admin

རོའུ་ཀྲར་གསར་ཤོག་སྟེང་གནས་ཚུལ་བཀོད་པ་ལྟར་ན། ད་ལྟ་ཧཱ་མ་སི་དྲག་དཔུང་གིས། གྷ་ཛ་ས་ཁུལ་གྱི་བྱ་ཤ་སོགས། བཟའ་ཆས་རིན་གོང་ལ་ཚོད་འཛིན་དང་། ཐ་མག་གི་སྟེང་ཁྲལ་རྒྱག་པ་སོགས་བྱེད་བཞིན་པ་བཤད།

དེ་རིང་རྒྱ་ནག་གཞུང་གིས། རང་གི་མི་སེར་ཚོ་ཉི་ཧོང་དུ་འགྲོ་རྒྱུ་འཛེམས་དགོས་པ་དང་། གལ་སྲིད་གནམ་གྲུའི་འཛིན་བྱང་སོགས་ཉོས་ཟིན་ཚེ། རིན་མེད་དུ་ཕྱིར་བསློག་ཆོག་ཅེས་ཉེན་བརྡ་བཏང་།

སྒྲོ་ནལ་ཁྲི་རམ་ཕུས། ང་རང་ཨེབ་སི་ཀྲེན་གྱི་གླིང་ཕྲན་སྟེང་གཅིག་ཀྱང་འགྲོ་མ་མྱོང་། ཁི་ལེན་ཀྲོན་ཐེངས་ 28 ལ་ཕྱིན་པ་རེད་ཅེས། སྲིད་འཛིན་ཟུར་བ་ཁི་ལེན་ཀྲོན་ལ་ཞིབ་འཇུག་བྱ་དགོས་པ་བཤད།

ཉེ་དུས་ནས་རྒྱལ་སྤྱིའི་དཔལ་འབྱོར་ཁྲོད་ཉེན་ཁ་གསར་བ་ཞིག་འབྱུང་བཞིན་པའི་སྐད་ཆ་མང་དུ་ཕྱིན་ཅིང་། ད་ལྟ་སྐད་ཆ་འདིས་ཁྲོམ་ར་དངོས་ལ་ཤུགས་རྐྱེན་ཐེབས་རྒྱུའི་འགོ་བཙུགས། དེ་ནི་{བཅོས་མའི་རིག་པའི་ལྦུ་བ་}ཞེས་པ་དེ་རེད།

མཇར་མན་གྱི་གཞུང་འཛིན་མཉམ་འབྲེལ་ཆབ་སྲིད་ཚོགས་པས།མཇར་མན་གྱི་ད་ལྟའི་དམག་མིའི་གྲངས་ 180,000 ཡིན་པ་ལ། འབྱུང་འགྱུར་དམག་མིའི་གྲངས་དེ་ 260,000 ལ་ཡར་སྤར་རྒྱུ་དང་། སྒུག་ཐོའི་ནང་གི་དམག་ཞབས་གྲངས་དེ་འབུམ་ 2 ཡར་སྤར་རྒྱུར་གྲོས་མཐུན་ཟིན་པའི་གནས་ཚུལ་ཐོན།

ཨ་རིའི་དམག་འཁྲུག་ལྷན་ཁང་གི་དྲུང་ཆེ་ཕེ་ཀྲི་ཧག་སེ་ཐི་ཡིས། ཨ་རིའི་དམག་དཔུང་གིས་{ལྷོ་ཡི་མདུང་བྱ་འགུལ་}ཞེས་པ་སྤེལ་རྒྱུ་ཡོངས་སུ་བསྒྲགས་ཤིང་། འདིའི་དམིགས་འབེན་ནི་ནག་ཚོགས་དང་དྲག་སྤྱོད་པ་ཡིན་པ་དང་། ཨ་རིའི་མི་སེར་མང་པོ་གསོད་མཁན་གྱི་ཉལ་ཐ་འདྲེན་སའི་ལམ་ཀ་གཅོད་ཆེད་ཡིན་པ་བཤད།

སྒྲོ་ནལ་ཁྲི་རམ་ཕུ་སྲིད་གཞུང་གིས། ཨ་རིས་ཐེ་ཝན་ལ་འཐབ་འཛིང་གནམ་གྲུ་དང་། གནམ་གྲུའི་ཆ་ཤས་སོགས་ཨ་སྒོར་ས་ཡ་ $330 ཡི་རིན་ཐང་གོ་ལག་འཚོང་རྒྱུར་ཆོག་མཆན་སྤྲད་ཟིན་པ། རོའུ་ཀྲར་གསར་ཤོག་སྟེང་གནས་ཚུལ་བཀོད།