admin

རྒྱ་ནག་གི་ཆེས་མཐོའི་དམག་སྤྱི་ཀྲང་ཡོ་ཞང་(张又侠)ལ་ཞིབ་འཇུག་འགོ་བཙུགས་ཟིན་པ་བསྒྲགས་ཤིང་། དོགས་ཡོད་ནག་ཉེས་ནི་{ཁྲིམས་དང་ཀུན་སྤྱོད་ལ་འགལ་བའི་ལས་ཚབས་ཆེན་བརྩམས་}ཟིན་ཡོད་མེད་དེ་ཡིན་པར་བཤད།

ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུས། གལ་སྲིད་ཁེ་ན་ཀྲས་རྒྱ་ནག་དང་ལྷན་ཚོང་འབྲེལ་གྲོས་མཐུན་བཞག་ཚེ། ཨ་རིའི་རྒྱལ་ནང་དུ་ཡོང་བཞིན་པའི་ཁེ་ན་ཀྲའི་ཚོང་ཟོག་སྟེང་སྒོ་ཁྲལ་བརྒྱ་ཆ་ 100% དགལ་རྒྱུ་ཡིན་པ་བསྒྲགས།

ཨ་རབ་རྒྱལ་ཕྲན་མཉམ་འབྲེལ་གྱི་རྒྱལ་ས། ཨ་བྷུ་རྡ་བྷེ་རུ་ཨ་རི་དང་རཱ་ཤི་ཡ། ཡུ་ཁུ་རན་གསུམ་གྱི་སྐུ་ཚབ་མཉམ་འཛོམས་ཀྱི་ཚོགས་འདུ་ཐོག་མ་དེ་ཚོགས།

སུད་སིར་ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུའི་བུ་མོའི་ཁྱོ་ག་དང་། ཁོའི་དམིགས་བསལ་སྐུ་ཚབ་ཁུ་ཤི་ནེ་ཡིས། འབྱུང་འགྱུར་གྷ་ཛ་ས་ཁུལ་དུ་འཛུགས་སྐྲུན་བྱེད་ཕྱོགས་དང་འབྲེལ་བའི་འཆར་གཞི་ཞིག་ཕྱིར་བསྒྲགས།

ཁ་སང་ཧྥ་རན་སིའི་མཚོ་སྲུང་དམག་མིས། ཡུ་རོབ་དང་ཨ་ཧྥེ་རི་ཀའི་བར་གྱི་ཡུལ་དབུས་རྒྱ་མཚོའི་ནང་དུ། རྒྱལ་སྤྱིའི་ཁྲོམ་རར་ལྐོག་ནས་རཱ་ཤི་ཡའི་རྡོ་སྣུམ་སྐྱེལ་མཁན་གྱི་གྲུ་གཟིངས། མིང་ལ་གྷི་རེན་ཆི་(Grinch)ཞེས་པ་བཟུང་།

ཁ་སང་སྒྲོ་ནལ་ཁྲི་རམ་ཕུ་སུད་སིར་ཚོགས་བཞིན་པའི་རྒྱལ་སྤྱིའི་དཔལ་འབྱོར་གླེང་སྟེགས་སྟེང་སླེབས་ཤིང་། ཁོ་དང་ནུབ་ཆིངས་ཀྱི་དྲུང་ཆེ་མར་ཀི་རུ་ཀྲད་གཉིས་ཐུག དེའི་རྗེས་སུ་སྒྲོ་ནལ་ཁྲི་རམ་ཕུས། ཡུ་རོབ་ཀྱི་སྟེང་འགེལ་རྒྱུའི་སྒོ་ཁྲལ་རེ་ཞིག་ཕྱིར་འཐེན་ཟིན་པ་བཤད།

{ཞི་བདེ་ལྷན་ཚོགས་}ཞེས་པ་ཡོངས་སུ་དབུ་རྙེད་ཟིན་པའི་མཛད་སྒོ། སུད་སི་རྒྱལ་ཁབ་ཀྱི་སྒྲ་ཝོ་སི་གྲོང་བརྡལ་དུ་ཚོགས་ཤིང་། ཕོ་བྲང་དཀར་པོ་ལྟར་ན་ད་ལྟ་ཚོགས་པ་འདི་གཞུང་འབྲེལ་ངང་རྒྱལ་སྤྱིའི་རང་བཞིན་ཅན་གྱི་ཚོགས་པ་ཞིག་ཏུ་གྱུར་ཟིན་པ་བསྒྲགས།