འཕྲུལ་རིག

ངོ་དེབ་དང་ཨིན་སི་ཀྲ་གྷ་རམ། ཝ་ཚི་ཨབ་བཅས་ཀྱི་ཁེ་གཉེར་ཨ་མ་མེ་ཀྲ་(Meta)ལ། ཉེན་ཆས་འདི་དག་གི་སྟེང་སྤེལ་བའི་ཁྱབ་བསྒྲགས་ལས་ཐོབ་པའི་ཡོང་སྒོའི་བརྒྱ་ཆ་ངེས་ཅན་ཞིག་རྒྱ་ནག་ནས་ཡོང་བཞིན་པ་བཤད།

རྒྱ་ནག་གི་བརྙན་བཟོ་ཉེན་ཆས་ཀྲིག་ཀྲོག་གི་ཁེ་གཉེར་མ་ཡིས། ཉེན་ཆས་འདིའི་མ་ཤེར་བརྒྱ་ཆ་ 19.9% ཁོ་ཚོ་རང་གིས་འཛིན་རྒྱུ་དང་། མ་ཤེར་ལྷག་མ་བརྒྱ་ཆ་ 80.1% ཨ་རི་སོགས་རྒྱལ་སྤྱིའི་ཁེ་གཉེར་དག་ལ་འཚོང་རྒྱུ་མོས་མཐུན་བྱས། 

རྒྱ་གར་འབྲེལ་མཐུད་ལྷན་ཁང་གིས། རྒྱ་གར་གྱི་ལག་འཁྱེར་ཁ་པར་བཟོ་གྲྭ་དག་ལ། ཁ་པར་ཚང་མའི་ནང་དུ་དྲྭ་རྒྱུའི་བདེ་འཇགས་དང་འབྲེལ་བའི་ཉེན་ཆས། གཞུང་གིས་བཟོས་པ་ཞིག་ངེས་པར་དུ་འཇོག་དགོས་པའི་བཀའ་བཏང་། ཐག་གཅོད་འདི་བདུན་ཕྲག་སྔོན་མར་བྱས་ཟིན་པ་ལ། བདུན་ཕྲག་འདིའི་གཟའ་ཟླ་བའི་ཉིན་ཉེན་ཆས་འདི་ཅི་ཞིག་ཡིན་པའི་གནས་ཚུལ་ཞིབ་ཕྲ་ཕྱིར་བཀྲམས་ཤིང་། བཀའ་རྒྱ་འདི་འབྱུང་འགྱུར་ཉིན་ 90 ནང་ལག་བསྟར་ཡོངས་སུ་གྲུབ་དགོས་པ་བཤད། 

ཁ་སང་ལྷོ་ཀོ་རེ་ཡའི་སམ་སང་(Samsang)འཕྲུལ་རིག་ཁེ་གཉེར་དང་བཟོ་གྲྭས། ཁོ་ཚོའི་ཁ་པར་ཐོན་གསར་བ་སུམ་ལྟེབ་རྒྱག་ཐུབ་པ་ཐོན་རིམ་དང་པོ་དེ་ཕྱིར་བཏོན། འདི་ནི་ཁོ་ཚོ་མུ་མཐུད་དུ་ཁ་པར་གྱི་ཁྲོམ་རའི་འགྲན་རྩོད་ཁྲོད་ཞུགས་པའི་གོ་སྟབས་ཤིག་ཏུ་གྱུར།

བདུན་ཕྲག་སྔོན་མར་ཨ་རིའི་འཕྲུལ་ལག་ཁེ་གཉེར་ཆེན་པོ་ཨིན་ཝེ་སྒྲི་ཡ་(Nvidia)ཡིས། རང་གི་འཆར་ཅན་གྱི་དཔལ་འབྱོར་ཡོང་སྒོའི་སྙན་ཐོ་ཕྱིར་བཏོན། ཁོ་ཚོའི་ཡོང་སྒོའི་སྙན་ཐོ་ལྟར་ན་ད་ལོའི་ཕྱི་ཟླ་ 7 ནས་ཕྱི་ཟླ་ 9 བར་གྱི་ཡོང་སྒོ་དེ། དེའི་སྔོན་གྱི་ཟླ་བ་ 3 དང་བསྡུར་ན་བརྒྱ་ཆ་ 62% ཡར་འཕར།

