admin

ཉེ་དུས་ནས་རྒྱལ་སྤྱིའི་དཔལ་འབྱོར་ཁྲོད་ཉེན་ཁ་གསར་བ་ཞིག་འབྱུང་བཞིན་པའི་སྐད་ཆ་མང་དུ་ཕྱིན་ཅིང་། ད་ལྟ་སྐད་ཆ་འདིས་ཁྲོམ་ར་དངོས་ལ་ཤུགས་རྐྱེན་ཐེབས་རྒྱུའི་འགོ་བཙུགས། དེ་ནི་{བཅོས་མའི་རིག་པའི་ལྦུ་བ་}ཞེས་པ་དེ་རེད།

མཇར་མན་གྱི་གཞུང་འཛིན་མཉམ་འབྲེལ་ཆབ་སྲིད་ཚོགས་པས།མཇར་མན་གྱི་ད་ལྟའི་དམག་མིའི་གྲངས་ 180,000 ཡིན་པ་ལ། འབྱུང་འགྱུར་དམག་མིའི་གྲངས་དེ་ 260,000 ལ་ཡར་སྤར་རྒྱུ་དང་། སྒུག་ཐོའི་ནང་གི་དམག་ཞབས་གྲངས་དེ་འབུམ་ 2 ཡར་སྤར་རྒྱུར་གྲོས་མཐུན་ཟིན་པའི་གནས་ཚུལ་ཐོན།

ཨ་རིའི་དམག་འཁྲུག་ལྷན་ཁང་གི་དྲུང་ཆེ་ཕེ་ཀྲི་ཧག་སེ་ཐི་ཡིས། ཨ་རིའི་དམག་དཔུང་གིས་{ལྷོ་ཡི་མདུང་བྱ་འགུལ་}ཞེས་པ་སྤེལ་རྒྱུ་ཡོངས་སུ་བསྒྲགས་ཤིང་། འདིའི་དམིགས་འབེན་ནི་ནག་ཚོགས་དང་དྲག་སྤྱོད་པ་ཡིན་པ་དང་། ཨ་རིའི་མི་སེར་མང་པོ་གསོད་མཁན་གྱི་ཉལ་ཐ་འདྲེན་སའི་ལམ་ཀ་གཅོད་ཆེད་ཡིན་པ་བཤད།

སྒྲོ་ནལ་ཁྲི་རམ་ཕུ་སྲིད་གཞུང་གིས། ཨ་རིས་ཐེ་ཝན་ལ་འཐབ་འཛིང་གནམ་གྲུ་དང་། གནམ་གྲུའི་ཆ་ཤས་སོགས་ཨ་སྒོར་ས་ཡ་ $330 ཡི་རིན་ཐང་གོ་ལག་འཚོང་རྒྱུར་ཆོག་མཆན་སྤྲད་ཟིན་པ། རོའུ་ཀྲར་གསར་ཤོག་སྟེང་གནས་ཚུལ་བཀོད།

མཁའ་དབྱིངས་སྐར་དཔྱད་རྒྱང་ཤེལ་(James Webb telescope)བརྒྱུད། སྐར་ཚོམ་ཞིག་མཐོང་ཟིན་པ་དང་། འདི་དག་ནི་གས་འཐོར་ཆེན་མོའི་རྗེས་སུ་ཐོག་མར་གྲུབ་པའི་སྐར་མ་དག་ཡིན་པ་ཚོད་དཔག་བྱེད།

མདང་དགོང་རཱ་དམག་གིས། ཡུ་ཁུ་རན་གྱི་ས་ཁུལ་དག་ལ་སྒྲི་རོན་ 138 དང་། བྷ་ལི་སི་ཀྲི་ཁི་འཕུར་མདའ་ཞིག་བཅས་འཕངས་ནས་ཚུར་རྒོལ་བྱས། ཡུ་དམག་གིས་རཱ་དམག་གི་སྒྲི་རོན་ 102 བཀག་ཟིན་ནའང་།སྒྲི་རོན་གྲངས་ 36 གིས་ས་ཁུལ་ 10 ལ་གཏོར་རྒོལ་ཐེབས་ཟིན་པ་བཤད།

ཉི་ཧོང་གི་བུད་མེད་ལོ་ན་ 32 ཅན་ཞིག་གིས། བཅོས་མའི་རིག་པའི་སྐད་བརྡའི་མ་ལག་(ChatGPT)བེད་སྤྱོད་ཀྱིས་མོ་རང་རང་གིས་བསྐྲུན་པའི་མི་ཞིག་དང་ལྷན་གཉེན་བསྒྲིགས་ཟིན་པ་བསྒྲགས།