admin

ཨེ་ཛི་རལ་གྱི་སྲིད་བློན་ནེ་ཏན་ཡ་ཧུ་ཡིས། ཨེ་རན་གྱིས་རང་གི་ཉིང་རྡུལ་རྫས་སྦྱོར་དག་ཡོངས་སུ་མེད་པ་བཟོ་དགོས་ཞེས་བསྒྲགས། འདི་ནི་ཨེ་རན་གྱིས་ཁས་ལེན་མི་སྲིད་པས། སླར་ཡང་ཨེ་ཛི་རལ་དང་ཨེ་རན་གྱི་འབྲེལ་བ་ཉེན་ཁར་ཕྱོགས།

ཨེ་རན་གྱི་དངུལ་སྒོར་རིན་ཐང་མར་ཆག་ཅིང་། རྒྱལ་ནང་གི་ཚོང་ཟོག་གི་རིན་གོང་ཤུགས་ཆེན་ཡར་འཕར་བ་ལ་བརྟེན་ནས། རྒྱལ་ཡོངས་སུ་གཞི་རྒྱ་ཆེ་བའི་ངོ་རྒོལ་བྱུང་ཞིང་། གཞུང་གིས་ངོ་རྒོལ་བ་ཚོ་དང་གྲོས་མོལ་བྱ་འདོད་ཡོད་པ་བསྒྲགས།

ཞེ་ཅེན་ཕིན་གྱིས། རྒྱལ་སྤྱིའི་འགྲན་རྩོད་ཁྲོད་ཀྲུང་གོས། ཐབས་བྱུས་ཀྱི་དམིགས་ཡུལ་དག་འགྲུབ་ཆེད་ལག་བསྟར་གསར་བ་འགོ་གཟུག་དགོས་པ་བཤད། ཐེ་ཝན་དང་འབྲེལ་ཁོས། མཚོ་འགག་གཉིས་ཀྱི་མི་དམངས་རྣམས། ཕན་ཚུན་ཁྲག་གིས་སྦྲེལ་ཡོད་པ་དང་། མེས་རྒྱལ་གཅིག་གྱུར་བྱ་རྒྱུའི་ལམ་ཀ་སུས་ཀྱང་འགོག་མི་ཐུབ་ཅེས་བཤད།

ཐོན་མིའི་གཙུག་ལག་ཉིན་རེའི་རྒྱལ་སྤྱིའི་ངོས་ནས། ཕྱི་ལོ་གསར་བ་འཆར་ལ་ཉེ་བའི་མཚམས་འདིར། བོད་ཕྱི་ནང་གི་རྒྱ་ཆེ་ཀློག་པ་པོ་ཀུན་ལ་འཚམས་འཕྲིན་དང་བཅས། ལོ་འདིར་ངེས་ཅག་གི་ལས་དོན་དག་ལ་དངོས་ཤུགས་ནས་རྒྱབ་སྐྱོར་མཁན་གནང་མཁན། བོད་ཕྱི་ནང་གི་རིགས་མཐུན་ཡོངས་ལ་ཐུགས་རྗེ་ཆེ་ཞུ་བ་ལགས།

གསར་འགོད་པས་སྒྲོ་ནལ་ཁྲི་རམ་ཕུ་ལ་རྒྱ་ནག་གིས་ཐེ་ཝན་མཚོ་འགག་ཏུ་དམག་སྦྱོང་བྱེད་བཞིན་པའི་ཐད་སྐད་ཆ་དྲིས་པར། ཁོས། ཁོ་ཚོས་འདས་པའི་ལོ་ངོ་ 20 རིང་དམག་སྦྱོང་བྱེད་བསྡད་པ་རེད། ང་དང་སྲིད་འཛིན་ཞེ་ཅེན་ཕིན་བར་གྱི་འབྲེལ་བ་ཧ་ཅང་ཡག་པོ་ཡོད་པས་སྐྱོན་ཡོད་པ་མི་འདོད་ཅེས་བཤད།

རྒྱ་དཀར་ནག་གཉིས་ཀྱིས། ཕུ་ཀྲན་གྱི་སྡོད་གནས་ལ་གཏོར་རྒོལ་བྱས་ཡོད་མེད་ཐད་བློ་ཚབས་ཀྱི་རྣམ་འགྱུར་བསྟན་པ། 

ཁ་སང་ཡུ་ཁུ་རན་གྱི་སྲིད་འཛིན་ཛེ་ལན་སི་ཀེ་ཨ་རིར་འགྲོ་བའི་ལམ་ཀར། ཁེ་ན་ཀྲར་ཕྱིན་ཅིང་ཁེ་ན་ཀྲའི་སྲིད་བློན་མར་ཁི་ཀར་ནེ་དང་ལྷན་ཐུག་ཅིང་། ཁེ་ན་ཀྲའི་ངོས་ནས་ཡུ་ཁུ་རན་ལ་རོགས་སྐྱོར་ཨ་སྒོར་ཐེར་འབུམ་ $2.5 སྤྲད་རྒྱུ་ཡིན་པ་བསྒྲགས།