admin

2025/9/10 གཟའ་ལྷག་པ། མདང་དགོང་དང་དེ་རིང་ཞོགས་པར་རཱ་དམག་གིས་ཡུ་ཁུ་རན་ལ་སྒྲི་རོན་ 415 ཡིས་ཚུར་རྒོལ་སྐབས། རཱ་དམག་གི་སྒྲི་རོན་འགའ་ཕོ་ལན་ཀྲིའི་མཁའ་དབྱིངས་སུ་འཛུལ་བའི་གནས་ཚུལ་ཐོན་ཟིན་པ་ལྟར། ཕོ་ལན་ཀྲིའི་སྲིད་བློན་ལྟར་ན། ཐེངས་འདིར་རཱ་ཤི་ཡའི་སྒྲི་རོན་ 19 ཕོ་ལན་ཀྲིའི་མཁའ་དབྱིངས་སྲུང་སྐྱོབ་ཚད་ཐིགས་ཀྱི་ནང་དུ་འཛུལ་ཟིན་པ་བཤད། དེ་དག་ལས་སྒྲི་རོན་ 4 ཕོ་ལན་ཀྲི་དང་། ནུབ་ཆིངས་མཁའ་དམག་གིས་ཐང་ལ་གཡུག་ཟིན་པ་གསལ། འདི་ནི་ཕོ་ལན་ཀྲིའི་མཁའ་དབྱིངས་ནས་རཱ་ཤི་ཡའི་སྒྲི་རོན་ཞིག་ནུབ་ཆིངས་དམག་དཔུང་གིས་འགོག་དགོས་བྱུང་བ་ཐོག་མ་དེ་གྱུར། ད་ལྟ་གནས་ཚུལ་ཐོན་པ་ལྟར་ན། སྒྲི་རོན་མ་ཟད་རཱ་ཤི་ཡའི་འཕུར་མདའི་ཆག་རོ་ཞིག་ཀྱང་ཕོ་ལན་ཀྲིའི་མངའ་ཁོངས་ནས་རྙེད་ཟིན་པ་བཤད། ཕོ་ལན་ཀྲིར་ཡོད་པའི་རཱ་ཤི་ཡའི་གཞུང་ཚབ་ཀྱིས། གནས་ཚུལ་འདི་ནི་གཞི་མེད་ཅིག་རེད་ཅེས་བཤད། ད་ལྟ་དྲི་བ་ཆེ་ཤོས་ནི་རཱ་དམག་གིས་ཆེད་དུ་སྒྲི་རོན་འདི་དག་བཏང་བ་ཡིན་ནམ་ཞེས་པ་དེ་རེད། སྤྱིར་ཕོ་ལན་ཀྲི་དང་ཡུ་ཁུ་རན་གཉིས་ཁྱིམ་མཚེས་ཡིན་པས། སྐབས་རེར་རཱ་དམག་གིས་ཡུ་ཁུ་རན་ལ་ཚུར་རྒོལ་དྲག་པོའི་སྐབས། སྒྲི་རོན་རེ་ཟུང་ཕོ་ལན་ཀྲི་དང་རོ་མ་ནི་ཡ་སོགས་ཀྱི་མངའ་ཁོངས་སུ་འཛུལ་བའི་གནས་ཚུལ་སྔར་ཡང་བྱུང་ཟིན། ཡིན་ན་ཡང་། ཐེངས་འདིར་སྒྲི་རོན་ 19 ཕོ་ལན་ཀྲིའི་མཁའ་དབྱིངས་སུ་འཛུལ་ཟིན་པས།...

