རྒྱ་གར་གྱི་ན་གཞོན་ཞིག་གིས་བཙུགས་པ། ཀོ་ཀི་རོ་ཆི་མི་མང་ཆབ་སྲིད་ཚོགས་པས། རྒྱ་གར་གྱི་སློབ་མའི་ཡིག་རྒྱུག་གི་དྲི་བ་ཕྱི་ལ་ཤོར་ཟིན་པ་དང་འབྲེལ། རྒྱ་གར་དབུས་ཤེས་རིག་བློན་ཆེན་གྱིས་དགོངས་པ་ཞུ་དགོས་པ་དང་། ཤེས་ཡོན་ལ་བསྒྱུར་བཅོས་བྱ་རྒྱུའི་དགོས་འདུན་འོག ཟླ་བ་སྔོན་མ་ནས་རྒྱལ་ས་ལྡི་ལིར་ངོ་རྒོལ་ཞིག་འགོ་བཙུགས་ཟིན་པ་ལྟར། ཟླ་བ་སྔོན་མའི་ཚེས་ 28 ཉིན་ནས་ལ་དྭགས་ཀྱི་ཤེས་ཡོན་ཞབས་ཞུ་བ་དང་། ཁོར་ཡུག་སྲུང་སྐྱོབ་པ་གྲགས་ཅན་བསོད་ནམས་དབང་ཕྱུག་ཀྱང་། ངོ་རྒོལ་འདིའི་ཁྲོད་ཞུགས་ཤིང་ཟས་བཅད་ངོ་རྒོལ་འགོ་བཙུགས།
ད་ལྟ་ངོ་རྒོལ་འདི་འགོ་བཙུགས་ནས་ཉིན་ 20 འགྲོ་བཞིན་པ་དང་། ཁོའི་ལུས་ཀྱི་ལྗིད་ཚད་སྤྱི་རྒྱ་ 9kg མར་ལྷུང་ཟིན་པ་དང་། མཐར་ལས་འགུལ་བ་གཞན་ཞིག་གིས་ཁྲིམས་ཁང་ལ་ཞུ་གཏུག་བརྒྱུད། ཁོའི་ལས་འགུལ་འདི་མཚམས་འཇོག་ཏུ་བཅུག་ཅིང་། ཁ་སང་ཞོགས་པའི་ཆུ་ཚོད་ 7:30 ཡི་སྔོན་དུ་ཉེན་རྟོག་པ་སོགས་ཡོང་ནས། བསོད་ནམས་དབང་ཕྱུག་བཙན་གྱིས་སྨན་ཁང་དུ་བསྐྱལ། དེའི་རྗེས་སུ་སྨན་པས། བསོད་ནམས་དབང་ཕྱུག་གི་གཟུགས་པོའི་གནས་སྟངས་བརྟན་པོ་ཡིན་པ་བཤད།འདས་པའི་ཉིན་ 20 ཡི་རིང་བསོད་ནམས་དབང་ཕྱུག་གིས། ཚྭ་དང་ཆུ་ལས་ཟས་གང་ཡང་མ་ཟས་པ་གསལ།
རིམ་གྱིས་ཁོའི་གཟུགས་པོའི་གནས་སྟངས་ཉེན་ཁའི་གནས་སུ་ལྷུང་། དེ་དང་ལྷན་དེ་རིང་ནས་བསོད་ནམས་དབང་ཕྱུག་གི་ཤུལ་དུ། ཀོ་ཀི་རོ་ཆི་ཆབ་སྲིད་ཚོགས་པ་འཛུགས་མཁན། ན་གཞོན་ཨ་བྷེ་ཇེ་ཀྲི་(Abhijeet Dipke)ཡིས། དུས་ཡུན་ངེས་མེད་ཀྱི་ཟས་བཅད་ངོ་རྒོལ་འགོ་བཙུགས་ཟིན་པ་དང་། བདུན་ཕྲག་རྗེས་མའི་གཟའ་ཟླ་བའི་ཉིན་ངོ་རྒོལ་བྱེད་མཁན་ཚོས། གྲོས་ཚོགས་ཀྱི་ཕྱོགས་སུ་གོམ་བགྲོད་བྱ་རྒྱུ་དང་། སྲིད་བློན་མོ་དྷི་ཡིས་དགོངས་པ་ཞུ་རྒྱུའི་འབོད་སྐུལ་ཞུ་རྒྱུར་འཆར་གཞི་ཡོད་པ་བསྒྲགས།
See less