ཧྥ་རན་སིའི་སྲིད་འཛིན་མཱ་ཁི་རོན་གྱིས། ཡུ་རོབ་ཀྱིས་ཨ་རི་དང་རྒྱ་ནག་ལ་བརྟེན་མི་དགོས་པར། རང་ཚུགས་ཐུབ་པ་བཟོ་དགོས་པའི་དུས་ཚོད་ཀྱི་འགྱུར་མཚམས་གལ་ཆེན་ཞིག་ཏུ་སླེབས་བཞིན་པ་བཤད།

བདུན་ཕྲག་འདིའི་ནང་དུ་བཅོས་མའི་རིག་པ་དང་འབྲེལ་བའི་ལས་བྱེད་ 2 ཀྱིས་ལས་ཀ་ནས་དགོངས་པ་ཞུས་ཤིང་། བཅོས་མའི་རིག་པ་དང་འབྲེལ་བའི་ཉེན་ཁ་ཆེ་རུ་འགྲོ་བཞིན་པས་ཡིན་པ་བཤད།

དེ་རིང་ཚེས་ 13 ཉིན་དབུས་འོས་བསྡུ་ལྷན་ཁང་གིས། སྔོན་འགྲོའི་འོས་བསྡུའི་གྲུབ་འབྲས་ཕྱིར་བསྒྲགས་པ་ལྟར་ན། ལས་ཐོག་སྲིད་སྐྱོང་སྤེན་པ་ཚེ་རིང་ལ་འོས་གྲངས་བརྒྱ་ཆ་ 61.024% ཐོབ་ཅིང་། སྲིད་སྐྱོང་གི་དངོས་གཞི་འོས་བསྡུ་བརྒྱུད་མ་དགོས་པར་གྱུར།

ཨ་རིའི་གྲོས་ཚོགས་ཀྱི་ཆོག་མཆན་སྤྲད་ཟིན་པའི་ཕྱི་རྒྱལ་རོགས་དངུལ་ཁྲོད། བོད་དང་འབྲེལ་བའི་རོགས་དངུལ་ཁྱོན་ཨ་སྒོར་ས་ཡ་ $23 སྤྲད་རྒྱུ་ཆོག་མཆན་སྤྲད།

ཁ་སང་ཀོ་ལིམ་བྷེ་ཡའི་སྲིད་འཛིན་གྷུ་སི་ཏ་ཝོ་ པེ་ཏི་རོ་(Gustavo Petro)ཨ་རིའི་རྒྱལ་ས་ཝ་ཤིན་ཀྲོན་དུ་སླེབས་ཤིང་། ཕོ་བྲང་དཀར་པོར་སྲིད་འཛིན་སྒྲོ་ནལ་ཁྲི་རམ་ཕུ་དང་ལྷན་ཐུག

སྤྱི་ཚོགས་དྲྭ་རྒྱའི་སྟེང་འཁོན་སེམས་ཀྱི་སྐད་ཆ་དང་། འཁྲིག་སྤྱོད་དང་འབྲེལ་བའི་བརྙན་པར་སོགས། བྱིས་པའི་སེམས་ཁམས་འཚར་ལོང་ལ་གནོད་པ་མང་པོ་ཁྱབ་བཞིན་པས། རྒྱལ་ནང་གི་བྱིས་པ་ལོ་ན་ 16 གྱི་འོག་ཅན་དག་ལ་སྤྱི་ཚོགས་དྲྭ་རྒྱ་འགོག་རྒྱུ་ཡིན་པ་བསྒྲགས།

ཨ་རིའི་འབྱོར་ལྡན་ཨེ་ལོན་མ་སི་ཁིའི་མཁའ་དབྱིངས་ཞིབ་འཇུག་བསྟི་གནས་ SpaceX དང་། བཅོས་མའི་རིག་པ་ཞིབ་འཇུག་ཁེ་གཉེར་ xAI གཉིས་ཟླ་བསྒྲིལ་རྗེས། ཨེ་ལོན་མ་སི་ཁི་སྒེར་གྱི་མ་ཤེར་རིན་ཐང་དེ། ཨ་སྒོར་ཐེར་འབུམ་ $800 ལས་བརྒལ།

ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུས་ཡི་གེ་ཞིག་སྤེལ་བའི་སྙིང་པོར། ཁོ་དང་རྒྱ་གར་གྱི་སྲིད་བློན་མོ་དྷི་གཉིས་ཁ་པར་བརྒྱུད་གྲོས་མོལ་བྱས་ཟིན་པ་དང་། རྒྱ་གར་གྱིས་རཱ་ཤི་ཡ་ནས་རྡོ་སྣུམ་ཉོ་མཚམས་འཇོག་རྒྱུ་དང་། ཨ་རི་དང་གཅིག་བྱས་ན་ཝེ་ནེ་ཛོ་ལ་ནས་རྡོ་སྣུམ་མང་བ་ཉོ་རྒྱུ་ཁས་བླངས་སོང་ཞེས་བཤད།

རྒྱ་ནག་གཞུང་འབྲེལ་གྱི་སྙན་ཐོ་བཏོན་པ་ལྟར་ན། ཕྱི་ལོ་ 2025 ལོའི་རྒྱ་ནག་གི་དཔལ་འབྱོར་ཡར་རྒྱས་ཀྱི་དམིགས་ཚད་དམ། བརྒྱ་ཆ་ 5% གྱུར་ཟིན་པ་བསྒྲགས། དཔལ་འབྱོར་ཡར་རྒྱས་ཀྱི་སྒུལ་ཤུགས་གཙོ་བོ་ནི། ཕྱི་རྒྱལ་ལ་ཚོང་ཟོག་ཕོན་ཆེན་བཙོང་གང་ཐུབ་བྱས་པ་ལས་བྱུང་།

ྋགོང་ས་མཆོག་ལ་རྒྱལ་སྤྱིའི་སྟེང་ཆེས་སྙན་གྲགས་ཆེ་བའི་སྒྲ་འཇུག་གྷི་རམ་མེ་(Grammy)ཡི་ངོས་འཛིན་གཟེངས་རྟགས་ཐོབ་ཟིན་པ་བསྒྲགས། རྒྱ་ནག་གཞུང་གིས་འདི་ལ་སྐྱོན་བརྗོད་དྲག་པོ་བྱས།

ཨ་རིའི་ནོར་སྲིད་དྲུང་ཆེ་སི་ཀོ་ཀྲི་ལ་གྲོས་ཚོགས་ཀྱིས་འདྲི་ཞིབ་སྐབས་སུ། ཁོས། ད་ལྟ་ཨེ་རན་གྱི་མཐོ་རིམ་མི་སྣ་ཚོས་རང་གི་དངུལ་སྒོར་ཕྱི་རྒྱལ་ལ་སྤོར་བཞིན་པ་ང་ཚོས་མཐོང་གི་འདུག་ཅེས་བཤད།

ས་གནས་ཀྱི་སྔ་དྲོའི་ཆུ་ཚོད་ 11:00 ཡས་མས་སུ། རྒྱ་གར་བྱང་ཤར་གྱི་མཱ་གྷ་ལ་ཡ་མངའ་སྡེར་གཏེར་ཁ་བསྔོག་ས་ཞིག་ཏུ་གས་འཐོར་ཞིག་བྱུང་བས། གཏེར་ཁ་སྔོག་མཁན་གྲངས་ 18 རྐྱེན་འདས་སུ་ཕྱིན་ཟིན་པའི་གནས་ཚུལ་ཐོན།