admin

བདུན་ཕྲག་སྔོན་མའི་གཟའ་སྤེན་པའི་ཉིན། ལྷོ་ཨ་མེ་རི་ཀའི་ཝེ་ནེ་ཛོ་ལ་རྒྱལ་ཁབ་ཀྱི་ཐག་ཉེར་ཡོད་པའི་ཨ་རིའི་དམག་དཔུང་གིས། ཁཱ་རེ་བྷེ་ཡན་མཚོའི་ནང་དུ། ཝེ་ནེ་ཛོ་ལའི་རྡོ་སྣུམ་སྐྱེལ་མཁན་གྲུ་གཟིངས་ཤིག་བཟུང་།

རཱ་ཤི་ཡའི་རྒྱལ་ས་མོ་སི་ཁོར་རླངས་འཁོར་ཞིག་གས་འཐོར་ཁྲོད། རཱ་ཤི་ཡའི་ཆེས་མཐོའི་དམག་སྤྱི་ཧྥེ་ནེལ་ སཱར་ཝ་རོ་ཝི་ཞེས་པ་བསད། 

གཟའ་ཟླ་བའི་ཉིན་ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུས། དབྱིན་ཇིའི་སྦི་སྦི་སི་གསར་ཁང་ཁྲིམས་ལ་གཏུག་ཅིང་། ཁོ་ཁྲིམས་ཐོག་ནས་རྒྱལ་ཚེ། གུན་གསབ་ཨ་སྒོར་ཐེར་འབུམ་ $10 སྤྲོད་དགོས་པ་བཤད།

ངོ་དེབ་དང་ཨིན་སི་ཀྲ་གྷ་རམ། ཝ་ཚི་ཨབ་བཅས་ཀྱི་ཁེ་གཉེར་ཨ་མ་མེ་ཀྲ་(Meta)ལ། ཉེན་ཆས་འདི་དག་གི་སྟེང་སྤེལ་བའི་ཁྱབ་བསྒྲགས་ལས་ཐོབ་པའི་ཡོང་སྒོའི་བརྒྱ་ཆ་ངེས་ཅན་ཞིག་རྒྱ་ནག་ནས་ཡོང་བཞིན་པ་བཤད།

ཕྱི་ཟླ་ 10 ནང་རྒྱ་ནག་གི་བཟོ་གྲྭ་དག་གི་ཐོན་སྐྲུན་ཚད་དེ། བརྒྱ་ཆ་ 4.9% ལས་ཡར་འཕར་མ་ཐུབ་པ་ལ། ཕྱི་ཟླ་ 11 ནང་ཚད་གཞི་དེའང་བརྒྱ་ཆ་ 4.8% ལ་མར་ཟག་ཟིན་པའི་གནས་ཚུལ་ཐོན་ཅིང་། འདི་ནི་འདས་པའི་ཟླ་བ་ 15 རིང་ཐོན་སྐྲུན་ཡར་རྒྱས་ཚད་གཞི་དལ་ཤོས་དེ་གྱུར།

ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུས། ཝེ་ནེ་ཛོ་ལའི་མཐའ་ལ་མཚོ་དམག་གིས་ཡོངས་སུ་བསྐོར་ཟིན། ཁོ་ཚོས་སྔར་བརྐུས་ཟིན་པའི་ང་ཚོའི་རྡོ་སྣུམ་དང་ས་ཆ། རྒྱུ་རྫས་གཞན་དག་ཕྱིར་མ་བསློག་བར་དུ། ད་དུང་གནས་སྟངས་འདི་ཆེ་རུ་འགྲོ་རྒྱུ་རེད་ཅེས་བཤད།

ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུ་སྲིད་གཞུང་གིས། ཐེ་ཝན་ལ་ཨ་རིའི་གོ་ལག་ཨ་སྒོར་ཐེར་འབུམ་ $11.1 གི་རིན་ཐང་འཚོང་རྒྱུའི་ཆོག་མཆན་སྤྲད། འདི་ནི་ཨ་རིས་ཐེ་ཝན་ལ་གོ་ལག་འཚོང་བ་གཞི་རྒྱ་ཆེ་ཤོས་ཤིག་ཏུ་གྱུར།