admin

ད་ལོའི་ཕྱི་ཟླ་ 11 ནང་རྒྱ་ནག་གི་བཟོ་གྲྭ་དག་གི་ཚོང་གི་ཁེ་བག་བརྒྱ་ཆ་ 13.1% མར་ཟག འདི་ནི་འདས་པའི་ལོ་ 1 གི་རིང་བཟོ་གྲྭའི་ཁེ་བག་མར་ཟག་པ་སྡུག་ཤོས་སུ་གྱུར་ཅིང་། ད་ལོའི་ཕྱི་ཟླ་ 10 ནང་ལའང་བརྒྱ་ཆ་ 5.5% མར་ཟག་ཅིང་། ཕྱི་ཟླ་ 11 ནང་དེ་ལས་མར་ཤུགས་ཆེན་ལྷུང་ཟིན་པ་གསལ་བོར་གྱུར།

ཀམ་བྷོ་ཀྲི་ཡ་དང་ཐེ་ལན་བར་རེ་ཞིག་མེ་མཚམས་འཇོག་རྒྱུ་ཡིན་པ་གྲོས་མཐུན། མེ་མཚམས་དེ་དེ་རིང་ཉིན་རྒྱབ་ནས་དངོས་སུ་ལག་བསྟར་འགོ་བཙུགས་ཟིན་པ་བསྒྲགས། མེ་མཚམས་འཇོག་རྒྱུ་ཁྱབ་བསྒྲགས་བྱས་རྗེས་ནས་ཕན་ཚུན་བར་གཏོར་རྒོལ་གྱི་གནས་ཚུལ་མ་བྱུང་བ་བཤད།

ཨེ་ཛི་རལ་གྱིས་ཨ་ཧྥེ་རི་ཀའི་སོ་མ་ལི་ལན་ཀྲི་དེ། རྒྱལ་ཁབ་ཅིག་ཡིན་པ་གཞུང་འབྲེལ་ངང་ངོས་འཛིན་བྱས་ཟིན་པ་བསྒྲགས། དེ་ལྟར་ན་ཨེ་ཛི་རལ་ནི་སོ་མ་ལི་ལན་ཀྲི་དེ་རྒྱལ་ཁབ་ཅིག་ཏུ་ངོས་འཛིན་མཁན་ཐོག་མ་དེ་གྱུར།

བདུན་ཕྲག་འདིའི་གཟའ་ཉི་མའི་ཉིན། ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུ་དང་། ཡུ་ཁུ་རན་གྱི་སྲིད་འཛིན་ཛེ་ལན་སི་ཀེ་གཉིས་ཨ་རིའི་ཧྥི་ལོ་ར་སྒྲ་མངའ་སྡེར་ཐུག་ཡིན་པའི་གནས་ཚུལ་ཐོན། ཛེ་ལན་སི་ཀེ་ཡིས། ལོ་སར་སྔོན་དུ་ལས་ཀ་ཆེན་པོ་ཞིག་འགྲུབ་ཐུབ་པའི་རེ་བ་ཡོད་ཅེས་བཤད།

དེ་རིང་ཐེ་ལན་དང་ཀམ་བྷོ་ཀྲི་ཡའི་བར་གྲོས་མོལ་དང་། དེའི་སྟེང་ཐེ་ལན་གྱི་བདེ་སྲུང་བློན་ཆེན་ཡང་ཞུགས་རྒྱུ་ཡིན་པའི་གནས་ཚུལ་ཐོན། དེ་ལྟར་ན་རྒྱལ་ཁབ་གཉིས་བར་རེ་ཞིག་མེ་མཚམས་འཇོག་ཐུབ་པའི་རེ་བ་ཆེ་བ་བཤད། 

ཀེམ་དང་ཁོའི་བུ་མོ་གཉིས་ཀྱིས། ད་ལྟ་བཟོ་སྐྲུན་གྱི་བརྒྱུད་རིམ་དུ་ཡོད་པ། བྱང་ཀོ་རེ་ཡའི་ཉིང་རྡུལ་གྱི་ནུས་པར་བརྟེན་པའི་མཚོ་འོག་གྲུ་གཟིངས་ལ་ལྟ་ཞིབ་བྱེད་བཞིན་པ་ཡིན་ཞེས་པར་སྐོར་ཞིག་ཀྱང་བཀྲམས།

ཡེ་ཤུ་འཁྲུངས་སྐར་དང་བསྟུན། ཨ་རིའི་མཁའ་དམག་གིས་ནཱ་རྗེ་རེ་ཡའི་ནུབ་བྱང་དུ་ཡོད་པའི་ཁ་ཆེ་དྲག་སྤྱོད་ཚོགས་པ་(ISIS)ཡི་སྟེང་གཏོར་རྒོལ་དྲག་པོ་བྱས་ཟིན་པ། སྲིད་འཛིན་སྒྲོ་ནལ་ཁྲི་རམ་ཕུས་བསྒྲགས།