ཁེ་ན་ཀྲར་ཡོད་པའི་ཨ་རིའི་གཞུང་ཚབ་ཆེན་མོ། ཕེ་ཀྲེ་ཧོག་སི་ཀྲིར་(Pete Hoekstra)ཁེ་ན་ཀྲར་འདུག་རྒྱུར་དགའ་བསུ་མེད་པ་དང་། ཨ་རིའི་ངོས་ནས་གཞུང་ཚབ་ཆེན་མོ་ཁོ་ཕྱིར་འཐེན་དགོས་པའི་སྙན་ཞུ་ཞིག་གི་སྟེང་། ཁེ་ན་ཀྲའི་མི་ 104,000 ཡིས་མིང་རྟགས་བཀོད་ཅིང་། སྙན་ཞུའི་ཡི་གེ་འདི་ལ་ཁེ་ན་ཀྲའི་གྲོས་ཚོགས་འཐུས་མི་ཨེ་ལེ་ཛི་བྷ་ཐི་མེ་(Elizabeth May)ཡིས་རྒྱབ་སྐྱོར་བྱེད་བཞིན་པ་བཤད། སྙན་ཞུ་འདི་ཉིད་གྲོས་ཚོགས་འཐུས་མི་ཞིག་བརྒྱུད་ནས། གྲོས་ཚོགས་སུ་འབུལ་ཐུབ་པ་དང་། དེ་ལྟར་ན་གོང་གི་གྲོས་འཐུས་འདིས་འབུལ་རྒྱུ་ཡིན་པ་གསལ།
གལ་སྲིད་སྙན་ཞུ་དེ་གྲོས་ཚོགས་སུ་ཕུལ་ཚེ། ཁེ་ན་ཀྲའི་གཞུང་གི་ངོས་ནས་ཉིན་ 45 ཡི་ནང་ཚུད་དུ། ངེས་པར་དུ་འདི་ལ་ལན་སྤྲོད་དགོས་པ་གསལ། ཨ་རིའི་གཞུང་ཚབ་ཁོ་ཕྱིར་ཕུད་དགོས་པའི་སྙན་ཞུ་རྒྱག་དོན་ནི། མི་འདིས་ཁེ་ན་ཀྲའི་ནང་སྲིད་ཁྲོད་ལག་སྲིང་བཞིན་འདུག་ཅེས་པ་དེ་རེད། ལྷག་པར་སྒྲོ་ནལ་ཁྲི་རམ་ཕུས། ཁེ་ན་ཀྲ་དེ་ཁོས་ཨ་རིའི་མངའ་སྡེ་ཞིག་ཏུ་བསྒྱུར་རྒྱུ་ཡིན་ཞེས་བཤད་པའི་སྐད་ཆ་དེར། ཁེ་ན་ཀྲར་ཡོད་པའི་ཨ་རིའི་གཞུང་ཚབ་ཀྱིས་རྒྱབ་སྐྱོར་ཡོད་པའི་རྣམ་འགྱུར་ཞིག་བསྟན་ཟིན་པས་ཡིན་པ་གསལ། འདས་པའི་བགྲང་བྱ་མང་པོའི་རང་གི་རྒྱལ་ཁབ་གཉིས་ཀྱི་འབྲེལ་བ་བཟང་པོ་དེ། འདས་པའི་ལོ་འགའི་ནང་སྡུག་ཏུ་ནས། ད་ལྟ་ཕན་ཚུན་ལ་དོགས་པ་ཟ་དགོས་པའི་ཚད་དུ་ལྷུང་།