་ཡའི་ལྷོ་ཕྱོགས་ས་ཁུལ་གྱི་གྲོང་གསེབ་ཅིག་ཏུ་འཛུལ། དེར་དྲག་འཐབ་ཁྲོད་ཉུང་མཐར་མི་ 13 བསད་ཅིང་། འདིའི་ཁྲོད་བྱིས་པ་དང་བུད་མེད་ཀྱང་ཚུད་ཡོད་པའི་གནས་ཚུལ་ཐོན།

ཁ་སང་ནེའུ་ཡོག་དུས་བབ་ཀྱིས་གནས་ཚུལ་དངོས་ལ་རྒྱུས་ཡོད་ཀྱི་སྐད་ཆ་ལུང་འདྲེན་གྱིས་གནས་ཚུལ་བཀོད་པ་ལྟར་ན། དོན་ལ་བདུན་ཕྲག་སྔོན་མར་སྒྲོ་ནལ་ཁྲི་རམ་ཕུ་དང་། མཱ་རྡུ་རོ་གཉིས་བར་ཁ་པར་བརྒྱུད་གླེང་མོལ་བྱས་ཟིན་པ་བཤད།

རཱ་ཤི་ཡའི་སྲིད་འཛིན་ཕུ་ཀྲན། ཟླ་བ་རྗེ་མའི་ཚེས་ 4 དང་ 5 ལ་རྒྱ་གར་དུ་ཡོང་རྒྱུ་ཡིན་པ། རཱ་ཤི་ཡའི་སྲིད་འཛིན་ལས་ཁུངས་ཀྱི་མགྲིན་ཚབ་པ་པེ་སི་ཀོ་ཝི་ཡིས་བཤད། ཐེངས་འདིར་རྒྱ་གར་དང་རཱ་ཤི་ཡའི་བར།ཐབས་བྱུས་མཉམ་ལས་དང་ཚོང་འབྲེལ། ཚན་རིག་དང་འཕྲུལ་རིག རིག་གཞུང་བརྗེ་རེས་སོགས་ཀྱི་ཐད་གླེང་མོལ་བྱ་རྒྱུ་དང་། མཐར་རྒྱལ་ཁབ་གཉིས་ཀྱིས། མཉམ་འབྲེལ་བསྒྲགས་གཏམ་ཞིག་ཀྱང་སྤེལ་རྒྱུ་ཡིན་པ་བཤད།