admin

གཟའ་མིག་དམར་ཉིན། ཁེ་ན་ཀྲའི་སྲིད་བློན་མར་ཁི་ཀར་ནེ་རྒྱ་ནག་ཏུ་ལམ་ལ་ཆས། འདི་ནི་ཕྱི་ལོ་ 2017 ལོ་ནས་ཁེ་ན་ཀྲའི་སྲིད་བློན་ཞིག་རྒྱ་ནག་ཏུ་ཕྱིན་པ་ཐེངས་དང་པོ་དེ་འགྱུར་རྒྱུ་དང་།

ནུབ་ཆིངས་ལྟར་ན་དམག་འཁྲུག་འགོ་བཙུགས་པ་ནས། རཱ་དམག་ས་ཡ་ 1 ལས་མང་བ་ཤི་རྨས་བཟོས་ཟིན་པ་དང་། ལོ་སྔོན་མའི་ཕྱི་ཟླ་ 12 ནང་གཅིག་བུར་དམག་མི་ 25,000 བསད་ཟིན་པ་བཤད།

ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུས། ཨེ་རན་གྱི་རྒྱལ་གཅེས་པ་ཚོ། མུ་མཐུད་དུ་ངོ་རྒོལ་བྱོས། སྒྲིག་འཛུགས་དག་འཛིན་རོགས། བརྙས་བཅོས་བྱེད་མཁན་དང་ལག་དམར་ཚོའི་མིང་ཐོ་མཉར་རོགས། ཁོ་ཚོས་འདི་ལ་སྐྱིན་ཚབ་སྤྲོད་ངེས་ཡིན། རོགས་རམ་ཡོང་བཞིན་ཡོད་ཅེས་བྲིས།

ཨ་རིའི་གྲོས་ཚོགས་གོང་འོག་གཉིས་ཀྱི་གཞུང་གྲོན་སྟངས་འཛིན་ཚོགས་ཆུང་གིས། ཨ་རིའི་རྒྱལ་སྤྱིའི་གསར་འགྱུར་(USAGM)ལ་འགྲོ་གྲོན་ཨ་སྒོར་ས་ཡ་ $653 ཟུར་འཇོག་བྱ་རྒྱུ་ཐག་བཅད་ཟིན་པ་བཤད།

ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུས། ཨེ་རན་གཞུང་གིས་ངོ་རྒོལ་བ་དག་ལ་དྲག་གནོན་བྱས་པའི་ཉེས་ཆད་དུ། ཨེ་རན་དང་ཚོང་འབྲེལ་ཡོད་པའི་རྒྱལ་ཁབ་ཚང་མའི་སྟེང་། སྒོ་ཁྲལ་བརྒྱ་ཆ་ 25% དགལ་རྒྱུ་ཐག་བཅད་ཟིན་པ་བསྒྲགས།

ད་ལྟ་བར་ཨེ་རན་གྱི་ངོ་རྒོལ་གྱི་ཁྲོད་ཉུང་མཐར། ངོ་རྒོལ་བ་ 490 དང་བདེ་སྲུང་མི་སྣ་ 48 བསད་ཟིན་པ་གསལ་བོར་གྱུར་ཟིན་པ་བསྒྲགས། ད་དུང་མི་ 10,600 ལས་མང་བ་བཟུང་ཟིན་པའི་གནས་ཚུལ་ཐོན།

ཨོ་སི་ཁྲོ་ལི་ཡའི་ལྷོ་ཤར་ས་ཁུལ་དུ་སླར་ཡང་རང་བྱུང་མེ་སྐྱོན་ཆེན་པོ་བྱུང་། གཞུང་གིས་ས་ཁུལ་འདིར་མེ་གསོད་རུ་ཁག་གི་ལས་བྱེད་སྟོང་ཕྲག་བཏང་། བདུན་ཕྲག་འདིའི་དཀྱིལ་ནས་བཟུང་ཝིག་ཀྲོ་རེ་ཡ་མངའ་སྡེར། ས་ཆ་ཨེ་ཀར་ 741,316 ཡས་མས་ལ་མེ་ལྕེས་ཁྱབ་ཅིང་། ད་དུང་ཡང་མེ་ཆེན་པོ་ 10 འབར་བཞིན་པ་བསྒྲགས།