ཨ་མེ་རི་ཀ

སོ་ཐེ་ཨ་རབ་བྷེ་ཡའི་རྒྱལ་སྲས་ཀྱིས། འབྱུང་འགྱུར་རྒྱལ་ཁབ་འདིས་བཅོས་མའི་རིག་པ་དང་འཕྲུལ་རིགས་སོགས་དང་འབྲེལ། ཨ་རིའི་རྒྱལ་ནང་ལ་ཨ་སྒོར་ཁྲག་ཁྲིག་ཆེན་མོ་ $1 མ་ཟིན་ཙམ་གྱི་མ་རྐང་འཇོག་རྒྱུ་ཡིན་པ་བཤད།

གྲོས་འཐུས་བུད་མེད་ཀྲེ་ལོར་གྷི་རེ་ནེ་(Taylor Greene)ཡིས། ད་ལྟ་བར་ངས་སྲིད་འཛིན་སྒྲོ་ནལ་ཁྲི་རམ་ཕུ་ལ་རྒྱབ་སྐྱོར་བྱས་པ་ཡིན། ཡིན་ན་ཡང་། ད་ལྟ་ཡིག་ཆ་ཚང་མ་ཕྱིར་འདོན་དགོས་པའི་ཐད་ནས་ངའི་ལངས་ཕྱོགས་ལ་འགྱུར་བ་མེད་ཅེས་བཤད། སྒྲོ་ནལ་ཁྲི་རམ་ཕུས་མོ་ལ། རྒྱལ་ཁབ་ལ་ངོ་ལོག་མཁན་གྱི་མིང་འཆལ་བཏགས། 

ཨ་རིའི་རྒྱལ་སྲིད་ལྷན་ཁང་གིས། ཝེ་ནེ་ཛོ་ལ་རྒྱལ་ཁབ་ཀྱི་ཆེས་མཐོའི་ལས་བྱེད་དང་། དམག་དཔོན་བཅས་ཚུད་ཡོད་པར་བཤད་པའི་ནགས་ཚོགས་མ་ལག་(Cartel de los Soles)ཞེས་པ། ཕྱི་རྒྱལ་གྱི་དྲག་སྤྱོད་སྒྲིག་འཛུགས་ཀྱི་མིང་ཐོའི་ནང་འཇུག་རྒྱུ་ཡིན་པ་བསྒྲགས།

སྒྲོ་ནལ་ཁྲི་རམ་ཕུས། ང་རང་ཨེབ་སི་ཀྲེན་གྱི་གླིང་ཕྲན་སྟེང་གཅིག་ཀྱང་འགྲོ་མ་མྱོང་། ཁི་ལེན་ཀྲོན་ཐེངས་ 28 ལ་ཕྱིན་པ་རེད་ཅེས། སྲིད་འཛིན་ཟུར་བ་ཁི་ལེན་ཀྲོན་ལ་ཞིབ་འཇུག་བྱ་དགོས་པ་བཤད།

ཨ་རིའི་དམག་འཁྲུག་ལྷན་ཁང་གི་དྲུང་ཆེ་ཕེ་ཀྲི་ཧག་སེ་ཐི་ཡིས། ཨ་རིའི་དམག་དཔུང་གིས་{ལྷོ་ཡི་མདུང་བྱ་འགུལ་}ཞེས་པ་སྤེལ་རྒྱུ་ཡོངས་སུ་བསྒྲགས་ཤིང་། འདིའི་དམིགས་འབེན་ནི་ནག་ཚོགས་དང་དྲག་སྤྱོད་པ་ཡིན་པ་དང་། ཨ་རིའི་མི་སེར་མང་པོ་གསོད་མཁན་གྱི་ཉལ་ཐ་འདྲེན་སའི་ལམ་ཀ་གཅོད་ཆེད་ཡིན་པ་བཤད།

འདས་པའི་ཉིན་ 43 རིང་ཨ་རིའི་གཞུང་སྒོ་བརྒྱབས་ཤིང་། ཁ་སང་གྲོས་ཚོགས་འོག་མར་འོས་བསྡུ་བརྒྱུད། ལོ་རྗེས་མའི་ཕྱི་ཟླ་ 1 ཚེས་ 30 བར་གཞུང་བསྐྱར་དུ་སྒོ་འབྱེད་རྒྱུ་བྱས།

ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུའི་བཀའ་ལྟར། འཐབ་འཛིང་གནམ་གྲུ་འཁྱེར་བའི་ཨ་རིའི་གྲུ་གཟིངས་ཆེན་མོ་(USS Gerald R Ford)ཞེས་པ། ཟླ་བ་སྔོན་མ་ནས་ཡུ་རོབ་ཀྱི་ཐག་ཉེ་ནས་ལྷོ་ཨ་མེ་རི་ཀའི་ཕྱོགས་སུ་རྒྱང་བསྐྱོད་འགོ་བཙུགས་ཟིན་པ་ལྟར། ད་ལྟ་གྲུ་གཟིངས་ཆེན་མོ་འདི་ཝེ་ནེ་ཛོ་ལ་རྒྱལ་ཁབ་ཀྱི་ཐག་ཉེ་ཁཱ་རེ་བྷེ་ཡན་མཚོ་རྒྱུད་དུ་སླེབས།

ཨ་རིའི་ལྷན་ཁང་མང་པོ་སྒོ་བརྒྱབས་ནས་ཉིན་ 40 འགྲོ་བཞིན་པ་ལྟར། གཟའ་ཟླ་བའི་ཉིན། རྒྱལ་ནང་དུ་འཕུར་མཁན་གནམ་གྲུ་གྲངས་ 2,400 འཕུར་རྒྱུ་ཕྱིར་འཐེན་དང་། གནམ་གྲུ་གྲངས་ 9,000 འཕུར་རྒྱུའི་དུས་ཚོད་ཕར་བསྒྱངས་ཟིན་པའི་གནས་ཚུལ་ཐོན།

ཨ་རིའི་གྲོས་ཚོགས་འོག་མའི་འཐུས་མི་དང་ཚོགས་གཙོ་ཟུར་བ། ལྕམ་ནན་སེ་པེ་ལོ་སི་ཡིས། ལོ་རྗེས་མའི་གྲོས་ཚོགས་འོས་བསྡུའི་ཁྲོད་བསྐྱར་དུ་ཞུགས་རྒྱུ་མིན་པ་བསྒྲགས། དེ་ལྟར་ན་འདས་པའི་ལོ་ངོ་མང་པོའི་རིང་གི་མོའི་གྲོས་ཚོགས་འཐུས་མིའི་ལས་ཀ་དེ་མཇུག་བསྡུས་ཟིན་པ་ཡིན།

ཨ་རིའི་གཞུང་གིས། ལོ་རྗེས་མར་རྒྱལ་ནང་དུ་ཁྲིམས་མཐུན་སྐྱབས་བཅོལ་བ་ལེན་རྒྱུའི་གྲངས་དེ་ 7,500 བར་བསྙུང་རྒྱུ་དང་། གྲངས་ཀ་དེའང་གཙོ་བོ་ལྷོ་ཨ་ཧྥེ་རི་ཀའི་མི་དཀར་དག་ལ་གཙོས། གནོད་འཚེ་འཕོག་ཡུལ་གྱི་ས་ཆ་དག་ནས་ལེན་རྒྱུ་ཡིན་པ་བཤད།