admin

ཨ་རིའི་སྲིད་འཛིན་སྒྲོ་ནལ་ཁྲི་རམ་ཕུའི་བཀའ་ལྟར། འཐབ་འཛིང་གནམ་གྲུ་འཁྱེར་བའི་ཨ་རིའི་གྲུ་གཟིངས་ཆེན་མོ་(USS Gerald R Ford)ཞེས་པ། ཟླ་བ་སྔོན་མ་ནས་ཡུ་རོབ་ཀྱི་ཐག་ཉེ་ནས་ལྷོ་ཨ་མེ་རི་ཀའི་ཕྱོགས་སུ་རྒྱང་བསྐྱོད་འགོ་བཙུགས་ཟིན་པ་ལྟར། ད་ལྟ་གྲུ་གཟིངས་ཆེན་མོ་འདི་ཝེ་ནེ་ཛོ་ལ་རྒྱལ་ཁབ་ཀྱི་ཐག་ཉེ་ཁཱ་རེ་བྷེ་ཡན་མཚོ་རྒྱུད་དུ་སླེབས།

ཀི་སི་ཐན་གྱི་རྒྱལ་ས་ཨེ་སི་ལ་མ་བྷ་ལའི་ཁྲིམས་ཁང་ཞིག་གི་མདུན་དུ། འགད་རྫས་ཤིག་གས་འཐོར་གྱིས་མི་ 12 བསད་ཅིང་། དམག་གི་སློབ་གྲྭ་ཞིག་ཏུ་དྲག་རྒོལ་གྱིས་མི་ 3 བསད་ཟིན་པའི་གནས་ཚུལ་ཐོན། པཱ་ཀི་སི་ཐན་གྱིས། དྲག་རྒོལ་འདི་ཨ་ཧྥི་གྷན་དུ་རྟེན་གཞི་བྱེད་ཡོད་པ་ལ། རྒྱ་གར་གྱི་རྒྱབ་སྐྱོར་འོག་ཡོད་པའི་དྲག་སྤྱོད་ཤོག་ཁག་ཅིག་གིས་བརྩམས་ཡིན་པ་བསྒྲགས།

རཱ་དམག་གིས། ཡུ་ཁུ་རན་གྱི་རྡོ་ཉད་སི་ཀི་ས་ཁུལ་གྱི་ཕོ་ཁོ་རོ་ཝི་སི་ཀི་གྲོང་ཁྱེར་ཧྲིལ་བོ་འཕྲོག་ཆེད། མུ་མཐུད་དུ་འཐབ་བཞིན་པ་དང་ཁ་སང་སྨུག་པ་འཐིབ་ཡོད་པའི་གོ་སྐབས་དང་བསྟུན། རཱ་དམག་སྐོར་ཞིག་གིས་འཕྲུལ་ལྟ་དང་། རླངས་འཁོར་སོགས་བེད་སྤྱོད་ཀྱིས་ཕོ་ཁི་རོ་ཝི་སི་ཀི་གྲོང་ཁྱེར་གྱི་ལྷོ་ཕྱོགས་ནས་ནང་ལ་འཛུལ།

གཟའ་ཟླ་བའི་ཉིན་སེ་རི་ཡའི་སྲིད་འཛིན་གསར་བ། ཨལ་ཤཱ་ར་ཨ་རིའི་རྒྱལ་ས་ཝ་ཤིན་ཀྲོན་དུ་སླེབས་ཤིང་། ཕོ་བྲང་དཀར་པོར་སྲིད་འཛིན་སྒྲོ་ནལ་ཁྲི་རམ་ཕུ་དང་ལྷན་ཐུག

ཨ་རིའི་ལྷན་ཁང་མང་པོ་སྒོ་བརྒྱབས་ནས་ཉིན་ 40 འགྲོ་བཞིན་པ་ལྟར། གཟའ་ཟླ་བའི་ཉིན། རྒྱལ་ནང་དུ་འཕུར་མཁན་གནམ་གྲུ་གྲངས་ 2,400 འཕུར་རྒྱུ་ཕྱིར་འཐེན་དང་། གནམ་གྲུ་གྲངས་ 9,000 འཕུར་རྒྱུའི་དུས་ཚོད་ཕར་བསྒྱངས་ཟིན་པའི་གནས་ཚུལ་ཐོན།

རྒྱ་གར་གྱི་རྒྱལ་ས་ལྡི་ལིའི་མཁར་རྫོང་དམར་པོ་(Red fort)ཡི་ཐག་ཉེར། གཞུང་ལམ་སྟེང་དུ་རླངས་འཁོར་ཞིག་གས་འཐོར་དུ་ཕྱིན་རྐྱེན། ཉེ་འཁོར་གྱི་མི་ 8 རྐྱེན་འདས་སུ་ཕྱིན་ཅིང་གཞན་ 20 རྨས།

ཡུ་ཁུ་རན་གྱི་སྲིད་འཛིན་ཛེ་ལན་སི་ཀེ་ཡིས། ད་ལྟའི་དམག་འཁྲུག་འདི་མཇུག་མ་བསྡུས་སྔོན། ཕུ་ཀྲན་གྱིས་ཡུ་རོབ་རྒྱལ་ཁབ་གཞན་ཞིག་གི་སྟེང་ཚུར་རྒོལ་བྱ་རྒྱུ་ཡིན་པ་དང་། ད་ལྟ་ཕུ་ཀྲན་ཕྱིར་ནུར་རྒྱག་ས་མེད་པའི་གནས་སྟངས་ཧ་ཅང་ངན་པ་ཞིག་གི་ནང་དུ་ལྷུང་འདུག་ཅེས་བཤད།