བཅོས་མའི་རིག་པ།

གྷུ་གྷལ་ཁེ་གཉེར་གྱི་སྤྱི་ཁྱབ། སུན་ཀྲར་པེ་ཆའེ་(Sundar Pichai)ལ་ཆེད་དུ་བཅར་འདྲི་ཞིག་བྱས། ཁོས། གལ་སྲིད་བཅོས་མའི་རིག་པའི་སྦུ་བ་འདི་འཐོར་ཚེ། ཁེ་གཉེར་ཚང་མར་ཤུགས་རྐྱེན་ཐེབས་རྒྱུ་རེད་ཅེས་བཤད།

ཉེ་དུས་ནས་རྒྱལ་སྤྱིའི་དཔལ་འབྱོར་ཁྲོད་ཉེན་ཁ་གསར་བ་ཞིག་འབྱུང་བཞིན་པའི་སྐད་ཆ་མང་དུ་ཕྱིན་ཅིང་། ད་ལྟ་སྐད་ཆ་འདིས་ཁྲོམ་ར་དངོས་ལ་ཤུགས་རྐྱེན་ཐེབས་རྒྱུའི་འགོ་བཙུགས། དེ་ནི་{བཅོས་མའི་རིག་པའི་ལྦུ་བ་}ཞེས་པ་དེ་རེད།

ཕྱི་ལོ་ ༢༠༢༥/༨/༨ གཟའ་པ་སངས། . ཨ་རིའི་བཅོས་མའི་རིག་པ་དང་འབྲེལ་བའི་ཁེ་གཉེར་དང་། ཞིབ་འཇུག་སྡེ་ཁག་ཆེན་པོ་ཨོ་པན་ཨེ་ཨའེ་(OpenAI)ཡིས། སྐད་ཆའི་མ་ལག་དང་ཉེན་ཆས་ ChatGPT ཐོན་རིམ་ལྔ་བ་དེ་ཕྱིར་བཏོན་ཅིང་། མགྱོགས་པོར་བེད་སྤྱོད་བྱེད་མཁན་ས་ཡ་ 700 ཡི་ལག་ཏུ་འབྱོར་རྒྱུ་ཡིན་པ་ཁ་སང་བསྒྲགས། འདིའི་དབུ་འཛིན་སེམ་ ཨལ་ཀྲི་མན་གྱིས། མཉེན་ཆས་འདི་ལ་སྐད་ཆ་དྲིས་པ་ནི། དོན་དངོས་ཀྱི་འབུམ་རམས་པ་ཞིག་ལ་སྐད་ཆ་འདྲི་བཞིན་པ་ལྟ་བུ་ཞིག་ཡིན་པ་ཚོར་སོང་ཞེས་བཤད།གཞན་ཡང་ཁོས། ཡིན་ན་ཡང་། ཐོན་རིམ་ལྔ་བ་(GPT-5)འདིས་ད་དུང་འགྲོ་བ་མིའི་ཚབ་ཆ་ཚང་བྱེད་ཐུབ་ཀྱི་མེད་པ་དང་། མ་ལག་རང་ངོས་ལ་སློབ་སྦྱོང་བྱེད་རྒྱུའི་ནུས་པ་མེད་པ་བཤད། •. དེའི་དོན་ནི་བཅོས་མའི་རིག་པའི་མཉེན་ཆས་འདིས། དྲྭ་ལམ་དུ་བཞག་ཟིན་པའི་གསར་འགྱུར་དང་། དཔེ་དེབ། དྲྭ་ཚུགས་སོགས་ནས་གནས་ཚུལ་གང་ཡོད་བསྡུ་རུབ་ཀྱིས། དྲི་བར་ལན་འདེབས་ཐུབ་པ་ལས་དེ་ལས་ཕར་བརྒལ་ནས་རང་ངོས་ནས་གནས་ཚུལ་གསར་བ་སྦྱོང་བ་དང་། གསར་སྐྲུན་བྱེད་མི་ཐུབ་ཅེས་པ་དེ་རེད། ཡིན་ན་ཡང་།...