ཕྱི་ལོ་ ༢༠༢༥/༩/༡༦ གཟའ་མིག་དམར། . ཁ་སང་གཟའ་ཟླ་བའི་ཉིན་ཨ་རིའི་ནོར་སྲིད་དྲུང་ཆེ། སི་ཀོ་ཀྲིས་འགོ་འཁྲིད་པའི་ཨ་རིའི་སྐུ་ཚབ་དང་། རྒྱ་ནག་གི་ཚོང་དོན་སྐུ་ཚབ་གཉིས་སི་པན་གྱི་རྒྱལ་ས་མཱ་རྡི་རེ་རྡིར་འཛོམས། དེའི་རྗེས་སུ་ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུས། ཡུ་རོབ་ཏུ་ཨ་རི་དང་རྒྱ་ནག་གི་སྐུ་ཚབ་ལྷན་དུ་འཛོམས་པ་དེ་ཧ་ཅང་ཡག་པོ་བྱུང་སོང་། ཚོགས་འདུའི་གྲུབ་དོན་མགྱོགས་པོར་བཟོ་རྒྱུ་རེད། ང་ཚོའི་རྒྱལ་ཁབ་ཀྱི་ན་གཞོན་ཚོར་འདོད་པ་ཆེན་པོ་ཡོད་པའི་ཁེ་གཉེར་ཞིག་གི་ཐད་གྲོས་མཐུན་བྱུང་ཡོད། ཁོ་ཚོ་ཧ་ཅང་དགའ་ངེས་ཡིན། གཟའ་པ་སངས་ཉིན་ངས་སྲིད་འཛིན་ཞེ་ཅེན་ཕིན་དང་ལྷན་སྐད་ཆ་བཤད་རྒྱུ་ཡིན་ལ། འབྲེལ་བ་ཧ་ཅང་བརྟན་པོ་ཡིན་ཞེས་བྲིས། ཁོས། ཞེ་ཅེན་ཕིན་དང་ཁོ་སྒེར་བར་གྱི་འབྲེལ་བ་ཟེར་གྱི་ཡོད་དམ། ཡང་ན་ཨ་རི་དང་རྒྱ་ནག་བར་གྱི་འབྲེལ་བར་བཤད་ཀྱི་ཡོད་གསལ་བོར་མ་བཟོས། •. དེ་བཞིན་ཁོས་"ང་ཚོའི་རྒྱལ་ཁབ་ཀྱི་ན་གཞོན་ཚོར་འདོད་པ་ཆེན་པོ་ཡོད་པའི་ཁེ་གཉེར་"ཞེས་བཤད་པའི་དོན་ནི། རྒྱ་ནག་གི་བརྙན་བཟོ་མ་ལག་ཀྲིག་ཀྲོག་(Tiktok)ལ་ཤོད་བཞིན་པ་གསར་ཁང་དག་གིས་ཚོད་དཔག་བྱེད། སྒྲོ་ནལ་ཁྲི་རམ་ཕུ་དང་ཨ་རིའི་ནོར་སྲིད་དྲུང་ཆེ་གཉིས་ལྟར་ན། རྒྱ་ནག་གིས་ཀྲིག་ཀྲོག་དེ་ཨ་རིའི་ཁེ་གཉེར་ཞིག་ལ་འཚོང་རྒྱུར་ཁས་བླངས་སོང་ལ། གྲོས་མཐུན་འདིའི་སྒྲོམ་གཞི་བཟོས་ཟིན་ཅེས་བཤད། དེའི་དོན་ཅི་ཞིག་ཡིན་པ་ཁ་གསལ་མ་བཟོས་ཀྱང་། རྒྱ་ནག་གིས་ཨ་རིར། མཉེན་ཆས་འདིའི་ཁྱད་ཆས་གཙོ་བོ་དག་མུ་མཐུད་དུ་མཉར་དགོས་པ་དང་།...

  •. ད་ལོའི་ཕྱི་ཟླ་ 8 ནང་གི་རྒྱ་ནག་གི་དཔལ་འབྱོར་སྙན་ཐོ་དེ་བདུན་ཕྲག་འདིའི་ནང་ཕྱིར་ཐོན། ཕྱི་ཟླ་ 8 ནང་རྒྱ་ནག་གི་བཟོ་གྲྭ་དག་གི་ཐོན་སྐྲུན་གྱི་ཚད་གཞི་དེ་བརྒྱ་ཆ་ 5.7% ཡར་འཕར་རྒྱུ་ཡིན་པ་སྔོན་དཔག་བྱས་ཡོད་ཀྱང་། སྙན་ཐོ་འདི་ལྟར་ན་ཕྱི་ཟླ་ 8 ནང་བརྒྱ་ཆ་ 5.2% ལས་ཡར་འཕར་མ་ཐུབ་པ་དང་། འདི་ནི་ལོ་སྔོན་མའི་ཕྱི་ཟླ་ 8 ནས་ཟླ་རེའི་བཟོ་གྲྭའི་ཐོན་སྐྲུན་ཚད་དམའ་ཤོས་སུ་གྱུར། དེ་བཞིན་ད་ལོའི་ཕྱི་ཟླ་ 8 ནང་འཛད་སྤྱོད་པ་ཚོས་ཁྲོམ་རར་བཏང་བའི་དངུལ་གྱི་ཚད་གཞི་དེ་བརྒྱ་ཆ་ 3.4% ལས་ཡར་འཕར་མ་ཐུབ་ཅིང་། འདི་ནི་ལོ་སྔོན་མའི་ཕྱི་ཟླ་ 11...

