admin

ཡུ་དམག་གིས། རཱ་དམག་གིས་བཟུང་བའི་ཡུ་ཁུ་རན་གྱི་རྫ་པུ་རི་ཆི་ས་ཁུལ་གྱི་གློག་ཁང་ཞིག་ལ་གཏོར་རྒོལ་བྱས། གཞན་ཡང་ཡུ་དམག་གིས་རཱ་ཤི་ཡའི་རེ་ཛན་ས་ཁུལ་གྱི་རྡོ་སྣུམ་བཟོ་གྲྭ་ཞིག་ལ་གཏོར་རྒོལ་བྱས་ཟིན་པའི་གནས་ཚུལ་ཐོན།

ལྕམ་མཱ་ཅ་རྡོ་ཁ་སང་ཨ་རིའི་རྒྱལ་ས་ཝ་ཤིན་ཀྲོན་དུ་སླེབས་ཤིང་། སྲིད་འཛིན་སྒྲོ་ནལ་ཁྲི་རམ་ཕུ་དང་ལྷན་ཐུག མོས་རང་གི་ནོ་སྦེལ་ཞི་བདེ་གཟེངས་རྟགས་དེ། སྒྲོ་ནལ་ཁྲི་རམ་ཕུ་ལ་སྤྲད་ཅིང་ཁོས་ཀྱང་དེ་བླངས།

ཁ་སང་མཚོ་ནག་གི་ནང་དུ་གྷི་རེ་སིའི་སྟངས་འཛིན་འོག་ཡོད་པའི་གྲུ་གཟིངས་ 4 རཱ་ཤི་ཡའི་གྲུ་ཁ་ནས་ལམ་ལ་ཆས་པ་དང་། ངོས་འཛིན་མ་ཐུབ་པའི་སྒྲི་རོན་གྱིས་གཏོར་རྒོལ་ཐེབས།

གཟའ་མིག་དམར་གྱི་ཞོགས་པར་ཨེ་རན་གྱི་གནད་དོན་ཐད། ཨ་རིའི་སྲིད་འཛིན་རྒན་གཞོན་གཉིས་མཉམ་ཞུགས་ཀྱིས། ནང་ཁུལ་ཆེས་མཐོའི་བདེ་སྲུང་ཚོགས་འདུ་ཞིག་ཚོགས་ཟིན་པ་གསལ།

གྷི་རེན་ལན་ཀྲིའི་སྲིད་བློན་གྱིས། གྷི་རེན་ལན་ཀྲི་ཡིས་ཨ་རི་མཉམ་དུ་འགྲོ་རྒྱུ་ལས། སྒྲེ་མག་དང་ཡུ་རོབ་མཉམ་དུ་འགྲོ་རྒྱུ་དེ་གདམ་རྒྱུ་ཡིན་ཞེས་བཤད། སྒྲོ་ནལ་ཁྲི་རམ་ཕུས། སྐད་ཆ་འདི་ནི་རྙོག་གྲ་ཆེན་པོ་ཞིག་རེད་ཅེས་ལན་བསློགས།

ཡུ་རོབ་མཉམ་འབྲེལ་གྱིས་ཧྥ་རན་སིའི་གྲོས་ཚོགས་ལ་སྤྲད་པའི་དངུལ་སྒོར། ཡུ་སྒོར་ས་ཡ་ €4.8 རང་གི་ཆབ་སྲིད་ཚོགས་པའི་ཆེད་བཏང་ཟིན་པའི་ཉེས་འཛུགས་འོག རྙིང་ཞེན་ཤོག་ཁག་གི་དབུ་ཁྲིད་ལྕམ་མཱ་རེན་ལི་ཕན་ལ་ཁྲིམས་བཤེར་བྱས།

ཐེ་ལན་དུ་འཛུགས་སྐྲུན་གྱི་ལྕགས་ཤིག་མེ་འཁོར་སྟེང་འགྱེལ་བས། མེ་འཁོར་ནང་གི་མི་མང་པོ་བསད་ཅིང་། མང་པོ་ཞིག་ལ་རྨས་སྐྱོན་བཟོས། ཐེ་ལན་གཞུང་གིས་འདི་ལ་ཞིབ་འཇུག་བྱེད་བཞིན་པ་བསྒྲགས།