admin

ད་ལྟ་བར་ཨིན་རྡུ་ནེ་ཤི་ཡར་མི་ 659 དང་། ཤི་རི་ལངྒར་མི་གྲངས་ 410 ། མཱ་ལེ་ཤི་ཡར་མི་ 3 བཅས་རྐྱེན་འདས་སུ་ཕྱིན། ཞིང་ས་དང་མི་སེར་གྱི་སྡོད་གནས་སོགས། རྒྱུ་དངོས་ལ་གཏོར་སྐྱོན་ཚབས་ཆེན་ཐེབས།

རྒྱ་གར་འབྲེལ་མཐུད་ལྷན་ཁང་གིས། རྒྱ་གར་གྱི་ལག་འཁྱེར་ཁ་པར་བཟོ་གྲྭ་དག་ལ། ཁ་པར་ཚང་མའི་ནང་དུ་དྲྭ་རྒྱུའི་བདེ་འཇགས་དང་འབྲེལ་བའི་ཉེན་ཆས། གཞུང་གིས་བཟོས་པ་ཞིག་ངེས་པར་དུ་འཇོག་དགོས་པའི་བཀའ་བཏང་། ཐག་གཅོད་འདི་བདུན་ཕྲག་སྔོན་མར་བྱས་ཟིན་པ་ལ། བདུན་ཕྲག་འདིའི་གཟའ་ཟླ་བའི་ཉིན་ཉེན་ཆས་འདི་ཅི་ཞིག་ཡིན་པའི་གནས་ཚུལ་ཞིབ་ཕྲ་ཕྱིར་བཀྲམས་ཤིང་། བཀའ་རྒྱ་འདི་འབྱུང་འགྱུར་ཉིན་ 90 ནང་ལག་བསྟར་ཡོངས་སུ་གྲུབ་དགོས་པ་བཤད། 

ཨ་རིའི་སྲིད་འཛིན་གཞོན་པ་རྗེ་སྒྲེ་ཝན་སི་ཡིས། ཨ་རིའི་རྒྱལ་ནང་དུ་ས་ཁང་གི་གོང་ཚད་འཕར་བ་འདི་ནི། བྷ་ཀྲན་སྲིད་གཞུང་གིས་ཕྱི་མི་ས་ཡ་ 20 ཨ་རིའི་རྒྱལ་ནང་དུ་བླུག་ཏུ་བཅུག་པ་ལས་བྱུང་བ་རེད་ཅེས་བཤད། དེ་དང་ལྷན་ཨ་རིའི་གྲོས་ཚོགས་གོང་མའི་འཐུས་མི་བྷར་ནེ་མོ་རེ་ནོ་(Bernie Moreno)ཞེས་པས། ཨ་རིའི་མི་སེར་ཞིག་ཡིན་ན་རྒྱལ་ཁབ་གཞན་གྱི་མི་སེར་ཐོབ་ཐང་མཉར་མི་ཆོག་པའི་ཁྲིམས་འཆར་ཞིག་གྲོས་ཚོགས་སུ་ཕུལ། ཁོ་ནི་སྒྲོ་ནལ་ཁྲི་རམ་ཕུའི་རྒྱབ་སྐྱོར་བ་ཞིག་ཡིན་པ་གསལ།

ད་ལོར་རཱ་ཤི་ཡ་དང་རྒྱ་གར་བར་གྱི་ཚོང་འབྲེལ་རིན་ཐང་དེ། ཨ་སྒོར་ཐེར་འབུམ་ $68.7 ལ་འབུད་རྒྱུ་དང་། ཕྱི་ལོ་ 2030 བར་རྒྱལ་ཁབ་གཉིས་ཀྱི་ཚོང་འབྲེལ་རིན་ཐང་དེ། ཨ་སྒོར་ཐེར་འབུམ་ $100 འབུད་ཐུབ་པའི་དམིགས་ཡུལ་ཡོད་པ་བཤད།

ཕུ་ཀྲན་གྱིས་རཱ་ཤི་ཡ་ལ་ཡུ་རོབ་དང་ལྷན་དམག་འཁྲུག་རྒྱག་འདོད་མེད། གལ་སྲིད་ཡུ་རོབ་ཀྱིས་གློ་བུར་དུ་དམག་འཁྲུག་རྒྱག་འདོད་ན། རཱ་ཤི་ཡའི་ངོས་ནས་ད་ལྟ་རང་ཡུ་རོབ་ལྷན་དམག་འཁྲུག་རྒྱག་རྒྱུའི་གྲ་སྒྲིག་ཡོད།

ལྕམ་ཁི་རེ་སི་ཀྲེ་ནོམ་གྱིས། ང་དང་སྲིད་འཛིན་ཐུག་པ་ཡིན། མི་གསོད་ལག་དམར་དང་། ཚུར་བླངས་ནས་ཕར་གང་ཡང་མི་སྤྲོད་མཁན། ཉལ་ཐར་ངན་གོམས་སུ་ཕྱིན་པའི་མི་དག་ང་ཚོའི་རྒྱལ་ནང་དུ་བླུག་ནས་ཡོང་སའི་རྒྱལ་ཁབ་དག་ནས། ཨ་རིའི་རྒྱལ་ནང་ལ་མི་ཡོང་རྒྱུ་ཡོངས་སུ་འགོག་རྒྱུའི་བསམ་ཚུལ་བཏོན་ཟིན།

ཧོང་ཀོང་གཞུང་གིས་དོན་རྐྱེན་འདི་ལ་ཞིབ་འཇུག་ཆེད། རང་དབང་ལྡན་པའི་ཚོགས་ཆུང་ཞིག་འཛུགས་རྒྱུའི་བཀའ་བཏང་། ཧོང་ཀོང་སྤྱི་ཁྱབ་ཀྱིས། ང་ཚོས་ནོར་འཁྲུལ་ངོས་འཛིན་གྱིས། མ་འོངས་པར་འདི་འདྲ་བསྐྱར་དུ་མི་འབྱུང་རྒྱུ་ཁག་ཐེག་བྱ་དགོས་པ་བཤད།