•. རཱ་དམག་གིས། ཡུ་ཁུ་རན་གྱི་ཁར་ཁེ་ཝུ་མངའ་སྡེའི་གྲོང་གསེབ་ཅིག་འཕྲོག་ཟིན་པ་བསྒྲགས། དེ་བཞིན་རཱ་དམག་གིས། ཡུ་ཁུ་རན་གྱི་སྒྲི་རོན་བཟོ་གྲྭ་ཞིག་དང་། རླངས་རྫས་བསྟི་གནས་ཤིག་ལ་གཏོར་རྒོལ་བྱས་ཟིན་པ་བཤད། དེ་བཞིན་ཡུ་ཁུ་རན་གྱི་ཁར་ཁེ་ཝུ་གྲོང་ཁྱེར་ལ་གཏོར་རྒོལ་གྱིས་གྲོང་ཁྱེར་ཡོངས་སུ་་གློག་བཅད། འདི་ནི་ཡུ་ཁུ་རན་གྱི་གྲོང་ཁྱེར་ཆེ་ཤོས་གཉིས་པ་དེ་ཡིན་པ་གསལ། •. ཡུ་དམག་གིས་མདང་དགོང་སླར་ཡང་། རཱ་ཤི་ཡའི་བྷེལ་གྷོ་རོ་ཀྲི་གྲོང་ཁྱེར་གྱི་གློག་ཁང་ལ་གཏོར་རྒོལ་གྱིས། གྲོང་ཁྱེར་གྱི་བརྒྱ་ཆ་ཕལ་ཆེ་བའི་གློག་བཅད། གཞན་ཡང་ཡུ་དམག་གིས། འདས་པའི་ཆུ་ཚོད་ 24 ནང་རཱ་དམག་གི་གནམ་སྲུང་མ་ལག་ S-400 གྲངས་ 2 ཀྱི་སྟེང་གཏོར་རྒོལ་བྱས་ཟིན་པ་བཤད། ཁ་སང་ཡུ་དམག་གིས། ཁི་རཱ་མེ་ཡ་གླིང་ཕྲན་སྟེང་གི་རྡོ་སྣུམ་མཛོད་ཁང་ཞིག་ལ་གཏོར་རྒོལ་བྱས་ཤིང་། ད་དུང་ཡང་མེ་འབར་བཞིན་པ་དང་། རྡོ་སྣུམ་ལྕགས་ཟོ་གཞན་གྱི་སྟེང་མེ་ལྕེ་མཆེད་བཞིན་པའི་གནས་ཚུལ་ཐོན།  ཡུ་རོབ་དང་རཱ་ཡུའི་དམག་འཁྲུག •. རཱ་དམག་གིས།...

