admin

ད་ལོའི་ཕྱི་ཟླ་ 7 ནས་ཕྱི་ཟླ་ 9 བར་གྱི་རྒྱ་གར་གྱི་དཔལ་འབྱོར་སྙན་ཐོ་ཕྱིར་བཏོན། དེ་ལྟར་ན་དེའི་སྔོན་གྱི་དུས་ཡུན་གཅིག་པ་དང་བསྡུར་ན་རྒྱ་གར་གྱི་དཔལ་འབྱོར་ཡར་རྒྱས་ཚད་གཞི་དེ་བརྒྱ་ཆ་ 8.2% ཡར་འཕར།

དེ་རིང་ཞོགས་པར་ཡུ་དམག་གིས། རྒྱལ་སྤྱིའི་ཁྲོམ་རར་ལྐོག་ནས་རྡོ་སྣུམ་འདྲེན་མཁན། གྲིབ་གཟུགས་གྲུ་གཟིངས་སུ་འབོད་པ་ 2 ལ་གཏོར་རྒོལ་བྱས། ཡུ་དམག་གིས་ཅི་ཞིག་སྤྱད་ཟིན་པ་རེ་ཞིག་ཕྱིར་མ་བསྒྲགས་ནའང་། དེ་ནི་མཚོ་ཐོག་སྒྲི་རོན་དང་ཡང་ན་མཚོ་ཐོག་ཏུ་བཞག་པའི་འགད་རྫས་ཀྱིས་གཏོར་རྒོལ་བྱས་ཟིན་པ་ཚོད་དཔག་བྱེད།

ཨ་རིའི་སྐྱབས་བཅོལ་དང་གནས་སྤོ་དང་འབྲེལ་བའི་ལས་ཁུངས་(USCIS)ཀྱིས། གནས་སྤོ་(སྐྱབས་བཅོལ།)དང་འབྲེལ་བའི་ལས་གཞི་ཚང་མ་རེ་ཞིག་མཚམས་འཇོག་རྒྱུ་ཡིན་པ་བསྒྲགས། ལས་ཁུངས་འདིས། ཨ་རིའི་རྒྱལ་ནང་དུ་འཛུལ་བའི་གནས་སྤོ་བ་ཚང་མར་ཞིབ་འཇུག་ཆ་ཚང་བྱས་རྗེས་མ་གཏོགས། ལས་གཞི་འདི་བསྐྱར་གསོ་བྱ་རྒྱུ་མིན། ཨ་རིའི་མི་དམངས་ཀྱི་བདེ་འཇགས་ནི་དང་པོ་རེད་ཅེས་བསྒྲགས།

རང་གི་བྱིས་པ་གཉིས་བསད་ཅིང་རོ་འགྱིག་ཤོག་ནང་དུ་སྦས་མཁན། ལྷོ་ཀོ་རེ་ཡ་ནས་ནེའུ་ཛེ་ལན་ཀྲི་ལ་ཡོང་མཁན་གྱི་བུད་མེད་ཅིག་ལ་ཚེ་བཙོན་ཁྲིམས་ཐག་བཅད།

ཨ་རིའི་རྒྱལ་ས་ཝ་ཤིན་ཀྲོན་གྱི་ཕོ་བྲང་དཀར་པོའི་ཐག་ཉེར། མི་ཞིག་གིས་མེ་མདའ་འཕངས་ཤིང་། དེར་ཡོད་པའི་རྒྱལ་སྲུང་དམག་མི་ 2 ལ་རྨས་སྐྱོབ་ཚབས་ཆེན་བཟོས། དེ་རིང་གནས་ཚུལ་ཐོན་པ་ལྟར་ན། བདེ་སྲུང་མི་སྣ་གཅིག་རྐྱེན་འདས་སུ་ཕྱིན་ཟིན་པ་བཤད།

ཐེ་ཝན་དང་འབྲེལ་ཉི་ཧོང་གིས་ཚད་ལས་བརྒལ་བའི་སྦྱོར་བ་བརྩམས་ཚེ། དེ་ལ་གུན་གསབ་ན་ཟུག་ཅན་ཞིག་སྤྲོད་དགོས་ཐུག་ངེས་ཡིན། 

སྒྲོ་ནལ་ཁྲི་རམ་ཕུས། ལྷོ་ཨ་ཧྥེ་རི་ཀའི་གཞུང་གིས། ཡུལ་དེར་ཡོད་པའི་ནེ་རྡར་ལན་ཀྲི་དང་མཇར་མན། ཧྥ་རན་སི་སོགས་ཀྱི་མི་བརྒྱུད་དག་གི་འགྲོ་བ་མིའི་ཐོབ་ཐང་འཕྲོག་པའི་ཐད་ཁས་ལེན་གང་ཡང་མ་བྱས་རྐྱེན་སྐུ་ཚབ་བཏང་མེད་ཅེས་བཤད།