ཕྱི་ལོ་ ༢༠༢༥/༩/༡༦ གཟའ་མིག་དམར། . ཁ་སང་གཟའ་ཟླ་བའི་ཉིན་ཨ་རིའི་ནོར་སྲིད་དྲུང་ཆེ། སི་ཀོ་ཀྲིས་འགོ་འཁྲིད་པའི་ཨ་རིའི་སྐུ་ཚབ་དང་། རྒྱ་ནག་གི་ཚོང་དོན་སྐུ་ཚབ་གཉིས་སི་པན་གྱི་རྒྱལ་ས་མཱ་རྡི་རེ་རྡིར་འཛོམས། དེའི་རྗེས་སུ་ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུས། ཡུ་རོབ་ཏུ་ཨ་རི་དང་རྒྱ་ནག་གི་སྐུ་ཚབ་ལྷན་དུ་འཛོམས་པ་དེ་ཧ་ཅང་ཡག་པོ་བྱུང་སོང་། ཚོགས་འདུའི་གྲུབ་དོན་མགྱོགས་པོར་བཟོ་རྒྱུ་རེད། ང་ཚོའི་རྒྱལ་ཁབ་ཀྱི་ན་གཞོན་ཚོར་འདོད་པ་ཆེན་པོ་ཡོད་པའི་ཁེ་གཉེར་ཞིག་གི་ཐད་གྲོས་མཐུན་བྱུང་ཡོད། ཁོ་ཚོ་ཧ་ཅང་དགའ་ངེས་ཡིན། གཟའ་པ་སངས་ཉིན་ངས་སྲིད་འཛིན་ཞེ་ཅེན་ཕིན་དང་ལྷན་སྐད་ཆ་བཤད་རྒྱུ་ཡིན་ལ། འབྲེལ་བ་ཧ་ཅང་བརྟན་པོ་ཡིན་ཞེས་བྲིས། ཁོས། ཞེ་ཅེན་ཕིན་དང་ཁོ་སྒེར་བར་གྱི་འབྲེལ་བ་ཟེར་གྱི་ཡོད་དམ། ཡང་ན་ཨ་རི་དང་རྒྱ་ནག་བར་གྱི་འབྲེལ་བར་བཤད་ཀྱི་ཡོད་གསལ་བོར་མ་བཟོས། •. དེ་བཞིན་ཁོས་"ང་ཚོའི་རྒྱལ་ཁབ་ཀྱི་ན་གཞོན་ཚོར་འདོད་པ་ཆེན་པོ་ཡོད་པའི་ཁེ་གཉེར་"ཞེས་བཤད་པའི་དོན་ནི། རྒྱ་ནག་གི་བརྙན་བཟོ་མ་ལག་ཀྲིག་ཀྲོག་(Tiktok)ལ་ཤོད་བཞིན་པ་གསར་ཁང་དག་གིས་ཚོད་དཔག་བྱེད། སྒྲོ་ནལ་ཁྲི་རམ་ཕུ་དང་ཨ་རིའི་ནོར་སྲིད་དྲུང་ཆེ་གཉིས་ལྟར་ན། རྒྱ་ནག་གིས་ཀྲིག་ཀྲོག་དེ་ཨ་རིའི་ཁེ་གཉེར་ཞིག་ལ་འཚོང་རྒྱུར་ཁས་བླངས་སོང་ལ། གྲོས་མཐུན་འདིའི་སྒྲོམ་གཞི་བཟོས་ཟིན་ཅེས་བཤད། དེའི་དོན་ཅི་ཞིག་ཡིན་པ་ཁ་གསལ་མ་བཟོས་ཀྱང་། རྒྱ་ནག་གིས་ཨ་རིར། མཉེན་ཆས་འདིའི་ཁྱད་ཆས་གཙོ་བོ་དག་མུ་མཐུད་དུ་མཉར་དགོས་པ་དང་།...