དེ་རིང་གློ་བུར་དུ་ཧྥ་རན་སིའི་སྲིད་བློན་གསར་བ་སེ་བྷ་སི་ཀྲེན་(Sébastien Lecornu)གྱིས་དགོངས་པ་ཞུས། ཞོགས་པར་ཁོས་སྲིད་འཛིན་མ་ཁི་རོན་དང་ལྷན་ཐུག་རྗེས་གནས་ཚུལ་འདི་ཕྱིར་བསྒྲགས། ཁོས་ལས་འགན་འཁུར་ནས་ཉིན་ 26 ལས་འགྲོ་བཞིན་མེད་པ་དང་། རང་གི་བློ་ཆེན་ལྷན་ཚོགས་གསར་བའི་གྲུབ་ཆ་ཕྱིར་བསྒྲགས་ནས་ཉིན་ 1 མ་ཟིན་ཙམ་གྱི་རྗེས་སུ་གནས་ཚུལ་འདི་བྱུང་། འདི་ནི་འདས་པའི་ལོ་ངོ་ 5 ཡི་ནང་། ཧྥ་རན་སིའི་སྲིད་བློན་དགོངས་པ་ཞུས་པ་ཐེངས་ལྔ་བ་དེ་གྱུར། ཁོས་རང་གི་བློན་ཆེན་དག་གི་མིང་ཕྱིར་བཏོན་པ་དང་། ཕྱོགས་མང་པོ་ནས་སྐྱོན་བརྗོད་བྱས་འགོ་བཙུགས་ཤིང་། སྐྱོན་བརྗོད་བྱེད་མཁན་ཚོས། དེ་ནི་འདིའི་སྔོན་དུ་ཕྱིར་བསྡུ་བྱས་ཟིན་པའི་གཞུང་རྙིང་པ་དང་ཁྱད་པར་མི་འདུག་ཅེས་བཤད། ད་ལྟ་ཆབ་སྲིད་ཚོགས་པ་གཞན་དག་གིས། འོས་བསྡུ་གསར་བ་མགྱོགས་པོར་བྱ་དགོས་པ་སྒྲོག་བཞིན་པ་དང་། འགའ་ཤས་ཀྱིས་སྲིད་འཛིན་མཱ་ཁི་རོན་གྱིས་དགོངས་པ་ཞུ་དགོས་པ་བསྒྲགས། ཕྱི་ལོ་ 2027 བར་མཱ་ཁི་རོན་གྱི་དུས་ཡུན་རྫོགས་རྒྱུ་མིན་པས། ཁོས་དེའི་བར་དུ་སྲིད་སྟེགས་ནས་འབབ་རྒྱུ་མིན་ཞེས་ཤོད་བཞིན་པ་གསལ། ད་ལོའི་ཕྱི་ཟླ་ 7...

བདུན་ཕྲག་སྔོན་མ་ནས་བལ་ཡུལ་དུ་ཆར་བ་ཤུགས་ཆེན་བབས་ཤིང་། ས་རུད་དང་ཆུ་ལོག་གི་རྐྱེན་པས། བདུན་ཕྲག་སྔོན་མའི་གཟའ་པ་སངས་ཉིན་ནས་མི་ 47 རྐྱེན་འདས་སུ་ཕྱིན་ཟིན་པའི་གནས་ཚུལ་ཐོན། དེ་བཞིན་ཧི་མ་ལའི་ཤར་རྒྱུད་བོད་ཕྱོགས་སུ། རྒྱུན་ལྡན་མ་ཡིན་པའི་ཁ་ཆར་བབས་རྐྱེན། བོད་ཕྱོགས་ཀྱི་ཇོ་མོ་གླང་མའི་ཤར་རྒྱུད་དུ་རི་འཛེག་མཁན་སོགས།མི་ 200 ལས་མང་བ་ཕྱི་ལ་མ་ཐར་བར་ཀརྨ་ཞེས་པའི་ལུང་གཤོངས་སུ་ལྷག་ཡོད་པའི་གནས་ཚུལ་ཐོན།

•. ཁ་སང་རཱ་དམག་གིས། ཡུ་ཁུ་རན་གྱི་ཁར་ཁེ་ཝུ་དང་པོལ་ཏ་ཝ་མངའ་སྡེ་བཅས་ལ། འཕུར་མདའ་འདྲ་མིན་གྲངས་ 35 དང་སྒྲི་རོན་ 60 བཏང་ནས་གཏོར་རྒོལ་བྱས་ཤིང་། དེའི་ཁྲོད་རླངས་རྫས་བསྟི་གནས་ཤིག་ལ་གཏོར་རྒོལ་ཐེབས། མདང་དགོང་ནས་དེ་རིང་ཞོགས་པ་བར་རཱ་དམག་གིས། སྒྲི་རོན་ 109 དང་ཨི་སི་ཀན་ཀྲར་འཕུར་མདའ་ 3 བཅས་འཕངས་ཟིན་པ་དང་། འདི་དག་ལས་སྒྲི་རོན་ 73 ཡུ་དམག་གིས་བཀག་ཟིན་ནའང་། སྒྲི་རོན་ 36 དང་འཕུར་མདའ་ 3 གྱིས་དམིགས་འབེན་ 21...