བྱང་ཨ་རི། 

ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུས། གལ་སྲིད་ཁེ་ན་ཀྲས་རྒྱ་ནག་དང་ལྷན་ཚོང་འབྲེལ་གྲོས་མཐུན་བཞག་ཚེ། ཨ་རིའི་རྒྱལ་ནང་དུ་ཡོང་བཞིན་པའི་ཁེ་ན་ཀྲའི་ཚོང་ཟོག་སྟེང་སྒོ་ཁྲལ་བརྒྱ་ཆ་ 100% དགལ་རྒྱུ་ཡིན་པ་བསྒྲགས།

ལྕམ་མཱ་ཅ་རྡོ་ཁ་སང་ཨ་རིའི་རྒྱལ་ས་ཝ་ཤིན་ཀྲོན་དུ་སླེབས་ཤིང་། སྲིད་འཛིན་སྒྲོ་ནལ་ཁྲི་རམ་ཕུ་དང་ལྷན་ཐུག མོས་རང་གི་ནོ་སྦེལ་ཞི་བདེ་གཟེངས་རྟགས་དེ། སྒྲོ་ནལ་ཁྲི་རམ་ཕུ་ལ་སྤྲད་ཅིང་ཁོས་ཀྱང་དེ་བླངས།

ཨ་རིའི་གྲོས་ཚོགས་གོང་འོག་གཉིས་ཀྱི་གཞུང་གྲོན་སྟངས་འཛིན་ཚོགས་ཆུང་གིས། ཨ་རིའི་རྒྱལ་སྤྱིའི་གསར་འགྱུར་(USAGM)ལ་འགྲོ་གྲོན་ཨ་སྒོར་ས་ཡ་ $653 ཟུར་འཇོག་བྱ་རྒྱུ་ཐག་བཅད་ཟིན་པ་བཤད།

འབྱོར་ལྡན་ཚོ་ཨ་རིའི་རྒྱལ་ནང་ལ་ཡོང་ཆེད་དང་ཨ་རིའི་རྒྱལ་ནང་དུ་འདུག་ཆོག་པ། མཐར་མི་སེར་ཆོག་ཐུབ་པའི་ཐོངས་མཆན་གསར་བ་ཞིག་ཕྱིར་བཏོན། ཐོངས་མཆན་འདིའི་མིང་ལ་ཁྲི་རམ་ཕུའི་གསེར་གྱི་བྱང་བུ་ཞེས་འབོད།

བདུན་ཕྲག་འདིའི་ནང་ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུ་སྲིད་གཞུང་གིས། ཨ་རིའི་རྒྱལ་སྲུང་ཐབས་བྱུས་གསར་བ་ཤོག་གྲངས་ 33 ཅན་ཞིག་ཕྱིར་བཏོན།

ལྕམ་ཁི་རེ་སི་ཀྲེ་ནོམ་གྱིས། ང་དང་སྲིད་འཛིན་ཐུག་པ་ཡིན། མི་གསོད་ལག་དམར་དང་། ཚུར་བླངས་ནས་ཕར་གང་ཡང་མི་སྤྲོད་མཁན། ཉལ་ཐར་ངན་གོམས་སུ་ཕྱིན་པའི་མི་དག་ང་ཚོའི་རྒྱལ་ནང་དུ་བླུག་ནས་ཡོང་སའི་རྒྱལ་ཁབ་དག་ནས། ཨ་རིའི་རྒྱལ་ནང་ལ་མི་ཡོང་རྒྱུ་ཡོངས་སུ་འགོག་རྒྱུའི་བསམ་ཚུལ་བཏོན་ཟིན།

ལོ་སྔོན་མའི་ཨ་རིའི་སྲིད་འཛིན་འོས་བསྡུའི་སྐབས་ནས་བཟུང་།འབྱོར་ལྡན་ཨེ་ལོན་མ་སི་ཁི་མདུན་ལ་ཐོན་ཅིང་། སྐབས་དེའི་སྲིད་འཛིན་འོས་མི་སྒྲོ་ནལ་ཁྲི་རམ་ཕུ་ལ་རྒྱབ་སྐྱོར་ཤུགས་ཆེན་བྱས་ཤིང་།དེའི་རྗེས་སུ་མཇར་མན་གྱི་རྙིང་ཞེན་ཆབ་སྲིད་ཚོགས་པ་(AFD)ལ་རྒྱབ་སྐྱོར། གཞན་ཡང་དབྱིན་ཇིའི་ཆབ་སྲིད་ཁྲོད་ཀྱང་འཛུལ།

ཨ་རིའི་སྐྱབས་བཅོལ་དང་གནས་སྤོ་དང་འབྲེལ་བའི་ལས་ཁུངས་(USCIS)ཀྱིས། གནས་སྤོ་(སྐྱབས་བཅོལ།)དང་འབྲེལ་བའི་ལས་གཞི་ཚང་མ་རེ་ཞིག་མཚམས་འཇོག་རྒྱུ་ཡིན་པ་བསྒྲགས། ལས་ཁུངས་འདིས། ཨ་རིའི་རྒྱལ་ནང་དུ་འཛུལ་བའི་གནས་སྤོ་བ་ཚང་མར་ཞིབ་འཇུག་ཆ་ཚང་བྱས་རྗེས་མ་གཏོགས། ལས་གཞི་འདི་བསྐྱར་གསོ་བྱ་རྒྱུ་མིན། ཨ་རིའི་མི་དམངས་ཀྱི་བདེ་འཇགས་ནི་དང་པོ་རེད་ཅེས་བསྒྲགས།

ཨ་རིས་ཝེ་ནེ་ཛོ་ལ་རྒྱལ་ཁབ་ལ་རྒོལ་བའི་དམག་དོན་བྱ་འགུལ་རིམ་པ་གསར་བ་ཞིག་ཡོང་རྒྱུའི་ཉི་མ་དག་གི་ནང་འགོ་གཟུག་རྒྱུ་ཡིན་པ། བདུན་ཕྲག་སྔོན་མར་རོའུ་ཀྲར་གསར་ཤོག་གིས་ཨ་རིའི་ལས་བྱེད་ཅིག་གི་སྐད་ཆ་ལུང་འདྲེན་གྱིས་གནས་ཚུལ་བཀོད།

གལ་སྲིད་ཡིག་ཆ་འདིའི་ནང་དུ། རྒྱལ་སྲུང་ལ་གནོད་པའི་གནས་ཚུལ་ཡོད་ཚེ་དེ་དག་ཕྱིར་འཐེན་རྒྱུའི་དབང་ཆ་དེ། ཁྲིམས་ལུགས་ལྟ་ཞིབ་དང་ལག་བསྟར་ལྷན་ཁང་གི་དབུ་ཁྲིད། ལྕམ་ཕམ་ བྷོན་སྒྲེ་(Pam Bondi)ཡོད་པ་བཤད།