admin

དེ་རིང་སུད་སིར་སླེབས་པའི་ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུ་དང་། ཡུ་ཁུ་རན་གྱི་སྲིད་འཛིན་ཛེ་ལན་སི་ཀེ་གཉིས་ཐུག་ཅིང་། སྐད་ཆ་ཆི་ཞིག་བཤད་ཟིན་པའི་ནང་དོན་ཞིབ་ཕྲ་མི་གསལ།

ཧྥ་རན་སིས་དམག་མི་ 15 དང་། མཇར་མན་གྱིས་ 13 ། ནོར་ཝེ་ཡི་དམག་མི་ 2 དང་ནེ་རྡར་ལན་ཀྲི་ཡི་དམག་མི་1 ། དབྱིན་ཇིས་དམག་མི་ 1 བཅས་གྷི་རེན་ལན་ཀྲིའི་སྟེང་བཏང་། 

རྒྱ་ནག་གིས་ཁེ་ན་ཀྲའི་ཞིང་ལས་ཐོན་རྫས། ཡུངས་སྣུམ་གྱི་སྟེང་ནས་སྒོ་ཁྲལ་བརྒྱ་ཆ་ 85% ནས་བརྒྱ་ཆ་ 15% བར་བསྙུང་རྒྱུ་དང་། ཁེ་ན་ཀྲའི་ངོས་ནས་རྒྱ་ནག་གི་གློག་རྫས་རླངས་འཁོར་ཀྱི་སྟེང་ནས། སྒོ་ཁྲལ་བརྒྱ་ཆ་ 100% ནས་བརྒྱ་ཆ་ 6.1% བར་བསྙུང་རྒྱུར་མོས་མཐུན་བྱས།

ཨེ་རན་གྱི་ངོ་རྒོལ་ཁྲོད་རྐྱེན་འདས་སུ་ཕྱིན་ཟིན་པ་དག་གི་ནང་མི་ཚོས་བཤད་པ་ལྟར་ན། ཨེ་རན་གཞུང་གིས་ཁྱིམ་བདག་ལ་ཕུང་པོ་ཕྱིར་སྤྲོད་དགོས་ན་སྒོར་མོ་འཁྱེར་ཤོག གཞན་ཕུང་པོ་ཕྱིར་སྤྲོད་རྒྱུ་མིན་ཞེས་ཤོད་བཞིན་པའི་གནས་ཚུལ་བཀོད།

ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུའི་དམིགས་བསལ་སྐུ་ཚབ་ཝེ་ཀྲི་ཀོ་ཧྥི་ཡིས། ད་ལྟ་གྷ་ཛ་ས་ཁུལ་གྱི་དམག་འཁྲུག་ལ་མེ་མཚམས་བཞག་པའི་ལས་ཀ་རིམ་པ་གཉིས་པ་དེ་འགོ་བཙུགས་ཟིན་ཅེས་བསྒྲགས་ཟིན་པ་ལྟར། སྒྲོ་ནལ་ཁྲི་རམ་ཕུས་ཀྱང་། ད་ལྟ་གྷ་ས་ཁུལ་གྱི་བར་བརྒལ་འཛིན་སྐྱོང་ལ་ལྟ་ཞིབ་བྱེད་མཁན། {ཞི་བདེ་ཚོགས་ཆུང་}ཞེས་པ་བཙུགས་ཟིན་པ་དང་། འདིའི་ཁྲོད་མི་སྣ་གང་དག་ཚུད་ཡོད་པའི་མིང་ཐོ་མགྱོགས་པོར་ཕྱིར་བསྒྲག་རྒྱུ་ཡིན་པ་བཤད།

ཡུ་དམག་གིས། རཱ་དམག་གིས་བཟུང་བའི་ཡུ་ཁུ་རན་གྱི་རྫ་པུ་རི་ཆི་ས་ཁུལ་གྱི་གློག་ཁང་ཞིག་ལ་གཏོར་རྒོལ་བྱས། གཞན་ཡང་ཡུ་དམག་གིས་རཱ་ཤི་ཡའི་རེ་ཛན་ས་ཁུལ་གྱི་རྡོ་སྣུམ་བཟོ་གྲྭ་ཞིག་ལ་གཏོར་རྒོལ་བྱས་ཟིན་པའི་གནས་ཚུལ་ཐོན།

ལྕམ་མཱ་ཅ་རྡོ་ཁ་སང་ཨ་རིའི་རྒྱལ་ས་ཝ་ཤིན་ཀྲོན་དུ་སླེབས་ཤིང་། སྲིད་འཛིན་སྒྲོ་ནལ་ཁྲི་རམ་ཕུ་དང་ལྷན་ཐུག མོས་རང་གི་ནོ་སྦེལ་ཞི་བདེ་གཟེངས་རྟགས་དེ། སྒྲོ་ནལ་ཁྲི་རམ་ཕུ་ལ་སྤྲད་ཅིང་ཁོས་ཀྱང་དེ་བླངས།